ایمز ٹی وی (لاہور) یسریٰ بی بی نے شوہر کے خلاف مار پیٹ کا مقدمہ درج کرا دیا ۔ تھانہ گرین ٹاؤن نے تشدد کا مقدمہ درج کر کے شوہر طیب کو گرفتار کر لیا ۔ لاہور کے علاقے گرین ٹاؤن کی یسریٰ بی بی نشے کے عادی شوہر کے تشدد کا نشانہ بن کر تھک چکی تھی ۔ یسریٰ بی بی نے بیٹے کو ساتھ لیا اور مقدمہ درج کرانے تھانے پہنچ گئی ۔ یسریٰ کا کہنا ہے گھر کا خرچہ مانگنے پر شوہر تشدد کا نشانہ بناتا ہے ۔ تھانہ گرین ٹاؤن نے یسریٰ بی بی کی درخواست پر زیر دفعہ 354 مقدمہ درج کر کے شوہر کو گرفتار کر لیا ہے ۔ پولیس حکام کا کہنا ہے یسرا بی بی کے شوہر طیب کو تشدد اور دھمکیاں دینے کے الزام میں گرفتار کیا گیا ہے ۔ یسریٰ بی بی کو امید ہے کہ اسے انصاف ملے گا ۔
جمعہ, 17 مئی 2024
تازہ ترین