کراچی: جامعہ این ای ڈی کےتحت31واں سالانہ جلسہ تقسیمِ اسناد2022 منعقد کیا گیا۔

پرُ وقار تقریب میںچانسلر/ گورنر سندھ کامران ٹیسوری، پروچانسلر انجینئرنگ جامعات ضیا عباس شاہ، سربراہ ہائر ایجوکیشن کمیشن پروفیسر ڈاکٹر مختار احمد، شیخ الجامعہ این ای ڈی پروفیسر ڈاکٹر سروش حشمت لودھی، معین الجامعہ پروفیسر ڈاکٹر محمد طفیل اور انڈس ہاسپٹل اینڈ ہیلتھ نیٹ ورک کے سی ای او ڈاکٹر عبدالباری خان نےشرکت کی۔

سالانہ جلسہ تقسیم اسناد سے خطاب کرتے ہوئے مہمانِ خصوصی کاکہنا تھا کہہماری خواہش ہے کہ کوئی بھی طالب علم ڈگری کےحصول کے بعد فارغ نہ رہے، طلبہ والدین اور اساتذہ کی کاوشوں کو نہ بھولیں.تقسیم اسناد، ناصرف طالب علموں بلکہ والدین اور اساتذہ کی کامیابی کا دن ہے۔
جامعہ این ای ڈی اورا س کا تھر کیمپس بہترین کام کررہا ہے، فارغ التحصیل طلبا جامعہ کی بہتری میں کردادا کرتے رہیں، طالبات کو انجینئرنگ میں آگے بڑھتا دیکھ کر خوشی محسوس ہورہی ہے

گورنرسندھ/ چانسلر جامعات کامران ٹیسوری کاخطاب
گورنرسندھ/ چانسلر جامعات کامران ٹیسوری کا صدارت کرتے ہوئے کہنا تھا کہ جامعہ این ای ڈی ملک کی بہترین جامعات میں سے ایک ہے جو کہ ناصرف تعلیمی بلکہ ملکی ترقی میں بھی کردار ادا کررہی ہے۔انہوں نے کہا کہ طلبہ نے مجھ سے کہا کہ اُن کا ملک سے باہر جانے کا ارادہ ہے، چاہتا ہوں کہ کچھ ایسا کروں کہ اس شہر اور صوبے کے طلبہ فارغ التحصیل ہونے کے بعد یہاں کی صنعتوں میں کام کریں ڈیجیٹل نظام کے ذریعے ان کا ڈیٹا ہمارے پاس ہو اور ہم انہیں ضرورت کے مطابق انڈسٹری میں بھیج سکیں. تعلیمی اداروں میں کوالٹی ایجوکیشن اور تحقیق کے ذریعے دنیا سے مقابلہ کیا جاتا ہے اور این ای ڈی اس حوالے سے منفرد مقام رکھتی ہے. نوجوانوں سے بہت اُمیدیں ہیں، طالبات کو انجینئرنگ میں آگے بڑھتا دیکھ کر خوشی ہورہی ہے. ان کا کہنا تھا کہ آپ سو برس سے انجینئرز تخلیق کرنے والی ملک کی مایہ ناز یونی ورسٹی سے پاس آؤٹ ہورہے ہیں،جو انجینئرنگ کی دنیا کا بڑا نام ہے۔آپ کا مستقبل،آپ کے ملک و قوم کا مستقبل ہے، خود کومحدود نہ کرتے ہوئے آگے بڑھتے جائیے.

پروچانسلر انجینئرنگ جامعات، ضیا عباس شاہ کا خطاب
پروچانسلر انجینئرنگ جامعات، ضیا عباس شاہ کا کہنا تھا کہ بحیثیت طالب علم، انسان تمام زندگی اپنی جامعہ سے وابستہ رہتا ہے، این ای ڈی یونی ورسٹی 100 برس سے پیشہ وارانہ تعلیم دے رہی ہے توآپ پر فرض ہے کہ آپ المنائی کی حیثیت سے اپنی جامعہ کی بہتری کے لیے کردار ادا کرتے رہیں۔انہوں نے مزید کہا کہ میں شیخ الجامعہ پروفیسر ڈاکٹر سروش لودھی اور ان کی ٹیم کو مبارک باد دیتا ہوں جن کی بدولت جامعہ ترقی کی منازل طے کررہی ہے۔

