ایمزٹی وی (ایجوکیشن) لمس یونیورسٹی (سکھر)کی جانب سے قائم کی گئی ڈیجیٹل اینڈ ریسرچ لیبارٹری کی افتتاحی تقریب کا انعقاد کیا گیا۔ اس موقع پر لیاقت میڈیکل یونیورسٹی جامشورو کے وائس چانسلر پروفیسر ڈاکٹر نوشاد احمد شیخ کا کہنا تھا کہ لمس یونیورسٹی پبلک سیکٹر یونیورسٹی ہونے کے ناطے طلبہ کو بہتر تعلیم دینے اور عوام کو صحت کی سہولتیں فراہم کررہی ہے اس حوالے سے ڈاکٹر نوشاد احمد شیخ کا کہنا تھا کہ لمس کی نئی ڈیجیٹل لیبارٹری میں غریب عوام کو کم قیمت پر ہر طرح کے ٹیسٹ کئے جائیں گے۔ انہوں نے کہا کہ لمس یونیورسٹی کی جانب سی مختلف شہروں دادو، میرپورخاص ، ٹنڈو آدم، حیدرآباد ،قاسم آباد، لطیف آباد، جامشورو میں جدید نئی مشینری کے ہمراہ تربیت یافتہ عملہ مقرر کیاگیا ہے۔ انہوں نے مزید کہا کہ صوبہ سندھ کے تمام ضلعی ہیڈ کوارٹرز سمیت تمام بڑے شہروں میں لمس یونیورسٹی کی جانب سے لیبارٹریز قائم کرکے عوام کو صحت کی سہولتیں فراہم کی جائیں گی۔ ڈاکٹر نوشاد احمد شیخ نے کہا کہ نئی ڈیجیٹل لیبارٹری عوام کیلئے تحفہ ہے۔ افتتاحی تقریب کے دوران ڈین پروفیسر اشرف خاصخیلی ،چیئرمین پیتھالوجی پروفیسر ڈاکٹر اکرام اجن ویگرموجود تھے ۔