Reporter SS
ایمز ٹی وی (اسپورٹس) محکمہ موسمیات نے پی ایس ایل فائنل کے دن لا ہورکا موسم خوشگوار رہنے کی پیشگوئی کی ہے۔
5 مارچ کو دوپہرسے لے کررات گئے تک موسم خشک اور خوشگوار رہے گا. دن ایک بجے سے شام 6 بجے تک درجہ حرارت 26 سے 28 سینٹی گریڈ جبکہ شام 6 بجے سے رات 12 بجے تک درجہ حرارت 17 سے 22 سینٹی گریڈ رہنے کا امکان ہے جبکہ اس دوران شمال مغرب سے چلنے والی ٹھنڈی ہوائیں چلنے سے موسم خوشگوار رہے گا۔
واضح رہے کہ پاکستان سپر لیگ کا فائنل 5 مارچ کو لاہور کے قذافی اسٹیڈیم میں ہوگا جس کی ٹکٹیں ہاتھوں ہاتھ بک رہی ہیں جب کہ فائنل میچ کی سیکیورٹی کے لیے بھی انتہائی سخت انتظامات کیے جارہے ہیں۔
ایمز ٹی وی( اسلام آباد)خاتون اول پاکستان بیگم محمودہ ممنون حسین اور ترک خاتون اول ایمینےنے کہا ہے کہ پاکستان ، ترکی اور شمالی ترک جمہوریہ قبرص کے درمیان ہمیشہ مثالی تعلقات رہے ہیں اوریہ برادر ملک خوشی اور غمی کے مواقع پر ہمیشہ ایک دوسرے کے کام آتے ہیں۔ انھوں نے یہ بات ایوان صدر میں ظہرانے کے موقع پر کی جو معزز مہمانوں کے اعزاز میں دیا گیا تھا۔
ظہرانہ میں وزیراعظم کی اہلیہ بیگم کلثوم نواز اوروزیر مملکت اطلاعات مریم اورنگزیب نے بھی شرکت کی۔ خاتون اول نے کہا کہ پاکستانی عوام جمہوریہ ترکی اورترک جمہوریہ شمالی قبرص کے عوام سے یگانگت محسوس کرتے ہیں کیونکہ ہم تاریخی ، مذہبی اور ثقافتی رشتوں میں بندھے ہوئے ہیں ۔
انھوں نے اپنے استقبالیہ کلمات میں کہا کہ پاکستان اور ترکی دونوں ممالک کے درمیان خصوصی تعلقات ہیں، دونوں سکھ دکھ کی گھڑی میں ایک دوسرے کے ساتھ کھڑے ہوتے ہیں۔یہ تعلقات محبت ، باہمی احترام، جذبہ خیر سگالی، عتماد اور افہام و تفہیم پر مبنی ہیں یہی وجہ ہے کہ دنیا کے بیشتر مسائل پر ہمار ا مؤقف یکساں ہے اور عالمی سطح پر ایک دوسرے کی حمایت کرتے ہیں۔
بیگم محمودہ ممنون حسین نے کہا کہ بچیوں کی تعلیم، طبقاتی تقسیم اورچائلڈ لیبرکے خلاف ترک خاتون اول کی جدوجہد دنیا بھر کی مسلم خواتین کیلئے قابلِ تقلید ہے۔ پاکستانی خواتین سیاست میں بھی اہم کردارادا کر رہی ہیں۔
پاکستان اور ترکی میں خواتین کا مستقبل بہت تابناک اور شاندار ہے۔ ترک خاتون اول نے کہا کہ وہ پاکستان کواپنا دوسرا گھر سمجھتی ہیں اور انہیں یقین ہے کہ مستقبل میں دونوں ممالک کے تعلقات نئی بلندیوں کو چھوئیں گے۔ اس موقع پر خاتون اوّل جمہوریہ ترک ایمینے اور محترمہ میرال ایکن سی، ترک جمہوریہ شمالی قبرص کی خاتون اوّل ایوان صدر میں پرتپاک استقبال پر بیگم محمودہ ممنون حسین کا شکریہ اد ا کیا اور امید کا اظہار کیا کہ دونوں ممالک کے تعلقات میں مزید اضافہ ہو گا۔