اس موقعے پر خطاب کرتے ہوئے سربراہ ہائر ایجوکیشن کمیشن ڈاکٹر مختار احمد اور سیکریٹری یونی ورسٹی و بورڈز مرید راحموں کا کہناتھا کہ یومِ تقسیمِ اسناد دراصل محنت کے نتائج کا دن ہوتا ہے اور سب کی خوشی اس دن پر دیدنی ہوتی ہے.

شیخ الجامعہ پروفیسر ڈاکٹر سروش حشمت لودھی
نووکیشن کی ابتدا میں استقبالیہ سے خطاب کرتے ہوئے شیخ الجامعہ پروفیسر ڈاکٹر سروش حشمت لودھی کا کہنا تھاکہ جامعہ این ای ڈی کو گزشتہ سال سو برس مکمل چکے ہیں، کانووکیشن کے موقعے پر یہ بتاتے ہوئے خوشی محسوس کررہا ہوں کہ پچھلے برس18 پی ایچ ڈی ڈگری دینے والی ہم ملک پہلی ”انجینئرنگ جامعہ“ تھے جب کہ اس بار ہم بھی ہم 19 پی ایچ ڈگری اسکالرز دینے والی ہم واحد انجینئرنگ جامعہ ہیں. این ای ڈی کی تاریخ میں پہلی بار دونوں آنکھوں سے نابینا طالبہ حلیمہ سرور(ہیومنٹس) سے پاس آؤٹ ہورہی ہیں جس سے آئندہ نابینا طالب علموں کے لیے راستہ کھلے گا.

رجسٹرار سید غضنفر حسین کے مطابق اس جلسہ تقسیم اسناد 2022میں 19 اسکالرز کو ڈاکٹریٹ کی سندتفویض کی گئی جب کہ 2022 کے پاس آؤٹ گریجویٹ2322 اور ماسٹرزکے طالب علموں کی تعداد961 ہے. ریجنل ڈائریکٹر ایچ ای سی جاوید میمن، سینٹ ممبر اے کیو مغل، نائلہ ملک، سیکریٹری ایچ ای سی سندھ معین الدین صدیقی سمیت قریباً ساڑھے آٹھ ہزار افراد کانووکیشن شریک ہوئے.

At a large rally in Gujrat on Friday, he accused the "imported government" of "acting on the instructions of foreign powers" and warned that PTI supporters would march on Islamabad if the Center "continues to torture" his party's leaders and workers. Last week at a public rally in Jhelum, he declared that his struggle for haqeeqi azadi (true independence) will continue through heat, floods and even wars.

لاہور: پنجاب ایگزیمینیشن کمیشن، محکمہ اسکول ایجوکیشن پنجاب کی تیار کردہ آئٹم بنک سسٹم کاافتتاح وزیر تعلیم پنجاب ڈاکٹر مراد راس نے کیا۔

افتتاحی تقریب سے خطاب کرتے ہوئےکہاکہ اساتذہ اپنی کارکردگی بہتر رکھنے کے لئے طلبا کو پانچویں اور آٹھویں کے بورڈ امتحانات میں نقل کراتے تھے چند سال پہلے ہم نے طلبا کی بہتری کیلئے پانچویں اور آٹھویں جماعت کے بورڈ امتحانات ختم کئے۔ہم نے ایک ایسا سسٹم بنایا ہے جس کے ذریعے طلبا کی بہتر سے بہتر لرننگ ہو گی۔

آئٹم بنک سسٹم کے ذریعے پہلی سے آٹھویں جماعت کے طلبا کے لئے آن لائن سسٹم کی مدد سے پیپر تیار کئے جائیں گے۔ 50 فیصد ایم سی کیوز اور 50 فیصد کمپریہینشن (Comprehension) کی طرز پر پیپر تیار کئے جائیں گے۔ایم سی کیوز کا جواب طلبا تب ہی دے سکتے ہیں جب انہوں نے باقاعدہ تیاری کی ہو گی۔آئٹم بنک سسٹم کے تحت تیار ہونے والے تمام امتحانات ہمارے نصاب کے مطابق تیار کئے جائیں گے

