ایمز ٹی وی(کراچی) کلفٹن میں قائم افغان قونصلیٹ کے قریب نامعلوم افراد کی جانب سے فائرنگ ایک شخص کی ہلاکت کی اطلاعات ہیں۔
شہر قائد میں افغان قونصل خانے کے قریب فائرنگ کے نتیجے میں ایک شخص کی ہلاکت اور ایک کے شدید زخمی ہونے کی اطلاعات موصول ہو رہی ہیں۔
نجی ٹی وی نیوز کے مطابق فائرنگ کا سلسلہ تقریبا ً30 سے 45 منٹ سے جاری ہے اور اس کے نتیجے میں ایک شخص کے ہلاک اور ایک شخص کے زخمی ہونے کی اطلاعات بھی ہیں۔
ذرائع کا کہنا ہے کہ فائرنگ کے واقعے کی اطلاع ملنے پر رینجرز اور پولیس کی بھاری نفری نے موقع پر پہنچ کر قونصل خانے اور اطراف کے علاقوں کو گھیرے میں لے لیا ہے اور فائرنگ کاسلسلہ تاحال جاری ہے۔
کراچی کے پوش علاقے میں قائم افغان قونصلیٹ کے قریب نامعلوم حملہ آوروں کی فائرنگ سے ایک شخص کی ہلاکت کی اطلاعات ہیں، تاہم کسی سیکیورٹی ادارے کی جانب سے ہلاکت کی تصدیق نہیں ہوسکی۔
افغان قونصیلٹ کے اندر سے وقفے وقفے سے فائرنگ کی آوازیں آرہی ہیں، پولیس حساس اداروں اور رینجرز نے قونصلیٹ کو چاروں جانب سے گھیرے میں لے لیا ہے۔