ایمزٹی وی(امریکا)امریکی صدارتی امیدوار ہلیری کلنٹن نے ای میل کیس کی نئی تحقیقات پر اظہار تشویش کیا ہے۔فلوریڈا میں ڈیموکریٹک پارٹی انتخابی ریلی سے خطاب کرتے ہوئے ہلیری کلنٹن نے کہا کہ ایک ایسے وقت جب الیکشن میں چند روز باقی رہ گئے ہوں۔ اتنی کم معلومات پر تحقیقات کا آغاز حیران کن اور اذیت ناک ہے۔

اس کی ماضی میں بھی کوئی مثال نہیں ملتی ہے۔ ووٹر مکمل حقائق جاننے کا حق رکھتے ہیں۔ ان کا کہنا تھا کہ ای میل کیس کی نئی تحقیقات پر ایف بی آئی ڈائرکٹر جیمز کومے سے ملاقات کرکے وضاحت مانگی ہے۔

ان سے کہا ہے کہ ای میلز سے متعلق تمام حقائق سامنے لائے جائیں۔ ہلیری کلنٹن پر الزام ہے کہ انہوں نے وزارت خارجہ دور میں سرکاری ای میلز کے لیے نجی ای میل اکاونٹ استعمال کیا تھا۔ ان ای میلز میں حساس معلومات کے تبادلہ سے امریکی قومی سلامتی کو خطرہ لاحق ہوا۔

ایف بی آئی نے طویل تحقیقات کے بعد یہ کیس تین ماہ قبل بند کردیا تھا، تاہم دو روز قبل ان کی مشیر ہما عابدین کے سابق شوہر انتھونی وینز کے زیر استعمال ایک سرور سے ایسی ہزاروں نئی ای میلز ملی ہیں، جو ہلیری نے مختلف ادوار میں بھیجے تھے۔ اس کے بعد ایف بی آئی نے ای میل کیس کی نئی تحقیقات کا اعلان کیا ہے۔

ایمزٹی وی(تجارت)کراچی گڈز کیریئرز ایسوسی ایشن کے صدر نور خان نیازی نے گزشتہ روز کراچی پریس کلب میں پریس کانفرنس سے خطاب کرتے ہوئے کہاکہ حکومت پی ٹی آئی کے دھرنے کو ٹرانسپورٹرز، درآمدوبرآمد کنندگان کو نقصان پہنچاکر روکنے کی کوششیں کررہی ہے اور گزشتہ 5 دنوں میں کراچی سے درآمدی مال کے کنسائمنٹس کی ترسیل کرنے والے 10 ہزارسے زائد گاڑیوں کوملک کے مختلف حصوں میں پکڑ کر دھرنے کوروکنے میں استعمال کیا جارہا ہے جس سے ٹرانسپورٹرزکو یومیہ 10 کروڑ روپے کا نقصان پہنچ رہا ہے جبکہ درآمد کنندگان اور برآمدکنندگان کو بھی ڈیمریج وڈیٹنشن کی مد میں کروڑوں روپے کا نقصان پہنچا ہے۔

پاکستان بھر میں پولیس نے مال بردار گاڑیوں کو پکڑ پکڑ کر خوف وہراس پھیلاتے ہوئے عوام ، ٹرانسپورٹرز اور ٹریڈرز کو پریشان کر دیا ہے، گاڑیوں کی پکڑدھکڑ پہلے اسلام آباد، راولپنڈی وگردونواح سے شروع ہوکرپورے پنجاب میں پھیل چکی ہے۔ انہوں نے کہا کہ عدالت کے واضح احکام کے باوجود انتظامیہ راستوں کو بلاک کرنے اور مظاہرین کو روکنے کے لیے اپنی روش کے مطابق گاڑیوں کوپکڑ رہی ہے، اس طرح سے نہ صرف ٹرانسپورٹرز کے اربوں روپے مالیت کی قیمتی گاڑیاں مظاہرین کے رحم وکرم پر چھوڑی جارہی ہیں بلکہ ان پکڑی گئی گاڑیوں میں تاجروں کے اربوں روپے کے لدے ہوئے حساس کیمیکلز، ادویہ، اشیائے خوردونوش سمیت دیگر جلد خراب ہونیوالی اشیا کے خراب ہونے سے نہ صرف خطرات پیدا ہوگئے ہیں بلکہ مظاہرین کی جانب سے کئی گاڑیوں کو لوٹ بھی لیا گیا ہے۔

