سڈنی: قومی ٹیم کو جنوبی افریقہ کے خلاف میچ سے قبل ہی بڑا دھچکا لگ گیا۔

سڈنی میں ٹیم ڈاکٹر نجیب نے پریس کانفرنس میں فخر زمان کی انجری کے بارے میں سوال کا جواب دیتے ہوئے تسلیم کیاتھا کہ وہ مکمل فٹ نہیں اور جنوبی افریقہ کے خلاف میچ میں دسیتاب نہیں ہوں گے۔

ٹیم ڈاکٹر کے مطابق فخر زمان کو نیدر لینڈز کے خلاف کھلا کر رسک لیا تھا، کبھی کامیابی مل جاتی ہے لیکن فخر کے معاملے میں ایسا نہیں، بدقسمتی سے انکی انجری نے دوبارہ سر اٹھالیا ہے۔

ڈاکٹر نجیب نے کہا کہ شاہین شاہ آفریدی کی فٹنس کے حوالے سے ڈاکٹر نجیب کا موقف تھا کہ شاہین مکمل فٹ ہیں، ان کے حوالےسے کی جانے والی باتوں میں کوئی صداقت نہیں، انجری کھیل کا حصہ ہیں، کسی بھی وقت اس صورت حال کا سامنا کرنا پڑسکتا ہے۔

دوسری جانب ٹیم میجمنٹ نے آئی سی سی کی ٹیکنیکل کمیٹی کو فخر زمان کے متبادل کے طور پر محمد حارث کے نام کی منظوری کے لیے لکھ دیا ہے، وہاں سے گرین سگنل ملنے کے بعد محمد حارث کو ٹیم میں شامل کرنے کا باقاعدہ اعلان کردیا جائے گا۔

واضح رہے کہ قومی ٹیم سپر 12 مرحلے کے اپنے چوتھے میچ میں کل جنوبی افریقہ کے خلاف میدان میں اُترے گی۔

قبل ازیں قومی ٹیم کی ایونٹ کے سیمی فائنل میں پہنچنے کے امکانات نہ ہونے کے برابر ہیں تاہم جنوبی افریقہ کے خلاف لازمی فتح درکار ہے، جنوبی افریقہ نے اپنے گزشتہ میچ میں بھارت کو شکست دی تھی۔

ایڈیلیڈ: ٹی20 ورلڈکپ میں سپر 12 مرحلے کے 23 ویں میچ میں بنگلہ دیش نے بھارت کے خلاف ٹاس جیت کر پہلے فیلڈنگ کرنے کا فیصلہ کرلیا۔

ایڈیلیڈ میں کھیلے جارہے میچ میں بنگلہ دیش کے کپتان شکیب الحسن نے کہا کہ کوشش ہوگی بھارت کو شکست دیکر سیمی فائنل میں پہنچنے کی راہ ہموار کریں۔

اس موقع پر بھارتی کپتان روہت شرما نے کہا کہ پہلے بیٹنگ کرکے بنگلہ دیش کو انڈر پریشر لائیں گے تاکہ میچ میں کامیابی کے ساتھ سیمی فائنل میں جگہ پکی کریں۔

دوسری جانب بنگلہ دیش اگر بھارت کو شکست دیتا ہے اور پاکستان جنوبی افریقہ اور بنگلہ دیش کے خلاف اپنے میچز جیت جاتا ہے تو سیمی فائنل میں جانے کے امکانات ہوں گے تاہم بنگلہ دیش کی شکست کے بعد پاکستان کے ممکنہ امکانات تقریباً معدوم ہوجائیں گے۔

بنگلا دیش کے کپتان شکیب الحسن نےمیچ سے قبل ہی شکست کاعندیہ دے دیا

پریس کانفرنس کے دوران شکیب الحسن کاکہنا تھاکہ ہم ورلڈکپ کی فیورٹ ٹیم بھارت کو اپ سیٹ کرنے کی کوشش کریں گے۔

پریس کانفرنس کے دوران شکیب الحسن نے کہا کہ اس ٹی ٹوئنٹی ورلڈکپ میں بھارت فیورٹ ٹیم ہے جسے ہماری ٹیم اپ سیٹ کرنے کی پوری کوشش کرے گی۔

