ایمزٹی وی (فارن ڈیسک) اب کھانے پینے کی چیزیں بھی پرتعیش اشیاء میں شمار ہونگی جن میں سونے چاندی کے ذرات شامل کیے جارہے ہیں۔ اسپین میں سونے کے ذرات سے بھری دنیا کی مہنگی ترین ڈبل روٹی فروخت کیلئے پیش کردی گئی ہے۔ اسپین کے قصبے الغاطوسن کی پین پینا بیکری میں میدے اور شہد کیساتھ سونے کے ذرات ملاکر ڈبل روٹی بیک کی جارہی ہے جسے117 یورو (93پاؤنڈ ، 145ڈالر) میں فروخت کیا جارہا ہے۔ 400 گرام (14اونس) وزن کی حامل ہر ڈبل روٹی میں 100 یورو قیمت کی حامل 250 ملی گرام گولڈ ڈسٹ شامل کی جارہی ہے ۔