نور خان نیازی نے کہا کہ حکومت ٹرانسپورٹرزکی گاڑیاں پکڑنے کے بجائے مظاہرین اور دھرنے کو روکنے کے لیے اپنے ذاتی وسائل کو استعمال میں لائے اور پکڑی گئی گاڑیاں نقصانات کی ادائیگیاں کے ساتھ آئندہ48 گھنٹوں میں تمام مالکان کے حوالے کرے بصورت دیگر ٹرانسپورٹرز پیرسے کراچی کی دونوں بندرگاہوں سے اندرون ملک کے لیے ہر قسم کے مال کی ترسیل بندکردیں گے اوراس ہڑتال میں متاثرہ تاجروں و صنعت کاروں کی تنظیمیں بھی شامل ہوں گی۔

ایک سوال کے جواب میں نورخان نیازی نے بتایا کہ پنجاب کے علاقوں میں مزیدگاڑیوں کی پکڑدھکڑ کی خطرات کے پیش نظر ٹرانسپورٹرز نے گزشتہ روز سے دونوں بندرگاہوں سے اندرون ملک مال کی ترسیل کاکام روک رکھا ہے جس کے سبب بندرگاہوں پرتقریباً 30 ہزارکنٹینرز کا انبارلگ چکا ہے۔

ایمزٹی وی(اسلام آباد) وزیر داخلہ چوہدری نثارعلی خان کا کہنا ہے کہ دھرنے والوں کا اس بار پاکستان سیکریٹریٹ میں گھسنے کا منصوبہ ہے۔
اسلام آباد میں نیوز کانفرس میں وفاقی وزیر داخلہ چوہدری نثار کا کہنا تھا کہ متنازع خبر سے پہلے کچھ حقائق واضح کرنا چاہتا ہوں کیونکہ عوام کونہیں معلوم سچ کیا اور جھوٹ کیا ہے، ملک میں حقائق پر بات نہیں ہورہی، سچ بھی میڈیا پر چل رہا ہے اور جھوٹ بھی۔
ان کا کہنا تھا کہ خبر پر ایکشن لینا میرا کام ہے اور میری وزارت نے خبر پر ایکشن لیا، آرمی چیف سے ملاقات چھپ چھپاکر نہیں ہوئی سب کے سامنے ہوئی اور خوشگوارماحول میں یہ ملاقات ہوئی لیکن کچھ لوگوں کا وطیرہ بن گیا ہے کہ چیزوں کو ڈرامائی انداز میں پیش کریں۔
وزیر داخلہ نے کہا کہ لگتا ہے ڈان لیکس اور پاناما لیکس ملک کو لے ڈوبیں گے جب کہ پرویز رشید کو متعلقہ صحافی کو متنازع خبرچھاپنے سے منع کرنا چاہیے تھا۔ انہوں نے کہا کہ گزشتہ 3 سالوں سے لیکر آج تک کسی اجلاس میں سول اور ملٹری قیادت کے درمیان کوئی تلخ کلامی ہوئی اور نہ ہی آئی ایس آئی چیف اور وزیراعلیٰ پنجاب میں کوئی تلخ کلامی ہوئی ہے جب کہ 3 تاریخ کو ایسا کوئی اجلاس ہی نہیں ہوا لہذا تلخ کلامی والی بات سراسر جھوٹ اور بے بنیاد ہے۔

