Reporter SS
ایمز ٹی وی (اسپورٹس) اتوار کو پی ایس ایل فائنل کےمیچ تک لاہور کے اسپتالوں میں ہائی الرٹ رہے گا۔قذافی اسٹیڈیم کے ملحقہ ہاکی اسٹیڈیم میں عارضی اسپتال بنایا جارہا ہے جبکہ مقامی فائیو اسٹار ہوٹل میں 6 بستروں پر مشتمل اسپتال بنا دیا گیا ہے۔
محکمہ صحت پنجاب کی جانب سے پی ایس ایل کے فائنل میچ تک تمام اسپتالوں میں ہائی الرٹ کی ہدایت کی گئی ہے ۔
پنجاب انسٹی ٹیوٹ آ ف کارڈیالوجی کی جانب سے 5 مارچ کو قذافی اسٹیڈیم میں عملے کے ساتھ ایمبولینس بھی رکھنے کی ہدایت کی گئی ہے۔
ایمز ٹی وی(اسپورٹس) ملک کے قومی کھیل ہاکی کے کھوئے ہوئے وقار کو دوبارہ بحال کرنے کے دعوے تو بہت کیے جاتے ہیں لیکن حیدرآباد کا ہاکی اسٹیڈیم کچھ اور ہی داستان سنارہا ہے ۔
پاکستان اسپورٹس بورڈ نے 2005 میں لطیف آباد نمبر 6 میں 4 کروڑ روپے سے زائد رقم خرچ کرکے ہاکی اسٹیڈیم تعمیر کروایا مگر بدقسمتی سے سندھ اسپورٹس بورڈ اور ضلعی انتظامیہ دونوں ہی اس کی سرپرستی کرنے پر تیار نہیں جس کے سبب اسٹیڈیم میں لگی آسٹروٹرف ، گول پوسٹ ،اسپرنکلرز، حفاظتی جنگلے اور فلڈ لائٹس ٹوٹ پھوٹ کا شکار ہیں ۔
ہاکی کھیلنے والوں کے ساتھ ساتھ سکھانے والے بھی موجودہ صورت حال پر شکوہ کرتے نظر آتے ہیں۔ اسٹیڈیم میں گزشتہ دس بارہ برسوں کے دوران کوئی مرمتی کام نہ ہوا یہی وجہ ہے کہ سال 2006 میں نیشنل چیمپئین شپ کے رائونڈز کے علاوہ یہاں کوئی قومی سطح کا میچ نہ ہوسکا ۔
قومی کھیل ہاکی کے فروغ کے لیے دعوے تو بہت کئے جاتے ہیں لیکن حیدرآباد کا اسٹیڈیم ان دعوؤں کے برعکس تباہ حالی کا شکار ہے جس پر فوری طور پر توجہ دینے کی ضرورت ہے ۔
ایمز ٹی وی(اسپورٹس) پاکستان سپر لیگ میں آج پشاور زلمی اور کراچی کنگز کا ٹاکرا ہوگا، جو ہارا وہ گھر واپسی کا ٹکٹ کٹائے گا جبکہ جیتنے والا اتوار کو فائنل میں کوئٹہ گلیڈی ایٹرز سے ٹکرائے گا۔
پی ایس ایل ٹو کا دبئی میں آج آخری مقابلہ ہوگا، زلمی کے کپتان ڈیرن سیمی کوبوم بوم آفریدی کا ساتھ حاصل ہے، محمد حفیظ فارم میں لوٹ آئے ہیں ،پھر کامران اکمل اور ڈیوڈ ملن تو پہلے ہی سے رنگ جما رہے ہیں ۔
دوسری جانب ہے سنگاکارا کی ٹیم کراچی کنگزمیں شامل ٹی ٹوئنٹی کنگ کرس گیل شامل ہیں جبکہ بابر اعظم کا بیٹ بھی خوب رنز اگل رہا ہے ۔ کیرن پولارڈ، عماد وسیم اور شعیب ملک اور عثمان میر بھی کمال دکھا رہے ہیں ۔
زلمی اور کنگز کا یہ دلچسپ مقابلہ آج رات نو بجے شروع ہوگا۔