ایمز ٹی وی (انٹرٹینمنٹ)ویسے تو کسی کی زندگی کی آخری خواہش کیا ہوسکتی ہے اس بارے میں کچھ کہنا آسان نہیں مگر ہاتھوں میں ہتھکڑیاں اور حوالات جانا بھی کسی کے لیے آخری خواہش ہوسکتی ہے۔
کم از کم نیدر لینڈ سے تعلق رکھےن والی 99 سالہ خاتون اینی کی تو یہی آخری خواہش تھی جسے ڈچ پولیس نے پورا کردیا۔اس خاتون کی کسی رشتے دار نے مقامی پولیس کو بتایا تھا کہ اینی کی آخری خواہش ہاتھوں میں ہتھکڑیاں پڑنا اور حوالات جانا ہے جو وہ مرنے سے پہلے پوری کرنا چاہتی ہے۔
پولیس نے اس خواہش کے احترام میں خاتون کو ہتھکڑیاں پہنا کر حوالات بھیج دیا اور حراست میں لیے جانے کی تصاویر بھی لیں۔ Nijmegen Zuid پولیس کے مطابق انہیں اس خاتون کی خواہش پوری کرنے میں کافی خوشی ہوئی ۔
پولیس کے فیس بک پیج پر خاتون کی اس خواہش پوری کرنے کی تصاویر کو پوسٹ کیا کیا۔ درحقیقت یہ خاتون ہمیشہ سے جاننا چاہتی تھی کہ گرفتار ہونے کا تجربہ کیسا ہوتا ہے۔ایک پولیس اہلکار کے مطابق اس خاتون کی بھانجی نے ایک جرم کی رپورٹ لکھواتے ہوئے اینی کی آخری خواہش کا ذکر کیا تھا۔ اہلکار نے بتایا ' اس پیشے میں آپ کو متعدد غیرمعمولی درخواستیں سننے کو ملتی ہیں، تو ہم نے سوچا کہ اینی کے لیے کچھ خاص کیا جائے'۔ اس معمر خاتون کو خواہش پوری ہونے پر کتنی خوشی اور مسکراہٹ کتنی کشادہ ہے۔انہوں نے اپنی ہتھکڑیوں کو بھی فاخرانہ انداز سے اٹھایا ہوا ہے۔
ایمز ٹی وی (انٹرٹینمنٹ)بالی ووڈ کے میگا اسٹار امیتابھ بچن کا کہنا ہے کہ اگر آپ سوشل میڈیا کا حصہ ہیں تو آپ کو برا بھلا سننے کے لیے بھی تیار رہنا چاہیئے۔امیتابھ بچن بالی ووڈ کے وہ اسٹارہیں جو سوشل میڈیا پربہت زیادہ فعال رہتے ہیں جب کہ ان کی فالورزکی تعداد بھی دوسرے فنکاروں سے بہت زیادہ ہے اور اداکار مختلف موضوعات پر اپنے اظہارخیال کے بعد بہت کچھ برداشت بھی کرتے ہیں اور اس کا اظہارانہوں نے اپنی فلم سرکار 3 کے ٹریلر کی رونمائی کے موقع پر کیا۔
امیتابھ بچن کا کہنا تھا کہ اگرآپ آج کے دورمیں سوشل میڈیا کا حصہ ہیں توآپ کو ہروقت برا بھلا سننے کے لیے تیاررہنا چاہیئے کیونکہ یہاں لوگ آپ کی رائے کو پڑھنے کے بعد بہت کچھ کہہ اورلکھ ڈالتے ہیں، وہ بھی اپنے متعلق لوگوں کی آرا پڑھ کرمحظوظ ہوتے ہیں۔