انہوں نے کہا کہ نجی ا سکول سیکٹر سے کوئی بھی ا سکول حکومت کے تیار کردہ آئٹم بنک سسٹم سے بلکل مفت مدد حاصل کر سکتا ہے
حکومت کے تیار کردہ سسٹم سے اگر نجی تعلیمی سیکٹر کو فائدہ ہوتا ہے تو اس سے اچھی کوئی بات نہیں۔تیار کردہ سسٹم کی بدولت اساتذہ کی کارکردگی کا جائزہ لینے میں بھی مدد ملے گی:

اس موقع پر اساتذہ کی ریٹائرمنٹ کے حوالے سے بات کرتے ہوئے انکاکہنا تھاکہ ریٹائرمنٹ کا سسٹم مکمل طور پر آن لائن ہو چکا ہے۔اب تک 15 ہزار سے زائد اساتذہ آن لائن ریٹائرمنٹ سرٹیفکیٹ حاصل کر چکے ہیںاساتذہ کی ریٹائرمنٹ کے وقت انہیں ملنے والی رقم ان کے اکاؤنٹ میں منتقل کی جائے گی اساتذہ کو ریٹائرمنٹ کے وقت ملنے والی رقم کی آن لائن ادائیگی کے لیے پائلٹ پراجیکٹ کا آغاز لاہور سے کیا جا رہا ہے،ریٹائرمنٹ کے وقت ملنے والی رقم حاصل کرنے کے لئے اساتذہ کو رشوت دینا پڑتی تھی۔

آج محکمہ تعلیم پنجاب میں تبادلے، اے سی آرز، چھٹیاں، پینشن پے آرڈر، ریٹائرمنٹ سرٹیفکیٹ آن لائن سسٹم کے تحت چل رہے ہیں محکمہ تعلیم پنجاب کا سسٹم آن لائن ہونے سے سالانہ تقریب 10 ارب روپوں کی بدعنوانی کا خاتمہ ہوا ہے ۔محکمہ اسکول ایجوکیشن پنجاب کے تمام افسران نے گزشتہ چند سالوں میں زبردست کام کیا

آئی سی سی ٹی ٹوئنٹی ورلڈ کپ کےسُپر12مرحلےمیں آئرلینڈنےانگلینڈ کو 5 رنز سے اپ سیٹ شکست دے دی۔

158 رنز کے تعاقب میں انگلینڈ کو ڈک ورتھ لوئس میتھڈ کے تحت 5 رنز سے شکست ہوئی۔

میلبرن کرکٹ گراؤنڈ میں کھیلے جانے والے میچ میں انگلینڈ نے آئرلینڈ کے خلاف ٹاس جیت کر فیلڈنگ کا فیصلہ کیا، آغاز میں میچ بارش کے باعث میچ تاخیر سے شروع ہوا،1.3 اوورز میں 11 رنز بنانے کے بعد میلبرن میں ایک مرتبہ پھر بارش ہوئی۔

بعدازاں میچ دوبارہ شروع ہوا اور آئر لینڈ نے 19.2 اوورز میں 157 رنز اسکور کیے جبکہ پوڑی ٹیم آؤٹ ہوگئی۔

آئرش کپتان اینڈی بالبرنی 62 رنز بنا کر نمایاں رہے، لورکان ٹکر 34، کرٹس کیمفر 17، پال اسٹرلنگ 14 اور گیرتھ ڈیلانی نے 12 رنز بنائے۔

انگلینڈ کی جانب سے مارک ووڈ اور لیئم لیونگسٹن نے تین تین وکٹیں حاصل کیں۔

انگلینڈ نے ہدف کا تعاقب کرتے ہوئے14.3 اوورز میں 5 وکٹوں پر 105 رنز بنائے جب کہ بارش نے میچ میں خلل ڈال دیا اور پھر میچ ڈک ورتھ لوئس میتھڈ کے تحت ختم کردیا گیا۔

