انجمن ِاساتذہ جامعہ کراچی کے صدر ڈاکٹر شکیل فاروقی کہا ہے کہ جامعہ میں مختلف حربوں سے اپنے من پسند افراد بھرنے کی کوشش کی جا رہی ہے - انہوں نے کہا کہ چانسلر کے سابق اور موجودہ سیکرٹریز کی سنڈیکیٹ پر نامزدگی مفادات کے تصادم کی ایک بھیانک مثال ہے۔ انہوں نے کہا کہ کچھ لوگ کبھی نااہل افراد کو پروفیسر ایمیریٹس بنوانے کی کوشش کرتے ہیں اور کبھی ڈاکٹریٹ کی اعزازی ڈگریاں جامعہ کراچی کے خرچے پربنوا کر مادرِ علمی کے تقدس کو پامال کرتے ہیں-ڈاکٹر شکیل فاروقی نے چانسلر جامعہ کراچی سے مطالبہ کیا ہے کہ ان کے نامزد کردہ یا کسی بھی اورحاضر ممبر سنڈیکیٹ کوڈاکٹریٹ کی اعزازی ڈگری دینے یا حاصل کرنے پر فوری مکمل پابندی لگائی جائے-