Reporter SS
ایمزٹی وی (صحت) اقوام متحدہ نے کہا ہے کہ 2015 ء میں، 30 کروڑ افراد، یا عالمی آبادی کے چار فی صد سے زائد لوگ، ڈپریشن کے شکارتھے، اس تعداد میں گذشتہ 10 برس کے دوران 18 فیصد کا اضافہ ہو چکا ہے۔عالمی ادارہ صحت نے نئے اعداد و شمار جاری کیے ہیں۔ اِن سے پتا چلتا ہے کہ دنیا بھر میں ’ڈپریشن‘ کا مرض جڑیں پکڑ رہا ہے، اور اِس وقت عالمی دماغی صحت اور جسمانی معذوری کا اصل سبب بتایا جا رہا ہے۔ڈین چشولم، عالمی ادارہ صحت کے دماغی صحت اور نشہ آور عادات سے متعلق محکمے کے مشیر ہیں،جو اِس رپورٹ کے سرکردہ مصنف ہیں۔
اْنھوں نے توجہ دلاتے ہوئے کہا ہے کہ ’ڈپریشن‘ بیماری ہے جو زندگی کے کسی بھی حصے میں کسی کو بھی لگ سکتی ہے۔اْنھوں نے مزید بتایا کہ ”آپ دیکھیں گے کہ دنیا کا ہر بیسواں فرد اِس بیماری میں مبتلہ ہے، جس کے نتیجے میں معذوری کی شرح سب سے زیادہ ہے“۔اِسی رپورٹ کے ساتھ جاری کردہ منسلک اعداد سے پتا چلتا ہے کہ افسردگی کی بیماری، جس میں بہت سی علامات شامل ہیں، جن میں پسِ صدمہ ذہنی و جذباتی دباؤ بھی شامل ہے، اِس سے 26 کروڑ سے زیادہ لوگ متاثر ہیں، جو عالمی آبادی کا تین سے زیادہ شمار بنتا ہے۔
ایمزٹی وی(کراچی) پاکستان کے سابق صدر جنرل (ر) پرویز مشرف نے کہا کہ عالمی طاقتوں کے تعاون سے پاکستان نے طالبان بنائے۔
تفصیلات کے مطابق سابق صدر پرویز مشرف نے دوروزہ جنوبی ایشین رائیزنگ کانفرنس سے خطاب کرتے ہوئے کہا کہ پاکستان پر مذہبی شدت پسندی کو فروغ دینے کا الزام غلط ہے پاکستان نے افغانستان میں بین الاقوامی مدد کی اور اب پاکستان کو تنہا نہیں کردینا چاہئے ۔
سابق صدر کا کہنا تھا کہ پاکستان نے عالمی طاقتوں کی مدد سے طالبان بنائے ،عالمی طاقتوں کو1980ءکی دہائی میں جہادی پالیسی کی ضرورت تھی۔پرویز مشرف نے کہا کہ امریکہ کو اسٹریٹیجک تعلقات میں جنوب ایشائی ممالک کیساتھ توازن رکھنا پڑے گا۔
ایمزٹی وی(سندھ) پیپلز پارٹی کے رہنما مولا بخش چانڈیو نے کہا ہے کہ جس ملک میں دہشت گردوں کی پشت پناہی حکمران خود کرتے ہوں وہاں دہشت گردی کو روکا نہیں جاسکتا اور اگر ردالفساد کے بجائے ردالنثار کیا جاتا تو کسی آپریشن کی ضرورت ہی نہ پڑتی۔کراچی میں تقریب سے خطاب کرتے ہوئے پیپلزپارٹی کے سیکرٹری اطلاعات مولابخش چانڈیو کا کہنا تھا کہ دہشت گردوں کے مقابلے میں اسلحہ اٹھانے کے بجائے دہشت گردی کے اسباب پر غور کرنا چاہیے، اگر ردالنثار کیا جاتا تو رد الفساد کی ضرورت ہی پیش نہ آتی۔
ان کا کہنا تھا کہ مجھے چوہدری نثار کے گرجنے برسنے کی پروا نہیں، وہ کچھ کرتے بھی نہیں اور اپنی کامیابیوں پر بھنگڑے ڈالتے پھرتے ہیں، چوہدری نثار سہون میں آکر بھی لعل شہباز قلندر کے مزار پر نہیں گئے اور شہدا کے لواحقین کے لئے بھی کوئی اعلان نہیں کیا جو ان کی بزدلی اور ناکامی کو ظاہر ہوتا ہے۔
رہنما پیپلز پارٹی نے کہا کہ جس ملک میں حکمران دہشت گردوں کی پشت پناہی کرتے ہوں وہاں دہشت گردی کو کیسے روکا جاسکتا ہے وفاقی وزراءدہشت گردی کی ڈھکی چھپی جب کہ ایک صوبے کے وزراءاعلانیہ حمایت کرتے ہیں۔سیکرٹری اطلاعات پیپلز پارٹی نے کہا کہ میں صوبے کی نہیں پاکستان کی سیاست کرتا ہوں.
