Reporter SS
ایمز ٹی وی(انٹرٹینمںٹ) کراچی کے علاقے گلشن اقبال شانتی نگر میں گلوکارہ صنم ماروی کے گھر پر حملہ ہوا ہے، صنم ماروی حملے میں محفوظ رہیں۔
پولیس کے مطابق صنم ماروی کی نشاندہی پر ملزم فاران مغیری کو گرفتار کرلیا گیا ہے جبکہ گرفتار ملزم کے ساتھی احمد مغیری، شفیق اور حسیب فرار ہوگئے۔
پولیس کا کہنا ہے کہ مفرور ملزمان کی گرفتاری کیلئےچھاپے مارے جا رہے ہیں، واقعے کی ایف آئی آر عزیز بھٹی تھانے میں درج کرلی گئی ہے۔
ایمز ٹی وی(انٹرٹینمنٹ) فلم انڈسٹری کے نامور ہدایتکار پرویز رانا دل کا دورہ پڑنے سے انتقال کرگئے۔ مرحوم لاہور میں نجی اسپتال میں زیر علاج تھے۔مرحوم نے دو سو سے زائد فلموں کی ہدایتکاری کی۔پاکستان فلم انڈسٹری کے نامور ہدایتکار پرویز رانا لاہور میں انتقال کرگئے۔
ہدایتکار پرویز رانا نے دو سو سے زائدفلموں کی ہدایتکاری کی اور کئی چہروں کو فلم انڈسٹری میں متعارف کروایا۔
پرویز رانا گزشتہ چار سال سے دل کے عارضے میں مبتلا تھے۔ پرویز رانا کو دل کا دورہ پڑا جس پر ان کو بحریہ ٹان لاہور کے نجی اسپتال میں منتقل کیا گیا جہاں وہ جانبر نہ ہوسکے۔پرویز رانا کی مشہور فلموں میں رقاصہ،شرابی،کنگ میکر،خدا کے چور،غنڈی رن اور سہاگن شامل ہیں۔ پرویز رانا تین فروری انیس سو اکاون کو پیدا ہوئے،ان کی پانچ بیٹیاں اور دو بیٹے ہیں۔ پرویز رانا کی نمازہ جنازہ بحریہ ٹاؤن گراؤنڈ اداکی جائے گی۔
ایمز ٹی وی(اسپورٹس) بھارت نے پاکستان بلائنڈ کرکٹ ٹیم کو ویزے جاری کر دئیے ہیں، کھلاڑیوں کے پاسپورٹس بھی آج یا کل موصول ہو جائیں گے۔
تفصیلات کے مطابق پاکستان کرکٹ ٹیم نے ٹی 20 بلائنڈ کرکٹ ورلڈکپ میں شرکت کیلئے بھارت جانا تھا اور اس کیلئے ویزے کی درخواستیں دی گئی تھیں۔
ذرائع کے مطابق گزشتہ روز بھارتی حکومت نے ویزے جاری کرنے کی کلیئرنس دی جس کے بعد آج بھارتی ہائی کمیشن نے ویزے جاری کر دئیے ہیں اور کھلاڑیوں کے پاسپورٹس آج یا کل مل جائیں گے۔
ذرائع کے مطابق پاکستان بلائنڈ کرکٹ ٹیم 28 جنوری کو براستہ واہگہ بارڈر نئی دہلی روانہ ہو گی۔
ایمز ٹی وی(پنجاب) پنجاب حکومت نے عوام اور نجی کمپنیوں کے نام والی نمبر پلیٹ جاری کرنے کا اعلان کردیا، اس مقصد کے لیے محکمہ ایکسائز نے ٹینڈر کی منظوری بھی دے دی ۔
پنجاب حکومت کے مطابق نام والی نمبر پلیٹ مطلوبہ رقم لے کر جاری کی جائے گی،جس سے حکومت کو کروڑوں روپے کی آمدنی ہوگی۔
لاہور میں موٹر رجسٹریشن اتھارٹیز کانفرنس سے خطاب کرتے ہوئے سیکریٹری ایکسائیزاینڈ ٹیکسیشن ڈاکٹر احمد بلال کا کہنا تھا کہ محکمہ ایکسائز کا 90 فیصد کام کمپیوٹرائزڈ ہو چکا۔
انہوں نے کہا کہ نجی شعبے کے تعاون سے شروع کیے گئے کئی منصوبے کامیابی سے چل رہے ہیں،موٹر رجسٹریشن کانفرنس سے محکمے کی مشکلات اور ان کے حل کے تلاش میں مدد مل سکے گی۔
سلمان صوفی نے کہاکہ نام والی نمبر پلیٹ مطلوبہ رقم لے کر جاری کی جائے گی، جس سے حکومت کو کروڑوں روپے آمدنی ہوگی۔
ایمزٹی وی (اسلام آباد) سپریم کورٹ میں طیبہ تشدد کیس ازخود نوٹس کیس کی سماعت
