یونیورسٹی آف ہیلتھ سائنسز نے پنجاب کے سرکاری میڈیکل اور ڈینٹل کالجوں میں داخلوں کے لیے عبوری میرٹ لسٹ جاری کر دی ہے۔
ترجمان یو ایچ ایس کے مطابق، یہ لسٹ ٹاپ چار ہزار اہل امیدواروں پر مشتمل ہے اور اسے یونیورسٹی کی آفیشل ویب سائٹ پر دیکھا جا سکتا ہے ۔عبوری میرٹ لسٹ اوپن میرٹ اور کوٹہ سیٹوں پر داخلوں کے لیے جاری کی گئی ہے ۔
ابتدائی اندازوں کے مطابق ایم بی بی ایس میں اوپن میرٹ پر داخلے کے لیے کم از کم میرٹ 94.3 فیصد رہنے کا امکان ہے ۔ اس لسٹ میں سے 3121 امیدواروں کو اوپن میرٹ پر ایم بی بی ایس میں داخلے دیے جائیں گے۔