مسلم لیگ (ن)سے نہیں بلکہ ان کی پالیسیوں سے اختلاف رکھتا ہوں، وفاق کو چھوٹے صوبے اچھے نہیں لگتے اس لئے ان کی بات نہیں سنی جاتی، (ن)لیگ والے کچھ بھی کرتے پھریں انہیں کوئی کچھ نہیں کہے گا لیکن ہم اگر آہ بھی کریں تو نوٹس لے لیا جاتا ہے۔
مولا بخش چانڈیو کا مزید کہنا تھا کہ کراچی میں امن و امان کے قیام میں پولیس اور رینجرز سمیت سندھ حکومت کی بھی لازوال قربابیاں شامل ہیں لیکن ان کامیابیوں کو وفاقی حکومت کی ناقص پالیسیاں ناکامیوں کی جانب دھکیل رہی ہیں، وفاق کو پالیسیاں ٹھیک کرنا ہوں گی، اگر حکومت کی پالیسیاں اور نیتیں ٹھیک ہوتیں تو فیصلے اور نتائج بھی بہتر ہوتے۔
ایمزٹی وی (اسپورٹس)کوئٹہ گلیڈی ایٹرز کے کپتان سرفراز احمد نے گزشتہ روز کھیلے جانے والے میچ میں پشاور زلمی کی جیت کا کریڈٹ شاہد آفریدی کو دے دیا ۔ اس حوالے سے کا کہنا تھا کہ میچ کی فتح کا کریڈٹ شاہد آفریدی کو جاتا ہے،انہوں نے آخری اوور میں شاندار بیٹنگ کا مظاہرہ کیا۔
تفصیلات کے مطابق میچ کے بعد اپنے خیالات کا اظہار کرتے ہوئے ان کا کہنا تھا کہ میچ کے دوران بہت سی چھوٹی چھوٹی غلطیاں ہوئی ہیں،باولنگ میں کچھ کمی رہ گئی تھی ۔
ہمارے سب کھلاڑی اپنی اچھی پرفارمنس دکھا رہے ہیں جبکہ باولرز کوتھوڑی اور محنت کرنی ہوگی ۔ان کا کہنا تھا کہ انشاءاللہ آگے آنے والے میچز میں ہم اپنی پوری پر فارمنس دکھائیں گے۔
ایمزٹی وی(اسلام آباد)وفاقی وزیر داخلہ چوہدری نثار پریس کانفرنس کے دوران میڈیا سے گفتگو کرتے ہوئے بتا یا کہ سیہون دھماکے کے بعدمزار پر گئے تو مجھ سمیت آرمی چیف نے چیف سیکریٹری سندھ سے سوال کیے جس پر انہوں نے کوئی جواب نہ دیا اور خاموشی اختیار کر لی ۔
دہشت گردی کی حالیہ لہر پر میڈ یا نمائندوں سے اجلاس کے بعد پریس کانفرنس کے دوران چوہدری نثار نے بتا یا کہ آرمی چیف جنرل قمر جاوید باجوہ نے سندھ کے چیف سیکریٹری سے سوال کیا کہ دربار پر یومیہ کروڑوں روپے نذرانے کے نام پر آتے ہیں ،وہ کہاں جاتے ہیں ؟
اس سوال پر چیف سیکریٹری سندھ نے کوئی جواب نہیں دیا ۔وفاقی وزیر داخلہ نے کہا کہ چیف سیکریٹری سندھ سے مزار کی سیکیورٹی کے بارے میں سوال کیا تو اس پر بھی وہ خاموش ہی رہے ۔انہوں نے مزید کہا کہ سیہون شریف درگاہ کی سیکیورٹی وفاق نہیں صوبے کی ذمہ داری تھی ،دہشت گردی پر سیاست گناہ عظیم ہے ۔