ایمزٹی وی(ٹیکنالوجی) Bionic Eye یا مصنوعی اور غیرحقیقی آنکھ ایک ایسی نئی ایجاد ہے جس میں quantum dots کو استعمال کرکے بینائی یا بصارت کو بالکل انوکھے انداز سے بہتر بنایا جاسکتا ہے، جس کے لیے اس میں ریٹینا کو اس حد تک متحرک کیا جاتا ہے، تاکہ وہ روشنی کے سامنے خود کو بے بس محسوس کرنے کے بجائے اس کا جوابی ردعمل دے سکے۔ اس کے ردعمل میں متاثرہ انسان کی کم زور بینائی بہتر ہوسکتی ہے۔
ہماری آبادیوں میں بالخصوص بوڑھے افراد میں ریٹینا (پردۂ چشم) کو بڑھتی ہوئی عمر کے سبب نقصان پہنچتا ہے تو اس سے ان کی بینائی بری طرح متاثر ہوجاتی ہے اور انہیں دیکھنے میں مشکل پیش آنے لگتی ہے۔ اس طرح کے واقعات میں مسلسل اضافہ ہوتا جارہا ہے۔
یونیورسٹی آف کولوراڈو ہاسپٹل کے جیفری اولسن نے روشنی کو بڑھانے والا آلہ “quantum” ڈاٹس ایجاد کیا ہے۔ اس میں ریٹینا کو ملنے والی روشنی ایک دم بڑھ جاتی ہے، جس کی وجہ سے انسانی آنکھ کو دکھائی دینے والی تصاویر زیادہ روشن اور چمک دار ہوجاتی ہیں اور بہت صاف اور واضح دکھائی دیتی ہیں۔
“quantum” dots جب فوٹونز سے ٹکراتے ہیں تو وہ چمکتے ہیں جس کی وجہ سے تصاویر زیادہ واضح طور پر دکھائی دینے لگتی ہیں اور ان کے روشنی سے متاثر ہونے والے سیلز بھی عمدگی سے کام کرنے لگتے ہیں۔ یہ ڈاٹس سیمی کنڈکٹرز کے طور پر کام کرتے ہیں اور انہیں ریٹینا میں لگادیا جاتا ہے۔ یہ سلیکون چپس سے بھی کہیں زیادہ چھوٹے ہوتے ہیں۔

ایمزٹی وی(ٹیکنالوجی)ماہرین نے ایک ایسی گاڑی ایجاد کی ہے جو عام طور سے ہوور بورڈ کی طرح ہی ہے، مگر یہ جزوی طور پر segway ہے یعنی سامان لانے لے جانے والا بورڈ یا ٹھیلا اور جزوی طور پر یہ اسکیٹ بورڈ بھی ہے، بس یوں سمجھ لیں کہ یہ ایک ایسا اسکوٹر ہے جس پر کھڑے ہوکر اپنا توازن خود برقرار رکھنا ہوگا۔

اسے ہوور بورڈ کہا تو جارہا ہے، جسے ہوور کرنا چاہیے، یعنی پانی یا سطح سے تھوڑا اوپر معلق ہونا چاہیے، مگر یہ اسکوٹر ایسا کچھ نہیں کرتا، پھر بھی ہوور بورڈ کہلاتا ہے۔ ہوور بورڈ اسکوٹر دیکھنے میں ایک عام سی چھوٹی سی گاڑی یا اسکوٹر ہے، مگر اس نے دھوم مچادی ہے اور یہ بالخصوص نوجوانوں میں بے حد مقبولیت حاصل کررہا ہے۔

اس اسکوٹر پر اچھل کر سوار ہونے والے شخص کو ایک ڈیوائس استعمال کرنی ہوتی ہے جو اصل میں برقی gyroscopes کی ایک جوڑی ہوتی ہے اور ہر پیڈ کے نیچے لگی ہوتی ہے۔ اس سے خود کار طریقے سے خود کو بیلنس کیا جاتا ہے، اس سے اپنے جسمانی توازن کے ذریعے گاڑی کا آگے بھی بڑھایا جاتا ہے، پیچھے بھی کیا جاسکتا ہے اور گھمایا بھی جاسکتا ہے۔ چناں چہ نوجوان اس ہوور بورڈ اسکوٹر پر طرح طرح کے کمال دکھاتے ہیں جس میں ریس سے لے کر ڈانس تک شامل ہیں۔

PhunkeeDuck نامی کمپنی کے شریک بانی میکس ایلن کا کہنا ہے:

