ایمزٹی وی (سندھ)سندھ کابینہ کے اجلاس میں صوبے کی قسمت کے اہم فیصلے کر لئے گئے ، کابینہ نے قومی احتساب بل پرگورنر سندھ کے اعتراض پر واپسی کے بعد سندھ اسمبلی میں دوبارہ بحث کے لئے منظورکرنے ، ملازمت سے برطرفی آرڈیننس2000ختم کرنے ،سندھ فرانزک سائنس ایجنسی ایکٹ 2017پر بحث اور لیب قائم کرنے کی منظور ی دے دی ہے
وزیر اعلیٰ سندھ کے ترجمان کے مطابق سندھ کابینہ میں اہم فیصلے کئے گئے ہیں جن میں قومی احتساب بل پر گورنر سندھ زبیر عمر نے اعتراضات لگا کر دوبارہ اسمبلی میں بحث کی ہدایت کی تھی جس پر کابینہ میں اس بل پر گفتگو کی گئی اور اسے اسمبلی کے پلیٹ فارم پر دوبارہ بحث کی منظوری دی گئی ۔ کابینہ کو سندھ کے سیکرٹری داخلہ نے سندھ فرانزک سائنس لیب کی اہمیت پر بریفنگ دی جس پر کابینہ نے سندھ فرانزک سائنس ایجنسی ایکٹ 2017پر بحث اور قیام کی منظور ی دیدی ، ترجمان وزیراعلیٰ سندھ کے مطابق کابینہ نے ملازمت سے برطرفی آرڈیننس2000کو ختم کرنے کی منطوری بھی دے دی ہے ۔
واضح رہے کہ سندھ اسمبلی کی جانب سے قومی احتساب بیورو کے اختیارات کو ختم کرتے ہوئے ترمیمی بل منظور کرکے نیب کے سندھ میں اختیارات ختم کر تے ہوئے بل کو گورنر سندھ کے پاس منظوری کے لئے بھجوایا تھا جس پر بل پر اعتراضات کی توقع بھی کی جارہی تھی جبکہ اس بل کی منظوری کے بعد سندھ حکومت اور وفاق کے مابین شدید تناؤ پایا جا رہا ہے اور نیب قوانین بارے قومی اسمبلی کی اسٹیرنگ کمیٹی اس بل کو غیر قانونی بھی قرار دے چکی ہے ۔