بنگلادیشی کپتان نے کہا کہ ہم ورلڈکپ جیتنے کا سوچ کر آسٹریلیا نہیں آئے تھے بلکہ ایک پاورفل سائٹ بھارت کو ہلانے کی اپنی بہترین کوشش کریں گے۔

انہوں نے کہا کہ ہم کوئی ورلڈکپ کی فیورٹ ٹیم نہیں اس لیے ہم نے ورلڈکپ جیتنے کا نہیں سوچا، ہماری صورتحال سمجھی جاسکتی ہے، اگر ہم بھارت کے خلاف جیت جاتے ہیں تو یہ ایک اپ سیٹ کہلائے گا اور اس اپ سیٹ کو کرنے کے لیے بہترین کوشش کریں گے۔

واضح رہے کہ ٹی ٹوئنٹی ورلڈکپ میں بھارت اور بنگلادیش کے درمیان مقابلہ 2 نومبر کو ہوگا جب کہ دونوں ٹیموں کے پاس سیمی فائنل میں پہنچنے کے چانسز ہیں کیونکہ دونوں ٹیمیں اپنے تین میچوں میں سے دو میچز جیت چکی ہیں۔

دہلی: پاکستان کرکٹ ٹیم کپتان بابر اعظم کوسابق بھارتی اوپنر گوتم گمبھیر نے بھی ’’خود غرض کپتان‘‘ قرار دے دیا۔

سابق بھارتی اوپنر گوتم گمبھیر نے بابراعظم کی ’’خودغرضی‘‘ پر سوالات اٹھا دیے، ان کا خیال ہے کہ نیدرلینڈز سے میچ میں پاکستانی اننگز کی شروعات بابر کی جگہ فخرزمان کو کرنی چاہیے تھی۔انھوں نے کہا کہ بابر اور رضوان بطور اوپنر کھیل کر کئی ریکارڈز بناسکتے ہیں لیکن اگر کپتان کی حیثیت سے پہلے آپ کو ٹیم کا سوچنا چاہیے۔

گمبھیر نے بابراعظم پر تنقید کرتے ہوئے کہا کہ میری رائے میں سب سے پہلے آپ کو اپنے بجائے ٹیم کو دیکھنا چاہیے، اگر کچھ بھی پلان کے مطابق نہیں چل رہا تھا تو نیدرلینڈز سے میچ میں فخر کو بطور اوپنر بھیجنا چاہیے تھا، اسے خودغرضی کہا جاتا ہے، بطور کپتان ایسا کرنا آپ کیلیے آسان ہوتا ہے۔

ویب ڈیسک : ٹوئٹر کے نئے مالک ایلون مسک نےٹوئٹربورڈآف ڈائریکٹرزکوتحلیل کرتے ہوئے کمپنی کا مکمل کنٹرول حاصل کرلیا ہے۔

برطانوی میڈیا کے مطابق ایلون مسک کے اس اقدام کی خبر امریکی سکیورٹیز اینڈ ایکسچینج کمیشن کے ذریعے ملی ہے، جس کے مطابق ٹوئٹر کی حوالگی کے معاہدے کی تکمیل کے تحت مسک ٹوئٹر کے واحد ڈائریکٹر بن گئے ہیں۔

بورڈ آف ڈائریکٹرز سے نکالےگئے 9 افراد میں بورڈ کے سابق چیئرمین بریٹ ٹیلر اور سابق سی ای او پراگ اگروال شامل ہیں۔

خیال رہے کہ مسک نے ٹوئٹر کی ملکیت حاصل کرتے ہی چند بڑے عہدیداران بشمول سی ای او پراگ اگروال، چیف فنانس آفیسر نیڈ سیگال سمیت لیگل افیئرز اور پالیسی چیف وجے گاڈے کو برطرف کردیا تھا۔

تجزیہ کاروں کے مطابق ایلون مسک کچھ عرصے تک کمپنی کے سی ای او کا عہدہ اپنے پاس رکھنا چاہتے ہیں اور ٹوئٹر میں بنیادی تبدیلیاں لانا چاہتے ہیں۔

