ایمزٹی وی(پشاور) پاکستان تحریک انصاف کے سربراہ عمران خان نے کہا ہے کہ قوم دہشت گردی سے مقابلے کا فیصلہ کرچکی ہے، پشاور میں پریس کانفرنس سے خطاب کرتے ہو ئے انکا کہنا ہے کہ پشاور سانحے کا پورے ملک پر اثر پڑا ہے، پولیس یہ اضافی بوجھ برداشت نہیں کرسکتی۔ انکا مزید کہنا ہے کہ پختونخوا میں 17لاکھ افغان مہاجرین رہائش پذیر ہیں جس سے صوبے پر دباؤ پڑرہا ہے، غیر قانونی طور پرسرحد عبور کرنے والے فاٹا اورصوبے بھر میں پھیل جاتے ہیں، طورخم سرحد پر آمد و رفت کو کنٹرول کیے بغیر دہشتگردی روکنا مشکل ہے، پولیس سے دہشتگردی کا مقابلہ کرنے کی توقع نہیں ہونی چاہیے، اضافی بوجھ برداشت نہیں کرسکتی۔ ایف سی کے ذمے فاٹا اور صوبے کے درمیان بارڈر کی حفاظت کرنا تھی، ایف سی کو واپس اسکے کام پر لگایا جائے، 4 پختونخوا کی حکومت پر قبائلی علاقے میں جاری آپریشن کا دباؤ پڑرہا ہے ۔