ایمزٹی وی(اسلام آباد)پاک فوج نے آپریشن ”رد الفساد“ میں پنجاب رینجرز کی معاونت اور کسی بھی مشکوک شخص اور سرگرمی کی اطلاع دینے کیلئے فون نمبرز جاری کر دئیے ہیں۔
پاک فوج کے تعلقات عامہ کے ادارے (آئی ایس پی آر) کی جانب سے جاری ہونے والے بیان میں کہا گیا ہے کہ عوام کسی بھی مشکوک سرگرمی کی اطلاع دینے کیلئے 042-99220030 یا 042-99221230 پر رابطہ کر سکتے ہیں جبکہ واٹس ایپ پر اطلاع دینے کیلئے 0340-8880100 پر رابطہ کیا جا سکتا ہے۔
آئی ایس پی آر کے مطابق عوام اگر کسی مشکوک شخص یا سرگرمی سے متعلق ایس ایم ایس کے ذریعے اطلاع دینا چاہتے ہیں تو اس مقصد کیلئے 0340-8880047 نمبر استعمال کیا جا سکتا ہے جبکہ ای میل ایڈریس This email address is being protected from spambots. You need JavaScript enabled to view it. پر بھی اطلاع دی جا سکتی ہے۔
وزیراعظم میاں نواز شریف نے لاہور میں پاکستان سپر لیگ (پی ایس ایل)کا لاہور میں فائنل کا گرین سگنل دیتے ہوئے کہا کہ انشاءاللہ پی ایس ایل کا فائنل لاہور میں ہوگا،سب ادارے پی ایس ایل فائنل کیلئے ایک ہوجائیں۔
ذرائع کے مطابق وزیراعظم میاں نواز شریف نے پاکستان سپر لیگ سیزن ٹو کے لاہور میں ہونے والے فائنل میچ کے لئے کہا کہ پی ایس ایل کا فائنل لاہور میں ہونا بڑی کامیابی ہے ۔
انہوں نے کہا کہ فائنل کیلئے سکیورٹی کیلئے سخت سے سخت اقدامات کیے جائیں اور سب ادارے فائنل کیلئے ایک ہوجائیں۔
میاں نوازشریف کا کہنا تھا کہ پی ایس ایل کا فائنل لاہور میں ہونا بڑی کامیابی ہے ۔یاد رہے کہ پاکستان سپر لیگ کا فائنل میچ 5 مارچ کو لاہور میں کرانے کا فیصلہ کیا گیا ۔ا
ایمزٹی وی(اسپورٹس)پاکستان سپر لیگ (پی ایس ایل ) کی ٹیم پشاور زلمی پوائنٹس ٹیبل پر پہلی پوزیشن پر پہنچ گئی۔تفصیلات کے مطابق پاکستان سپر لیگ میں پشاور زلمی اور کوئٹہ گلیڈی ایٹرز نے پلے آف مرحلے کیلئے کوالیفائی کرلیا ہے۔ پشاور زلمی اور کوئٹہ گلیڈی ایٹرز کے 9,9 پوائنٹس ہیں جبکہ پشاور زلمی نے زیادہ پوائنٹس کی بنیاد پر پہلی پوزیشن حاصل کرلی ہے۔
تیسری کوالیفائی کرنیوالی ٹیم 8 پوائنٹس کے ساتھ اسلام آباد یونائیٹڈ ہے۔کراچی کنگز اور لاہور قلندرز کے 6,6 پوائنٹس ہیں۔پلے آف کیلئے کوالیفائی کرنیوالی چوتھی ٹیم کا فیصلہ آج کراچی کنگز اور اسلام آباد یونائیٹڈ کے میچ سے ہوگا۔گذشتہ شب پشاور زلمی نے کوئٹہ گلیڈی ایٹرز کو شاہدی آفریدی کی جارحانہ بیٹنگ کی بدولت 2وکٹوں سے کامیابی حاصل کی ۔
