ھفتہ, 15 مئی 2021


پی ایس ایل 6 کی گہماگہمی مزیدبڑھ گئی

کراچی : پاکستان سپر لیگ 6 کی تیاریاں عروج پر پہنچ گئیں۔

کراچی کے نیشنل اسٹیڈیم میں پاکستان سپر لیگ کے چھٹے ایڈیشن کا آغاز 20 فروری سے ہورہا ہے جس کی تیاریاں اب عروج پر پہنچ چکی ہیں، دفاعی چیمپئن کراچی کنگز آفیشلز کی طرف سے از خود قرنطینہ کا سلسلہ شروع ہوچکاہے جبکہ اسلام آباد یونائیٹڈ کی ٹیم گذشتہ شب سیلف آئسولیشن میں چلی گئی،

پی ایس ایل ایڈیشن 6 کےٹکٹس کےفروخت کےلئےایک ویب سائٹ سےمعاہدہ

ذرائع کے مطابق کھلاڑیوں اور آفیشلز کو پہلا ٹیسٹ خود کرانا ہوگا، ہوٹل میں دوسرے ٹیسٹ کی رپورٹ منفی آنے پرکرکٹرز و آفیشلز کے لیے 3 دن کا قرنطینہ لازمی ہے، جس کے بعد وہ بائیو سیکور ببل میں داخل ہوجائیں گے، ایونٹ کے لیے ٹیموں کی پریکٹس کا سلسلہ پیر سے شروع ہورہا ہے، نیشنل اسٹیڈیم، اس سے ملحقہ حنیف محمد ریجنل ہائی پر فارمنس سینٹر اورمعین خان کرکٹ اکیڈمی میں پریکٹس کا اہتمام کیا جائے گا۔

 پاکستان سپر لیگ 2021 کا آفیشل ترانہ “گروو میرا”

پی ایس ایل میں غیر ملکی کرکٹرز اور آفیشلز کی آمد کا آغازجمعرات کو ہوگا،دفاعی چیمپئن کراچی کنگز کے وکٹ کیپر بیٹسمین چیڈوک والٹن سب سے پہلے کراچی پہنچیں گے، جمعے کو ملتان سلطانز کے اینڈی فلاور سمیت کوچنگ اسٹاف کے ارکان بھی آرہے ہیں، ویسٹ انڈیز سے تعلق رکھنے والے پشاور زلمی کے ڈیرن سیمی کی ہفتے کو آمد متوقع ہے۔

پرنٹ یا ایمیل کریں

Leave a comment