ایمزٹی وی (سیاسی) وزیر اطلاعات پرویز رشید نے کہا ہے کہ اگر پوریاں تلی جا رہی ہیں اور حلوے کی خوشبو پھیلی ہوئی ہے تو لاہور کھلا ہے، عمران کے ٹائیگرز نے میٹرو بس پر پتھراو کر کے تشدد کی ابتدا کر دی ہے۔ وزیراطلاعات پرویز رشید نے اسلام اباد سے جاری ایک بیان میں کہا کہ حلوہ پوری، نان کلچے، سری پائے، نہاری کی دکانیں کھلی ہیں تو ابھی ہڑتال نہیں ہوئی۔ اگر پوریاں تلی جا رہی ہیں اور حلوے کی خوشبو پھیلی ہوئی ہے تو لاہور کھلا ہے۔ میڈیا کیمروں کا رخ دھرنا چوکوں سے ہٹا کر زرا ناشتوں سے لطف اندوز ہونے والے لاہوریوں کی طرف بھی کریں۔ انہوں نے کہا کہ عمران خان کے ٹائیگروں نے میٹرو بس پر پتھراؤ کر کے تشدد کی ابتدا کر دی ہے ۔