کے دوران ڈی آئی جی اسلام آباد نے چالان عدالت میں پیش کردیا ہے۔ تفصیلات کے مطابق چیف جسٹس ثاقب نثار کی سرابرہی میں تین رکنی بنچ کیس کی سماعت کررہا ہے۔ چیف جسٹس نے ریمارکس دیئے کہ بچوں سے گھروں میں کام کرانا بڑا مسئلہ ہے، ایسے معامالات دبانے کی کوشش کی جاتی ہے۔ جسٹس ثاقب نثار نے پوچھا کہ گھریلو ملازمین کیلئے کیا قانون سازی ہوئی ؟ دیکھیں گے عام قانون کے تحت کیس نمٹائیں یا غیر معمولی قدم اٹھائیں ۔ انہوں نے مزید کہا کہ ملزمہ کے شوہر ایک جوڈیشل افسر ہیں اور ملزموں کیخلاف فوجداری مقدمہ چلانے کا جائزہ لیں گے۔چیف جسٹس نے ریمارکس دیئے کہ ہم کیس کی تہہ تک پہنچنا چاہتے ہیں۔
سماعت کے دوران ایڈووکیٹ جنرل اسلام آباد نے بتایا کہ کیس کی تحقیقات مکمل ہوچکی ہیں اور مکمل چالان کل جمع کرائیں گے۔ چیف جسٹس نے استفسار کیا کہ خرم علی خان آئے یا نہیں ؟ جواب میں ایڈووکیٹ جنرل نے کہا کہ خرم علی خان کو نوٹس جاری نہیں ہوا تھا۔جسٹس ثاقب نثار نے پولیس سے استفسار کیا کہ چالان میں کس کو نامزد کیا گیا ہے تو پولیس نے جواب دیا کہ ماہین ظفر اور خرم خان کو چالان میں ملزم نامزد کیا گیا تھا۔ سماعت کے دوران چیف جسٹس نے سوال پوچھا کہ ناقابل ضمانت جرم کی دفعات ہوسکتی ہیں یا نہیں ؟انہوں نے کہا کہ گھریلو ملازمین کے تحفظ کیلئے قانون نہ ہونے پر تشویش ہے اور یہ میری نہیں قانون بنانے والوں کی غلطی ہے۔
انہوں نے مزید کہا کہ اس معاملے پر جوڈیشل افسران کو نوٹس جاری کرسکتے ہیں اور جوڈیشل افسران نے متاثرہ بچی کی حوالگی کا فیصلہ کیسے سنایا؟ یہ پوچھ سکتے ہیں کہ 2 جوڈیشل افسران نے کیسے ضمانت دی ؟ ماہین ظفر کے وکیل نے دلائل دیتے ہوئے کہا کہ سپریم کورٹ قابل ضمانت کیس کی سماعت نہیں کرسکتی۔یادرہے فیصل آباد کی رہائشی کمسن گھریلو ملازمہ طیبہ کو اسلام کے ایڈیشنل سیشن جج کی اہلیہ نے شدید تشدد کا نشانہ بنایا تھا جس کے بعد صلح ہونے کی خبروں پر چیف جسٹس سپریم کورٹ نے ازخود نوٹس لیا تھا
ایمز ٹی وی(راجن پور) راجن پوراورملحقہ علاقوں میں ڈکیتی اور دیگر وارداتوں میں ملوث چھوٹو گینگ سے تعلقات کے شبے میں بہاول نگر کےعلاوہ ضلع راجن پورکے مختلف تھانوں کےافسران سمیت 10سےزائد اہلکاروں کوبرطرف کردیاگیا ۔
برطرف افسران میں ڈی ایس پی اورایس ایچ او رینک کے افسران شامل ہیں ۔ ان اہلکاروں کو جےآئی ٹی اورانٹیلی جنس اداروں کی رپورٹ کی جانب سے جاری کردہ رپورٹ پر نوکری سے برطرف کیاگیا۔
رپورٹ میں برطرف اہلکاروں کےخلاف کارروائی کی سفارش بھی کی گئی ہے۔
ایمز ٹی وی(اسپورٹس) پاکستان کی کرکٹ ٹیم کو آئی سی سی کی رینکنگ میں بہتری کے لیے آسٹریلیا کے خلاف آخری میچ جیتنا لازمی ہے ۔ پاکستان اور آسٹریلیا پانچویں اور آخری ایک روزہ میچ کے لیے کل ایڈیلیڈ میں آمنے سامنے ہورہے ہیں قومی ٹیم کے میچ جیتنے کی صورت میں بنگلہ دیش اور پاکستان کے پوائنٹس برابرہوجائیں گے۔