ایمزٹی وی(پشاور)خیبر پختونخوا میں جہیزپر پابندی لگانے کا بل تیار کرلیا گیا ہے اور بل آج خیبرپختونخوا اسمبلی میں پیش کئے جانے کا امکان ہے۔تفصیلات کے مطابق خیبر پختونخوا میں اب شادی پر صرف 75 ہزار روپے خرچ کیے جاسکتے ہیں جس کیلئے جماعت اسلامی کی رکن اسمبلی راشدہ رفعت کی جانب سے ایک بل اسمبلی میں پیش کیا جائے گا۔
بل میں تجویز دی گئی ہے کہ تحائف سمیت ولیمہ اوردیگراخراجات75 ہزارسے زائد نہیں ہونگے،دلہا دلہن کو 10 ہزار روپے تک کاہی تحفہ دیا جا سکے گا۔ مجوزہ بل میں کہا گیا ہے کہ نکاح اور بارات میں مہمانوں کی تواضع صرف مشروبات سے کی جائے گی ،ولیمے میں چاول،گریوی اور میٹھے کے علاوہ دیگرپکوان پر پابندی ہوگی۔
بل میں مزید تجویز دی گئی ہے کہ جہیز میں نقدرقم یادیگر لوازمات رکھنے پر قا نونی کارروائی ہو گی اورجہیز پر مجبورکرنے والوں کو 2ماہ قید اور 3لاکھ جرمانے کی سزاسنائی جاسکے گی جبکہ والدین یا دیگر رشتہ داردلہن کو صرف تحا ئف دے سکیں گے۔
ایمز ٹی وی(مانٹرینگ ڈیسک) پاکستان میں حکام کا کہنا ہے کہ ملک میں سوشل میڈیا پر ہراساں کیے جانے کے حوالے سے شکایات میں تیزی سے اضافہ دیکھنے میں آ رہا ہے اور ان میں سے بیشتر شکایات کنندگان خواتین ہیں۔
وفاقی تحقیقاتی ادارے کے ایک اہلکار نے نام ظاہر نہ کرنے کی شرط پر میڈیا کو بتایا کہ گذشتہ برس سائبر کرائم ایکٹ کے تحت 700 درخواستیں موصول ہوئی تھیں اور ان میں بیشتر سوشل میڈیا کے حوالے سے ہی تھیں اور اس سال ابتدائی دو ماہ میں ہی یہ تعداد 500 تک پہنچ گئی ہے۔
صوبہ خیبر پختونخوا میں درج کروائی جانے والی ایسی درخواستوں کی تعداد 120 ہے۔
حکام کا کہنا ہے کہ سوشل میڈیا کے حوالے سے موصول ہونے والی بیشتر شکایات خواتین کی جانب سے ہی سامنے آ رہی ہیں کیونکہ ایسے واقعات میں زیادہ تر خواتین ہی نشانہ بن رہی ہیں۔
وفاقی تحقیقاتی ادارے کے پاس سائبر کرائم ایکٹ کے تحت مختلف نوعیت کے مقدمات درج ہیں لیکن حکام کا کہنا ہے کہ ان میں سے 95 فیصد سے بھی زیادہ سوشل میڈیا کے حوالے سے ہیں اور ان میں سے بیشتر شکایات میں کہا گیا ہے کہ درخواست گزار کو تصویروں یا ویڈیوز کے ذریعے بلیک میل کیا جا رہا ہے۔
حکام کا کہنا ہے کہ ان درخواستوں پر قانون کے مطابق کارروائیاں کی گئی ہیں اور ان میں ملزمان گرفتار بھی ہوئے ہیں لیکن اس طرح کے بیشتر واقعات میں فریقین کے درمیان صلح ہو جاتی ہے اور کچھ لوگ عدالت میں جانے سے پہلے ہی صلح کر لیتے ہیں اور بعض عدالت میں ہی صلح کا فیصلہ کرتے ہیں.