برسبین: ٹی ٹوئنٹی ورلڈ کپ کے سپر 12 مرحلے میں میزبان آسٹریلیانےآئرلینڈ کو 42 رنز سے شکست دے دی۔

برسبین میں کھیلے جارہے میچ میں آئرلینڈ نے ٹاس جیت کر آسٹریلیا کو بیٹنگ کی دعوت دی۔ آسٹریلوی ٹیم نے پانچ وکٹوں کے نقصان پر 179 رنز بنائے، کپتان ایرون فنچ نے 63 رنز کی اننگز کھیلی۔ اوپنر تین رنز بنا کر پویلین لوٹ گئے جبکہ مچل مارش 28، گلین میکسویل 13 اور مارکس اسٹونس 35 رنز بنا کر آؤٹ ہوئے۔  

آئرلینڈ کے شکست دینے کے بعد گروپ 1 کے پوائنٹس ٹیبل پر آسٹریلیا دوسرے نمبر پر آگیا جبکہ آئر لینڈ کی ٹیم تیسرے نمبر پر چلی گئی، نیوزی لینڈ کی ٹیم پہلے اور انگلینڈ تیسرے نمبر پر ہے۔

کراچی: شہر قائد میں واقع ایک نجی اسکول میں بچوں کی نیم بےہوشی کےواقعے پر اسکول کومحکمہ تعلیم کی جانب سے جرمانہ کیا جائے گا۔

تفصیلات کے مطابق کراچی کے علاقے لیاری بغدادی میں واقع ایک نجی اسکول میں 8 بچوں کی طبیعت اچانک بگڑ گئی تھی، ایڈیشنل ڈائریکٹر آف پرائیوٹ اسکولز رفیعہ جاوید کا کہنا ہے کہ اسکول کو محکمہ تعلیم کی جانب سے جرمانہ کیا جائے گا۔

انھوں نے کہا بچے جنریٹر کے دھوئیں سے نیم بے ہوش ہوئے تھے، اسکول انتظامیہ سے معلوم کیا ہے کہ اب بچوں کی حالت خطرے سے باہر ہے۔

رفیعہ جاوید نے کہا کہ مذکورہ نجی اسکول سے متعلق معلوم ہوا ہے کہ وہ رجسٹرڈ نہیں ہے، اور یہ ایک کمیونٹی اسکول ہے جس میں غریب بچوں کو تعلیم دی جاتی ہے، تاہم واقعے کے سلسلے میں مزید تفتیش جاری ہے۔

اسلام آباد: ہائیر ایجوکیشن کمیشن (ایچ ای سی) نے ہائیر ایجوکیشن ڈیویلپمنٹ اِن پاکستان منصوبے کے تحت بزنس انکیوبیشن سنٹرز کے منتظمین (مینجرز)کے لئے ایک ہفتے پر محیط تربیتی پروگرام کا انعقاد کیا۔

اسٹارٹ اپس کو معاونت فراہم کرنے والے ادارے انویسٹ ٹو انوویٹ (Invest2Innovate) کے تعاون سے متعقد کردہ تربیتی پروگرام کا انعقادکیاجس میں اسلام آباد، راوالپنڈی، پشاور اور آزاد جموں و کشمیرمیں موجود اعلٰی تعلیمی اداروں کے 17بزنس انکیوبیشن سنٹرز کے منتظمین نے شرکت کی۔

ایچ ای سی اس سے قبل بھی بزنس انکیوبیشن سنٹرز کے منتظمین اور اسٹاف کے لیے متعدد تربیتی پروگراموں کا انعقاد کر چکا ہے۔ تاہم اس تربیتی پروگرام میں شرکاء کواسٹارٹ اپس سے متعلق انکیوبیشن اور انکیوبیشن سے روایتی گریجوایشن سے متعلق مکمل رہنمائی فراہم کی گئی۔اس پروگرام میں ایک کامیاب انکیوبیشن پروگرام جس میں تحقیق، مصنوعات کی پروٹوٹیپنگ(Rapid Product Prototyping)، اسٹارٹ اپس کی روڈ میپنگ(Road Mapping) کا سفر، بزنس کی بڑھوتری، بزنس سے وسائل پیداکرنے کا عمل، مالی بیانیہ ترتیب دینا، اورسرمایہ کاری کے لیے تیاری وغیرہ شامل ہیں کے عملی نفاذ کی تفاصیل کا مکمل احاطہ کیا گیا۔

