لاہور: پی ایس ایل 6کی تشہیری مہم کا آغاز ہوگیا
پی ایس ایل 6 کے حوالے سے تقریب میں 12فٹ طویل ٹرافی کی ڈمی چوراہے پر نصب کردی گئی ہے جوکہ لاہور کے لبرٹی چوک میں ٹرافی شائقین کی توجہ کا مرکز بن گئی۔
ایک کٹ آؤٹ میں بابر اعظم لاؤڈ اسپیکر پکڑ کر پی ایس ایل کا اعلان کرتے نظر آرہے ہیں،، سرفرازاحمد، شاہین شاہ آفریدی، شان مسعود،شاداب خان اور وہاب ریاض کی بھی بڑی تصاویر موجود ہیں
مینار پاکستان، قائد اعظم کا مزار، باب خیبر، قائد اعظم ریذیڈنسی زیارت کے ماڈلز بھی راہگیروں کی توجہ حاصل کررہے ہیں جب کہ ٹرافی کی تقریب رونمائی میں پی ایس ایل کا آفیشل گانا بجانے کے ساتھ آتش بازی بھی کی گئی۔
چیف ایگزیکٹیو پی سی بی وسیم خان نے مختصر خطاب کرتے ہوئے 20فیصد تماشائیوں کو اسٹیڈیم میں آنے کی اجازت ملنے پر خوشی کا اظہار کیا،20فروری کو کراچی میں تقریب کے ساتھ شروع ہونے والی پی ایس ایل کا کاؤنٹ ڈاؤن بھی شروع ہوگیا۔