ایمزٹی وی (تعلیم) پاکستان سے 11 طلباء پر مشتمل ایک وفد نے جینسیز پروگرام کے تحت جاپان کا مطالعتی دورہ کیا۔ وفد میں ہمدرد یونیورسٹی کے پانچ طلباء اور ایک سپر وائزر شامل تھے۔ ذرائع کے مطابق اس 10 روزہ دورے کے دوران طلباء کو ماحولیاتی مسائل، تعلیم اور جاپان کے عالمی حفاظتی اقدامات کے بارے میں بتایا گیا۔ طلباء کو جاپان کے ری سائیکلنگ مراکز، شہری فارمز، پانی کو ذخیرہ کرنے اور اس کی ری سائیکلنگ کے مراکز اور بچوں کی تعلیم کے جدید و منفرد طریقہ تعلیم نے بہت متاثر کیا۔ Jenesysپروگرام کا بنیادی مقصد پاکستان، بھارت اور ایشائی ممالک کے لوگوں کے درمیان باہمی اعتماد اور افہام و تفہیم کو فروغ دینا ہے نیز جاپان کے معاشرے، تاریخ، متنوع ثقافت، سیاست اور خارجہ پالیسی سے روشناس کرانا ہے۔