تربیتی پروگرام میں شرکاء کو انوویٹر سیڈ فنڈ (Innovator Seed Fund) کے گرانٹس کے درست استعمال میں ان کے اہم کردار کے حوالے سے بتایا گیا۔ انوویٹر سیڈ فنڈ قومی سطح پر سیڈ فنڈنگ کا ایک بے مثال پروگرام ہے جس کا نفاذ ایچ ای سی بزنس انکیوبیشن سنٹرز کے تعاون سے کررہا ہے۔ گرانٹ جیتنے والے افراد کو برنس انکیوبیشن سنٹرز کی طرف سے تکنیکی معاونت کے ساتھ ساتھ سیڈ فنڈنگ کے طور پر 35,000ڈالرز کی گرانٹ مہیا کی جائے گی۔ اپنے خطاب میں ایگزیکٹیو ڈائریکٹر ایچ ای سی ڈاکٹر شائستہ سہیل نے انوویشن سیڈ فند کے بارے میں کہا کہ ایچ ای سی کے مشن سے ہم آہنگ فنڈکی یہ گرانٹس ایچ ای سی ڈی پی منصوبے کے کلیدی عناصر ہیں۔

ان کا کہنا تھا کہ ایچ ای ڈی پی منصوبہ ملک میں انٹرپرینیورشپ اور جدت طرازی کی ثقافت کو فروغ دینے کے عمل میں مؤثرطور پر معاون ثابت ہوگا۔ انہوں نے اس بات پر زور دیا کہ جدت طرازی کی طاقت کو بروئے کار لاتے ہوئے معاشی، سماجی، ماحولیاتی، حتی کی عالمی مسائل کا حل تلاش کیا جاسکتا ہے۔

ڈائریکٹر جنرل ریسرچ اینڈانوویشن (ایچ ای سی) حضرت بلال نے اپنے اختتامی خطاب میں تربیت کاروں، بزنس انکیوبیشن سنٹرز کے ڈائریکٹرز اور ایچ ای سی ٹیم کو سراہا اور شرکاء سے تربیتی پروگرام کی افادیت پر آراء طلب کیں تاکہ مستقبل کے تربیتی پروگراموں کو مزید مؤثر بنایا جاسکے۔

قبل ازیں اپنے ابتدائی کلمات میں ڈائریکٹر ریسرچ اینڈ ڈیویلپمنٹ (ایچ ای سی) نوشابہ اویس کا کہنا تھا کہ ایچ ای سی بزنس انکیوبیشن سنٹرز کو مکمل معاونت فراہم کرنے کا عزم رکھتاہے تاکہ بزنس انکیوبیشن سنٹرشعبہ تعلیم میں انٹر پرینیورشپ اور جدت طرازی کو فروغ دینے میں اپنا بھرپور کردار ادا کرسکیں َ۔شرکاء نے تربیتی پروگراموں کی اہمیت کو تسلیم کرتے ہوئے ایچ ای سی ٹیم کی تعریف کی اور یقین دلایا کہ انوویشن سیڈ فنڈ حاصل کرنے والے افراد درپیش چیلنجز کو حل کرنے اور مستقبل کی انٹرپرینیورز کے سفر کو آسان بنانے کے لیے انہیں بھرپور مدد فراہم کی جائے گی۔

اسلام آباد: ہائیر ایجوکیشن کمیشن (ایچ ای سی) نے ہائیر ایجوکیشن ڈیویلپمنٹ اِن پاکستان منصوبے کے تحت بزنس انکیوبیشن سنٹرز کے منتظمین (مینجرز)کے لئے ایک ہفتے پر محیط تربیتی پروگرام کا انعقاد کیا۔