ایمز ٹی وی (تجارت)ایکسپو سینٹر کراچی میں 3تا 5مارچ تک ہونے والے بین الاقوامی پاکستان آٹو پارٹس شو 2017ء میں67 بین الاقوامی کمپنیاں شرکت کر رہی ہیں۔ پاکستان ایسوسی ایشن آف آٹو پارٹس اینڈ ایکسزسریز مینوفیکچررز (پاپام) کے چیئرمین مشہود علی خان نے بدھ کو مقامی ہوٹل میں پریس کانفرنس کرتے ہوئے بتایا کہ گزشتہ برس صرف6 عالمی کمپنیوں نے آٹو پارٹس شو میں شرکت کی تھی، تاہم اس سال نمائش میں کافی حوصلہ افزا نتائج حاصل ہوئے ہیں۔ اس سالPAPS 2017
میں بڑی تعداد میں عالمی شرکاء شرکت کریں گے۔ انہوں نے کہا کہ اس بار85 مقامی کمپنیاں اپنی مصنوعات کو اجاگر کریں گی، جبکہ17 اسپانسرز، 6یونیورسٹیاں،17 معاون ادارے اس شو کا حصہ ہیں۔ مجموعی طور پر192 کمپنیاں اس سال شو میں اپنی مصنوعات کو پیش کریں گی، جبکہ گزشتہ برس104 کمپنیوں نے نمائش میں حصہ لیا تھا۔
انہوں نے کہا کہ آٹو پارٹس شو کا مقصد آٹو پارٹس انڈسٹری کو ایک پلیٹ فارم مہیا کرنا تھا، جہاں وہ دنیا بھر میں اپنی صلاحیت اور مصنوعات کو پیش کرسکے۔ یہ تین روزہ نمائش ہے جس میں مکمل آٹو انجینئرنگ سیکٹر شرکت کرے گا۔
ایمزٹی وی(فاٹا)ادارہ شماریات کے سربراہ آصف باجوہ نے کہا ہے کہ فاٹا سے عارضی نقل مکانی کرنے والوں کے لئے مردم شماری کی نئی پالیسی بنانے کا اصولی فیصلہ کرلیا گیاہے۔
ذرائع کے مطابق پریس کانفرنس کرتے ہوئے سربراہ ادارہ شماریات آصف باجوہ نے کہا کہ فاٹا سیکرٹریٹ اور حکومت کے ساتھ ملکر ٹی ڈی پیز کے لئے مردم شماری کی نئی پالیسی بنائی جائے گی۔ مردم شماری 15 مارچ سے شروع کرانے کے لئے تیاریاں مکمل ہیں اور سول سائیڈ کےلئے وزارت خزانہ نے 7 ارب 4 کروڑ روپے کے فنڈز جاری کردئیے ہیں جبکہ سیکیورٹی کے لئے فنڈز بھی جلد ہی جاری کر دئیے جائیں گے۔
انہوں نے کہا کہ حساس علاقوں میں سیکیورٹی حصار بنایا جائے گا۔ ضرورت کے تحت بعض علاقوں میں 6 فوجی بھی تعینات کئے جائیں گے۔ آصف باجوہ نے کہا کہ ابھی بھی فاٹا کی7 میں سے 3 ایجنسیوں میں آپریشن جاری ہیں۔ فاٹا کے آئی ڈی پیز کی مردم شماری کے لئے جلد پالیسی کا اعلان کر دیں گے۔
ایمزٹی وی(اسلام آباد)وفاقی وزیرداخلہ چوہدری نثار نے کہا ہے کہ بہترین سول اورملٹری تعلقات وقت کی اہم ضرورت ہیں اور قوم کے مفادمیں ہیں۔
تفصیلات کے مطابق وفاقی وزیرداخلہ نے چودھری نثارنے حال ہی میں ترقی پانےوالے میجرجنرلز سے خطاب کرتے ہوئے کہا کہ سول اورعسکری قیادت کو ہم آوازہوکرمتفقہ طورپرملک کیلئے کام کرناچاہیے.