ایمزٹی وی(اسلام آباد)رواں سال کا پہلا سورج گرہن آج فروری کو ہو گا برطانوی ذرائع ابلاغ کے مطابق سال 2017 کا پہلا سورج گرہن آج ہوگا، یہ گرہن جنوبی امریکا اور افریقا کے بعض حصوں میں دیکھا جا سکے گا تاہم پاکستان میں نظر نہیں آئے گا
۔سورج گرہن کا آغاز دن 12 بج کر 10 منٹ پر ہو گا، اس کا نقطہ عروج 2 بج کر 58 منٹ پر ہوگا اور اختتام 5 بج کر 35 منٹ پر ہوگا۔سورج گرہن آغاز میں چلی میں دیکھا جا سکے گا۔
بعد ازاں یہ ارجنٹائن کے پیٹا گونیا ریجن میں نظر آئے گا جبکہ بحر اوقیانوس کے جنوبی حصوں سے ہوتے ہوئے اس سورج گرہن کا اختتام زیمبیا اور کانگو کے سرحدی علاقوں میں ہوگا۔
رواں سال کا دوسرا سورج گرہن 21 اگست کو ہو گا اور یہ امریکا میں دیکھا جا سکے گا، یہ 1979 کے بعد سے پہلا موقع ہوگا ، جب امریکہ میں مکمل سورج گرہن ہوگا۔
سورج کو گرہن اس وقت لگتا ہے جب چاند اپنے مدار میں گردش کرتے ہوئے زمین اور سورج کے درمیان حائل ہو جاتا ہے اور اس کی روشنی زمین تک پہنچنے سے روک دیتا ہے لیکن چونکہ سورج کا فاصلہ زمین سے چاند کے فاصلے کے مقابلے میں چار سو گنا زیادہ ہے، اس لیے سورج چاند کے پیچھے مکمل یا جزوی طور پر چھپ جاتا ہے۔
ایمزٹی وی(انٹرٹینمنٹ)فلمی ایوارڈز کا سب سے بڑا میلہ امریکا کے شہر لاس اینجلس میں اتوار کی رات سج رہا ہے۔ نواسی ویں اکیڈمی ایوارڈز کے لیے ہالی وڈ کے ڈولبی تھیٹر میں تیاریاں مکمل ہیں۔ اکیڈمی ایوارڈز میں میوزیکل ڈرامہ لالا لینڈ چودہ کیٹگریز میں نامزدگیوں کے ساتھ سر فہرست ہیں۔
ایک موسیقار اور ہالی وڈ میں اپنی قسمت آزماتی اداکارہ کی اس رومانوی کہانی نے گولڈن گلوب ایوارڈ، بافٹا ایوارڈز ، کرٹکس چوائس ایوارڈ اور دیگر ایوارڈ اپنے نام کیے ہیں۔ یہ فلم دو ہزار سولہ کی ٹاپ ٹین فلموں میں شامل رہی۔
اس کا مقابلہ فلم مون لائٹ سے ہے، یہ فلم ہے میامی کے ایک سیاہ فام لڑکے کی جو دنیا میں اپنی جگہ بنانے کے لیے جدوجہد کرتا ہے۔
فلمی ناقدین کا کہنا ہے فلم ’مانچسٹر بائے دی سی‘ کے کیسے ایفلیک اورفینسس کے ڈینزل واشنگٹن کے درمیان بہترین اداکار کی کیٹگری کے لیے سخت مقابلہ متوقع ہے۔
فلم لالا لینڈ کی مرکزی کردار ایما اسٹون بہترین اداکارہ کے لیے موسٹ فیوریٹ قرار