انگلینڈ کی جانب سے کپتان جوز بٹلر صفر، ایلکس ہیلز 7 اور بین اسٹوکس 6 ، ڈیوڈ ملان 35، ہیری بروک 18 رنز بناکر آؤٹ ہوئے۔

خیال رہے کہ میلبرن میں اگلا میچ نیوزی لینڈ اور افغانستان کے درمیان کھلا جانا ہے۔

لاہور: پنجاب میں اسکول اساتذہ کےتبادلوں کی پالیسی میں نرمی کر دی گئی۔

خواتین اساتذہ اور ہارڈ شپ کیسز والے اساتذہ کو سہولت دی جائے گی۔

گھر سے دور پچاس کلو میٹر جانے والے اساتذہ کو خصوصی نمبر دیے جائیں گے۔ تبادلے کے خواہشمند بیمار اساتذہ کو بھی ترجیحی دی جائے گی۔

محکمہ اسکول ایجوکیشن نے تبادلے کی پالیسی میں تبدیلی کے لیے وزیراعلی کو سمری بھجوا دی۔ جس میں تبادلوں پر سے پابندی اٹھانے کے لیے بھی اجازت مانگ لی گئی۔

ملتان: بہاؤالدین زکریا یونیورسٹی ملتان میں ایل ایل بی کے امتحانات ملتوی ہوگئے۔

تفصیلات کےمطابق 5 سالہ پروگرام ایل ایل بی حصہ اول و دوئم کا دوسرا سالانہ امتحان 2021 جو کہ 27 اکتوبر سے شروع ہونا تھا، اس حوالے سے نوٹی فکیشن بھی جاری کردیا گیا۔

نوٹی فکیشن میں بیان کیا گیا کہ کچھ ناگزیر وجوہات کی بنا پر تاحکم ثانی ملتوی کر دیا گیا، امتحانات کے انعقاد کی نئی تاریخ کا اعلان بعد میں کیا جائےگا،جامعہ زکریا ملتان کے نائب ناظم امتحانات کی طرف سے نوٹی فکیشن جاری کر دیا گیا۔

لاہور: لاہور بورڈ نےبارہویں جماعت کے سالانہ امتحانات کےنتائج کااعلان کردیا۔

چیئرمین لاہور بورڈ پروفیسر مرزاحبیب نے پریس کانفرنس کرتےہوئےانٹرمیڈیٹ پارٹ ٹوکےنتائج کا اعلان کیا، امتحان میں ایک لاکھ پچاس ہزار امیدواروں نے شرکت کی،ایک لاکھ سولہ ہزار بچے کامیاب ہوئے، تیرہ فیصد بچوں نے اے پلس اور پندرہ فیصد نے اے گریڈ حاصل کیے۔

کنٹرولر امتحانات عرفان احمد کے مطابق گریڈنگ کے نظام سے بچوں کے نتائج میں بہتری آئی گی۔ امتحان میں لڑکیوں کی کامیابی کا تناسب 85 فیصد رہا۔

لاہور بورڈ کےمطابق آئندہ سال 2023 کے نتائج میں بچوں کے نمبرز کا خانہ ختم کرکے صرف تناسب اور گریڈز جاری کیے جائیں گے۔

پنجاب : پنجاب بھر میں سرکاری اسکولوں میں بنائے گئے نئے کمروں میں ناقص کام کی مرمت کا آغاز نہ ہوسکا۔

ڈسٹرکٹ ایجوکیشن اتھارٹیز کی سستی کی وجہ سے کام التوا کا شکار ہے۔

برطانوی امداد سے بنائے گئے ایک سو چھیاسٹھ اسکولوں میں کمروں کی مرمت کا کام تاحال شروع نہیں ہوسکا ہے، کمروں کو آپریشنل کرنے کے بعد اس بات کا انکشاف ہوا کہ ان کمروں کی چھتیں ناقص ہیں جبکہ کمرے زلزلہ پروف بھی نہیں ہیں، جس کے بعد ان کمروں میں کلاسز لگانے سے روک دیا گیا اور نقائص دور کرنے کے احکامات دیے گئے۔