پاکستان کے دشمن اچھے عسکری اور سول تعلقات کے خواہاں نہیں ہے اور کچھ ناسمجھ دوست بھی عسکری اور سول اداروں کو ایک پیج پر نہیں دیکھنا چاہتے۔
چوہدری نثار نے مزید کہا کہ عسکری اور سیاسی قریبی تعلقات وقت کی اہم ضرورت ہیں،سول اور عسکری اداروں کوہم آواز اور عملی طور پر ہم آہنگ ہونا ہوگا اوراس سے ملک کو آنے والوں سالوں میں فائدہ ہوگا۔
ایمزٹی وی(اسلام آباد)وزیراعظم میاں محمد نواز شریف کی زیر صدارت وفاقی کابینہ کا اجلاس ہوا جس میں فاٹا اصلاحات کی سفارشات پیش کی گئیں ۔اجلاس میں سیفران کے وفاقی سیکریٹری،سرتاج عزیز اور وزیر سیفران عبد القادر بلوچ نے بریفنگ دی ۔
اس موقع پر پیش کی گئی سفارشات میں کہا گیا کہ 10سال کا منصوبہ تیار کر کے فاٹا کی ترقی کا عمل شروع کیا جائے گا،فاٹا ڈیویلپمنٹ اتھارٹی قائم کی جائے ۔فاٹا کو خیبر پختونخواہ کا حصہ بنانے کی سفارش کی گئی اور بتا یا گیا کہ فاٹا کو کے پی کے میں ضم کرنے کے لیے 5سال درکار ہوں گے ۔
سفارشات میں کہا گیا کہ ایف سی آر قوانین کا خاتمہ کرنے کے لیے آئینی اصلاحات کی جائیں اور فاٹا سے فوج کے انخلا کے لیے لیویز میں 20ہزار مقامی افراد بھرتی کیے جائیں ۔ فاٹا کی معاشی ترقی کے لیے جامع اصلا حات کی جائیں ، این ایف سی میں سے فاٹا کے لیے 3فیصد حصہ مختص کیا جائے ۔فاٹا میں سپریم کورٹ اور ہائیکورٹ کے بینچز قائم کیے جائیں ۔وفاقی کابینہ نے فاٹا اصلاحات سے متعلق سفارشات کی اصولی منظوری دے دی ہے
واضح رہے کہ پاکستان تحریک انصا ف کے چیئر مین عمران خان نے بھی وفاقی حکومت سے مطالبہ کیا تھا کہ فاٹا کو خیبر پختونخواہ میں ضم کیا جائے تاکہ فاٹا کے حالات کو بہتر کیا جا سکے اور یہاں پر تیز ی کے ساتھ ترقیاتی کام کرائے جا سکے ۔عمران خان کا کہنا تھا کہ فاٹا میں اصلاحات کے بغیر ان علاقوں میں دہشت گردی کا خاتمہ بہت مشکل ہے ۔
ایمزٹی وی(اسلام آباد)پاکستان سپر لیگ(پی ایس ایل )کے فائنل میچ کیلئے سربراہ عوامی مسلم لیگ شیخ رشید نے500 روپے والا ٹکٹ حاصل کرلیا ہے۔
ذرائع کے مطابق شیخ رشید نے 5 مارچ کو لاہور قذافی سٹیڈیم میں ہونے والے پی ایس ایل کے فائنل میچ کیلئے شیخ رشید نے میچ دیکھنے کیلئے 500 والا ٹکٹ خریدا جس پر پی ایس ایل انتظامیہ نے ان سے رابطہ کیا کہ شیخ صاحب آپ 500 والے انکلوژر میں نہیں بیٹھیں گے بلکہ آپ وی آئی پی انکلوژر میں بیٹھیں گے۔
یاد رہے کہ پی ایس ایل کا فائنل 5 مارچ کو ہورہا ہے اور ٹکٹس کی فروخت ابھی تک جاری ہے جبکہ کوئٹہ گلیڈی ایٹرز کی ٹیم فائنل کیلئے کوالیفائی کرچکی ہے۔