زرائع کے مطابق شاہین اور کینگروز پانچویں ون ڈے کے لیے ایڈیلیڈ کے میدان پر آمنے سامنے ہونگے میچ پاکستانی وقت کے مطابق صبح آٹھ بج کر بیس منٹ پر شروع ہوگا پاکستان۔ اس وقت قومی کرکٹ ٹیم آئی سی سی کی ون ڈے رینکنگ میں 90 پوائنٹس کے ساتھ آٹھویں نمبر پر موجود ہے۔
میچ میں کامیابی کے بعد پاکستان اور بنگلادیش کے پوائنٹس کے برابر ہوجائیں گے ۔ویسٹ انڈیز کے ساتھ ہونے والی ایک روزہ سیریز میں پاکستان فتح یاب ہو کر اپنی پوزیشن مزید مستحکم کرسکتا ہے۔
کینگروز کے خلاف ہونے والے آخری میچ میں جنید خان کی جگہ راحت علی یا وہاب ریاض کو کھلائے جانے کا امکان ہے۔
ایمزٹی وی(اسپورٹس) قومی کرکٹ ٹیم کے کپتان اظہرعلی نے کہا ہے کہ سیریز ہا ر چکے لیکن دورے کا اختتام جیت کے ساتھ کرنا چاہتے ہیں ،فائنل الیون کا فیصلہ پچ دیکھنے کے بعد کریں گے ۔ان کاکہنا تھا کہ خراب فیلڈنگ سے کبھی میچ نہیں جیتے جا سکتے ۔
میڈ یا رپورٹس کے مطابق کپتان اظہرعلی نے کہا کہ چوتھے میچ میں خراب فیلڈنگ کی جس کی وجہ سے میچ میں شکست ہوئی ،خراب فیلڈنگ سے میچ نہیں جیتے جا سکتے ۔
ان کا کہنا تھا کہ کوچ پریکٹس سیشن کے دوران فیلڈنگ پر خصوصی توجہ دے رہے ہیں ۔انہوں نے کہا کہ کل کا میچ بہت اہمیت کا حامل ہے اس لیے ہاربھلا کر آخری ون ڈے کے لیے میدان میں اتریں گے ۔
ایمز ٹی وی(اسپورٹس) پاکستان ٹیسٹ ٹیم کے کپتان مصباح الحق نے ایک انٹر ویومیں کہا ہے کہ ریٹائرمنٹ کا فیصلہ کرتے وقت صرف خود کو نہیں دیکھنا ہوتا،بلکہ ٹیم کو بھی دیکھنا پڑتا ہے، جسے آپ نے بنایا ہو۔
ایک انٹریو میں مصباح الحق کا کہنا تھا کہ مجھ سے زیادہ کھیلے ہوئے سابق کرکٹرز کی تنقید پر غصہ آتا ہے، سمجھ اور تجربے کے باوجود مجھے ٹارگٹ کیا جاتا ہے، انٹرنیشنل کرکٹ جاری رکھنے یا ریٹائرمنٹ کا فیصلہ پی ایس ایل کے بعد کروں گا۔
مصباح الحق نے کہا کہ وہ پی ایس ایل کے دوران یہ اندازہ کریں گے کہ اُن میں کتنی کرکٹ باقی ہے؟ اور وہ کتنا کھیلنا چاہتے ہیں؟
مصباح کا کہنا تھا کہ وہ 2015ء میں انگلینڈ کے خلاف سیریز کے بعد کرکٹ چھوڑ سکتے تھے لیکن اگر اُس وقت وہ ریٹائرمنٹ لیتے تو یہ اچھا طریقہ نہ ہوتا۔
انہوں نے کہا کہ جب کھلاڑی پینتیس، چالیس کا ہوجاتا ہے تو اُسے اپنی ترجیحات طے کرنی ہوتی ہے کہ وہ مزید کتنا گیم میں رہ سکتا ہے۔
ایمز ٹی وی(اسپورٹس) سری لنکن کرکٹ بورڈ نے چار ملکی سیریز کے لئے پاکستان ، بھارت اور جنوبی افریقا کو مدعو کیا ہے۔
اس کے بعد امکان پیدا ہوگیا ہےسری لنکا اگلے سال اپنے ملک کی آزادی کی سالگرہ کے موقع پر چار قومی کر کٹ ٹورنامنٹ کرانے کا خواہش مند ہے۔
اس نے روایتی حریف پاکستان اور بھارت کو شامل کرنے کا فیصلہ کیا ہے جس سے آئندہ سال سر لنکن سرزمین پر دونوں ایشیائی حریفوں کے مد مقابل آنے کا امکان پیدا ہوگیا ہے۔
ابھی تک کسی بھی بورڈ کی جانب سے کوئی جواب سامنے نہیں آیا۔ واضح رہے کہ پاکستان اور بھارت آخری مرتبہ پچھلے سال ورلڈ ٹی میں ایک دوسرے کے ساتھ میدان میں آئے تھے۔ سری لنکن بورڈ کے ذرائع کا کہنا ہے کہ تمام معاملات طے ہونے پر وینیوز اور تاریخوں کا اعلان کیا جائے گا۔