اداکارکا اپنی نئی فلم کے حوالے کہنا تھا کہ فلم سرکار 3 سے بہت امیدیں وابستہ ہیں جب کہ فلم ایک بار پھر مداحوں کو محظوظ کرے گی کیونکہ اس میں سب نے ہی بہترین کام کیا ہے۔واضح رہے کہ فلم میں اداکارامیتابھ بچن، یامی گوتم، جیکی شروف اور منوج باچپائی بھی جلوہ گرہوں گے جب کہ فلم 7 اپریل کو سینما گھروں کی زینت بنے گی۔
ایمزٹی وی(تعلیم/کراچی) آواز انسٹیٹیوٹ آف میڈیا اینڈ مینجمنٹ سائنسسز کے تحت نئے تعلیمی سال کے پہلے سیمسٹر میں طلباءکی پیشہ وارانہ صلاحیتوں کو اجاگر کرنے کیلئے توسیعی لیکچرز کا سلسلہ شروع کیا جارہا ہے
، اس سلسلہ کا پہلا لیکچر ہفتہ 4 مارچ کو ایمز میں ہوگا ۔جس میں سینئر صحافی اور تجزیہ نگار مظہر عباس خطاب کرینگے۔
ایمز ٹی وی (اسپورٹس)پاکستان سپر لیگ کی فائنلسٹ ٹیم کوئٹہ گلیڈی ایٹرز کے کھلاڑی اور دیگر عملہ وطن واپس پہنچ گیا ہے۔کوئٹہ گلیڈی ایٹرز کے کپتان سرفراز احمد، کوچ معین خان، ٹیم کے مالک ندیم عمر دیگر کھلاڑیوں اسد شفیق، انور اعلی اور نور ولی کے ہمراہ کراچی ایئرپورٹ پہنچے تو عوام کی بڑی تعداد نے انہیں خوش آمدید کہا۔ کوئٹہ گلیڈی ایٹرز کے اسسٹنٹ کوچ عبدالرزاق، اوپنر احمد شہزاد، محمد نواز، ذوالفقار بابر، سعد نسیم اور عمر امین لاہور پہنچے۔
پی ایس ایل فائنل لاہور میں ہونے کے حوالے سے سرفراز احمد کا کہنا تھا کہ یہ بہت ہی خوش آئند بات ہے کہ فائنل میچ پاکستان میں ہو رہا ہے، پی ایس ایل فائنل لاہور میں کرانے کے لئے پی سی بی اور پی ایس ایل کی انتظامیہ مبارکباد کی مستحق ہے۔
غیر ملکی کھلاڑیوں کے اہم ترین میچ میں ٹیم میں شامل نہ ہونے سے متعلق پوچھے گئے سوال پر سرفراز احمد کا کہنا تھا کہ اگر ایک دم آپ کی ٹیم کے 4 سے 5 اہم کھلاری ٹیم سے باہر ہو جائیں تو کارکردگی پر بہت فرق پڑتا ہے لیکن کوشش ہو گی کہ جو بہترین میسر کھلاڑی ہیں انہیں ٹیم میں شامل کیا جائے۔
ایمز ٹی وی (تعلیم ) جامعہ کراچی،بی اے ریگولر وپرائیویٹ کے 20اور 21جنوری کو ملتوی ہونے والے پرچوں کی نئی تاریخ کا اعلان کردیا گیاہے۔
جس کے مطابق بی اے سال اول کا 20جنوری کو ملتوی ہونے والا پرچہ اب بروز پیر6 مارچ کو منعقد ہوگا.
جبکہ بی اے سال دوئم کا21جنوری کو ملتوی ہونے والا پرچہ اب بروزمنگل 7مارچ کو منعقد ہو گا۔ واضح رہے کہ مقررہ وقت اور سینٹرمیں کوئی تبدیلی نہیں کی گئی ہے۔