اسٹارٹ اپس کو معاونت فراہم کرنے والے ادارے انویسٹ ٹو انوویٹ (Invest2Innovate) کے تعاون سے متعقد کردہ تربیتی پروگرام کا انعقادکیاجس میں اسلام آباد، راوالپنڈی، پشاور اور آزاد جموں و کشمیرمیں موجود اعلٰی تعلیمی اداروں کے 17بزنس انکیوبیشن سنٹرز کے منتظمین نے شرکت کی۔

ایچ ای سی اس سے قبل بھی بزنس انکیوبیشن سنٹرز کے منتظمین اور اسٹاف کے لیے متعدد تربیتی پروگراموں کا انعقاد کر چکا ہے۔ تاہم اس تربیتی پروگرام میں شرکاء کواسٹارٹ اپس سے متعلق انکیوبیشن اور انکیوبیشن سے روایتی گریجوایشن سے متعلق مکمل رہنمائی فراہم کی گئی۔اس پروگرام میں ایک کامیاب انکیوبیشن پروگرام جس میں تحقیق، مصنوعات کی پروٹوٹیپنگ(Rapid Product Prototyping)، اسٹارٹ اپس کی روڈ میپنگ(Road Mapping) کا سفر، بزنس کی بڑھوتری، بزنس سے وسائل پیداکرنے کا عمل، مالی بیانیہ ترتیب دینا، اورسرمایہ کاری کے لیے تیاری وغیرہ شامل ہیں کے عملی نفاذ کی تفاصیل کا مکمل احاطہ کیا گیا۔

تربیتی پروگرام میں شرکاء کو انوویٹر سیڈ فنڈ (Innovator Seed Fund) کے گرانٹس کے درست استعمال میں ان کے اہم کردار کے حوالے سے بتایا گیا۔ انوویٹر سیڈ فنڈ قومی سطح پر سیڈ فنڈنگ کا ایک بے مثال پروگرام ہے جس کا نفاذ ایچ ای سی بزنس انکیوبیشن سنٹرز کے تعاون سے کررہا ہے۔ گرانٹ جیتنے والے افراد کو برنس انکیوبیشن سنٹرز کی طرف سے تکنیکی معاونت کے ساتھ ساتھ سیڈ فنڈنگ کے طور پر 35,000ڈالرز کی گرانٹ مہیا کی جائے گی۔ اپنے خطاب میں ایگزیکٹیو ڈائریکٹر ایچ ای سی ڈاکٹر شائستہ سہیل نے انوویشن سیڈ فند کے بارے میں کہا کہ ایچ ای سی کے مشن سے ہم آہنگ فنڈکی یہ گرانٹس ایچ ای سی ڈی پی منصوبے کے کلیدی عناصر ہیں۔

ان کا کہنا تھا کہ ایچ ای ڈی پی منصوبہ ملک میں انٹرپرینیورشپ اور جدت طرازی کی ثقافت کو فروغ دینے کے عمل میں مؤثرطور پر معاون ثابت ہوگا۔ انہوں نے اس بات پر زور دیا کہ جدت طرازی کی طاقت کو بروئے کار لاتے ہوئے معاشی، سماجی، ماحولیاتی، حتی کی عالمی مسائل کا حل تلاش کیا جاسکتا ہے۔

ڈائریکٹر جنرل ریسرچ اینڈانوویشن (ایچ ای سی) حضرت بلال نے اپنے اختتامی خطاب میں تربیت کاروں، بزنس انکیوبیشن سنٹرز کے ڈائریکٹرز اور ایچ ای سی ٹیم کو سراہا اور شرکاء سے تربیتی پروگرام کی افادیت پر آراء طلب کیں تاکہ مستقبل کے تربیتی پروگراموں کو مزید مؤثر بنایا جاسکے۔