متعلقہ ڈسٹرکٹ کے سی ای او کی سربراہی میں کمیٹیاں بنائی گئیں تاہم اساتذہ کا کہنا ہے کہ سردیاں شروع ہورہی ہیں،کمروں کی مرمت نہ ہونے کی وجہ سے طلبہ کو باہر کھلے میدان میں ہی بیٹھنا پڑے گا،اس صورتحال میں بچوں کے بیمار ہونے کا خدشہ ہے۔

لاہور: پاکستان سپر لیگ 2023 کیلیے8مقامی کرکٹرز کو کیٹیگریز میں ترقی مل گئی جب کہ 5کی تنزلی ہوگئی۔

پی ایس ایل میں 8 مقامی کرکٹرز کو اگلی کیٹیگری میں ترقی مل گئی ہے جبکہ 5 کو تنزلی کا بھی سامنا کرنا پڑا ہے، اسی طرح غیرملکی کرکٹرز کیلیے رجسٹریشن ونڈو کو بھی کھول دیا گیا ہے۔

محمد وسیم جونیئر گولڈ سے ڈائمنڈ کیٹیگری میں آگئے، شاہنواز دھانی اور شان مسعود کی گولڈ سے ڈائمنڈ میں ترقی ہوگئی، حیدر علی ڈائمنڈ سے پلاٹینم کیٹیگری میں آگئے، محمد حارث کی سلور سے گولڈ کیٹیگری میں ترقی ہوئی، محمد نواز ڈائمنڈ سے پلاٹینم پلیئر بن گئے۔

نسیم شاہ نے گولڈ سے ڈائمنڈ کیٹیگری میں جگہ بنائی، عامر جمال کو بھی ترقی مل گئی، دوسری جانب 5کرکٹرز کی کیٹیگریز میں تنزلی کردی گئی ہے، حسن علی پلاٹینم سے ڈائمنڈ ، فہیم اشرف ڈائمنڈ سے گولڈ، صہیب مقصود ڈائمنڈ سے گولڈ، وہاب ریاض پلاٹینم سے ڈائمنڈ اور سرفراز احمد پلاٹینم سے گولڈ کیٹیگری میں آگئے ہیں۔

ٹیمیں اب ریٹینشن کو حتمی شکل دینے سے پہلے کھلاڑیوں کیلیے ریلیگیشن کی درخواستیں پیش کرینگی، یہ عمل مکمل ہونے کے بعد تمام ٹیموں کو کھلاڑی کی بیس کیٹیگری کو پورا کرنے کا موقع دیا جاتا ہے۔

میلبرن: ٹی20 ورلڈکپ میں سپر 12 مرحلےکےآٹھویں میچ میں آئرلینڈ نے انگلینڈ کو 158 رنز کا ہدف دیدیا۔

میلبرن میں کھیلے جارہے میچ میں انگلش ٹیم کے کپتان جوز بٹلر نے ٹاس جیت کر پہلے فیلڈنگ کرنے کا فیصلہ کیا، پہلے بیٹنگ کرتے ہوئے آئرش ٹیم 19ویں اوور میں 157 رن بناکر آل آؤٹ ہوگئی۔

کپتان اینڈی بالبرنی نے ذمہ دارنہ بلےبازی کا مظاہرہ کرتے ہوئے 62 رنز کی اننگز کھیلی جبکہ دیگر بیٹرز میں پال اسٹرلنگ 14، لورکن ٹکر 34، کرٹس کیمفر 13، مارک ایڈیر 4، بیری میکارتھی 3، فیون ہینڈ ایک جبکہ ہیری ٹییکٹر اور جارج ڈوکریل بغیر کوئی رن بنائے وکٹ گنوا بیٹھے۔

انگلش بالرز کی جانب سے مارک ووڈ اور لیام لیونگسٹن نے 3، 3 جبکہ سیم کرن 2 اور بین اسٹوکس نے ایک وکٹ حاصل کی۔