ایمز ٹی وی(کراچی) سائٹ ایریا میں ضیا موڑ کے قریب تیز رفتار ٹینکر نے 3 معصوم بچوں کو کچل ڈالا۔ تینوں بچوں کی لاشیں اسپتال منتقل کردی گئیں۔
کراچی میں سائٹ کے علاقے ضیا موڑ کے قریب ایک تیز رفتار واٹر ٹینکر نے گلی میں کھیلنے والے تین بچوں کو کچل دیا۔ ذرائع کے مطابق تینوں بچے ایک ہی محلے کے رہنے والے تھے جن کی لاشیں سول اسپتال منتقل کی گئیں۔ پولیس کا کہنا ہے کہ واٹر ٹینکر کا بریک فیل ہو جانے کے باعث حادثہ پیش آیا تاہم پولیس کے مطابق اہل محلہ نے فرار ہونے والے ڈرائیور کو پکڑ کر پولیس کے حوالے کردیا۔ حادثے کے بعد علاقے کی فضا سوگوار ہو گئی۔