قبل ازیں اپنے ابتدائی کلمات میں ڈائریکٹر ریسرچ اینڈ ڈیویلپمنٹ (ایچ ای سی) نوشابہ اویس کا کہنا تھا کہ ایچ ای سی بزنس انکیوبیشن سنٹرز کو مکمل معاونت فراہم کرنے کا عزم رکھتاہے تاکہ بزنس انکیوبیشن سنٹرشعبہ تعلیم میں انٹر پرینیورشپ اور جدت طرازی کو فروغ دینے میں اپنا بھرپور کردار ادا کرسکیں َ۔شرکاء نے تربیتی پروگراموں کی اہمیت کو تسلیم کرتے ہوئے ایچ ای سی ٹیم کی تعریف کی اور یقین دلایا کہ انوویشن سیڈ فنڈ حاصل کرنے والے افراد درپیش چیلنجز کو حل کرنے اور مستقبل کی انٹرپرینیورز کے سفر کو آسان بنانے کے لیے انہیں بھرپور مدد فراہم کی جائے گی۔

کراچی: جناح سندھ میڈیکل یونیورسٹی کے سندھ انسٹیٹیوٹ آف اورل ہیلتھ سائنسز کے ڈپارٹمنٹ آپریٹو ڈینٹسٹری کی جانب سے ڈیجیٹل ڈینٹسٹری کے عنوان سے سیمینار اور ورکشاپ کا انعقاد کیا گیا ۔

سیمینار کے مہمان خصوصی سی آئی ایم ایس میڈیکل کالج ملتان کے پرنسپل ڈاکٹر دل رشید نے کون بیم کمپیوٹڈ ٹوموگرافی (CBCT) کی اہمیت پر روشنی ڈالتے ہوئے بتایا کہ یہ اسکین ڈینٹل امپلانٹ کیس کی منصوبہ بندی میں انتہائی معاون ثابت ہوتا ہے اور اس اسکین کی مدد سے کم ترین وقت میں انتہائی بہترین امپلانٹیشن کیا جاسکتا ہے

اس سلسلے میں جناح سندھ میڈیکل یونیورسٹی کے وائس چانسلر پروفیسر امجد سراج میمن نے دور حاضر کے تقاضوں پر مبنی سیمینار اور ورکشاپ کے انعقاد کو سراہتے ہوئے اس امید کا اظہار کیا کہ طلبا یہاں سے حاصل معلومات کو عملی زندگی میں بروئے کار لاکر انسانیت کی خدمت کے پیشے میں بھرپور اور منفرد کردار ادا کرینگے۔

سیمینار سے افتتاحی خطاب میں ایس آئی او ایچ ایس کے ڈین پروفیسر ڈاکٹر سید یاور علی عابدی نےکہا کہ دنیا تیزی سے جدت اور ترقی کی جانب گامزن ہےبحیثیت ترقی پزیر ملک ہمیں زمانے کے ساتھ چلنے کیلئے ڈیجیٹل ڈینٹسٹری کو اپنانے کی ضرورت ہے ، آج کا یہ سیمینار اور ورکشاپ اس سلسلے میں پہلا قدم ثابت ہوگا۔

سیمینار کے اختتام پر ایس آئی او ایچ ایس کے پرنسپل پروفیسر زبیر احمد عباسی نےکہا کہ جدت ہر دور میں دیکھی جاتی ہے تاہم اصل بات یہ ہے کہ ہمیں ڈینٹسٹری کے شعبے سے جڑی جدید ٹیکنالوجی سے روشناس ہو کر اپنی زندگی کو اس کے مطابق ڈھالتے رہنا چاہیے۔

سیمینار کے اختتام پر ڈاکٹر دل رشید اور سافٹ ویئر ایکسپرٹ ذوالفقار احمد کو شیلڈز پیش کی گئیں۔ سیمینار کی نظامت ڈاکٹر ماہم منیب نے کی اس موقع پر فیکلٹی کیساتھ ساتھ طلبا و طالبات بھی بڑی تعداد میں موجود تھے۔

بعد ازاں سافٹ ویئر ایکسپرٹ ذوالفقار احمد نے ورکشاپ میں طلبا و طالبات سے جدید ٹیکنالوجی کو بروئے کار لاتے ہوئےمشق کروائی جس میں شرکاء کی جانب سے بڑھ چڑھ کر حصہ لیا گیا۔