ایمز ٹی وی (فارن ڈیسک) امریکی شہربالٹی مور میں سیاہ فام نوجوان کے قتل کے خلاف فلاڈلفیامیں احتجاج کے دوران پولیس اور مظاہرین گتھم گتھا ہوگئے۔
پولیس کے مطابق بالٹی مورمیں کرفیو رواں ہفتے کے اختتام تک جاری رہے گا۔ بالٹی مورمیں پولیس حراست کے دوران سیاہ فام نوجوان فریڈی گرے کے قتل کے خلاف امریکاکے مختلف شہروں میں احتجاج کاسلسلہ گزشتہ روزبھی جاری رہا۔ بالٹی مور میں مظاہرین نے پولیس مظالم کے خلاف احتجاجی ریلی نکالی۔ فلاڈلفیامیں بھی متاثرہ خاندان سے اظہار یکجہتی کے لیے سیکڑوں افرادسڑکوں پرنکل آئے۔
بعض مظاہرین پولیس سے لڑ پڑے۔ امریکا کے شہربالٹی مور میں حکام نے شہریوں سے امن اور صبرکی اپیل کی ہے۔ امریکی میڈیاکے مطابق پولیس نے سیاہ فام شہری کی ہلاکت کے واقعے پراپنی تحقیقی رپورٹ ریاست کے اٹارنی کے دفترمیں جمع کرادی تھی۔