’’ٹرانسپورٹ کی یہ نئی قسم خاص طور سے شہروں اور کالجوں کے لیے تیار کی گئی ہے، مگر مسئلہ یہ ہے کہ اعلیٰ عہدے داروں کو اس پر اعتراض ہے، وہ اسے سڑکوں اور گلیوں میں چلانے سے منع کررہے ہیں، کیوں کہ ان کے خیال میں اس سے ٹریفک کا مسئلہ پیدا ہوسکتا ہے۔ لیکن چوں کہ یہ ایک سستی اور آسان سی اسکوٹر ہے، اس لیے اسے چھوٹے شہروں میں آسانی سے استعمال کیا جاسکتا ہے۔ یہ انوکھی ہوور بورڈ اسکوٹر یقیناً ٹرانسپورٹ کے مسائل حل کرنے میں مددگار ثابت ہوگی۔‘‘

ایمزٹی وی(کوئٹہ)پاکستان پیپلز پارٹی کے چیئرمین بلاول بھٹو سول ہسپتال پہنچے جہاں انہوں نے پولیس ٹریننگ سینٹر پر دہشتگرد حملے میں زخمی ہونے والے کیڈٹس سے ملاقات کی ۔

بعد ازاں میڈیا سے گفتگو کرتے ہوئے بلاول بھٹو اپنی والدہ کی شہادت کا ذکر کرتے ہوئے آبدیدہ ہو گئے ۔ انہوں نے کہا کہ میں بھی دہشت گردی سے متاثر ہونے والی شہید بے نظیر بھٹو کا بیٹا ہوں ۔ لوگ مریں یا جیئیں، تخت رائے ونڈ والے چاہتے ہیں کہ حکمرانی چلتی رہے ۔ جب تک خون بہتا رہے گا، آپ کی باتوں کو نہیں مانوں گا ۔

بلاول بھٹو نے اس موقع پر خطاب میں کہا کہ مطالبات پورے نہ ہوئےتو قبل از وقت انتخابات کی مہم چلاؤں گا ، انہوں نے حکومت کو سات نومبر تک مہلت دے دی اور وزیر داخلہ چودھری نثار سے استعفے کا مطالبہ بھی کیا ۔
بلاول بھٹو کا کہنا تھا کہ عمران خان امپائر کی انگلی کے بغیر قدم نہیں اٹھاسکتے ، اس موقع پر جمہوریت کیلئے خدمات کے اعتراف میں اپنی والدہ محترمہ بت نظیر بھٹو شہید کے ذکر پر وہ آبدیدہ ہوگئے ۔
کوئٹہ میں میڈیا سے گفتگو کے دوران بلاول بھٹو نے حکومت کو وارننگ دی اور 4 نومبر کو سندھ اور پنجاب کی سرحد پر جلسے کا اعلان کر دیا ، ان کا خطاب کے دوران کہنا تھا کہ پاکستان کے عوام کو شریفستان اور چودھری نثار علی خان کی ضرورت نہیں ، بلاول بھٹو زرداری کا کہنا تھا کہ وزیر داخلہ چودھری اعتزاز احسن اور ایان علی کے کیسز میں تو بڑی جلدی دلچسپی لیتے ہیں لیکن ڈاکٹر عاصم کے کیس میں ان کا طرز عمل تبدیل ہوجاتا ہے۔

بلاول بھٹو نے اپنی تقریر کے دوران ملکی حالات پر افسوس کا اظہار کرتے ہوئے اسے حکومت کی ناکامی قرار دیا اور وزیر اعظم ، وزیر داخلہ اور عمران خان کو اس صورتحال کا ذمہ دار قرار دیا ۔ خطاب کے اختتام پر انہوں نے شرکا کے ساتھ مل کر پاکستان کھپے کا نعرہ بھی لگایا ۔

ایمزٹی وی(راولپنڈی)پولیس نے دعویٰ کیا ہے کہ پاکستان تحریک انصاف کے رہنما اورخیبرپختونخوا حکومت کے وزیرریونیو علی امین گنڈا پور کی گاڑی سے اسلحہ اور بلٹ پروف جیکٹس اورشراب کی بوتل بھی برآمد ہوئی ۔

ذرائع کے مطابق راولپنڈی کے علاقے بنگش چوک پر پولیس نے تلاشی کے دوران پاکستان تحریک انصاف کے رہنما علی امین گنڈا پور کی گاڑی سے اسلحہ،بلٹ پروف جیکٹس اورشراب کی بوتل برآمد کرنے کا دعویٰ کیا ہے۔

پولیس کا کہنا ہے کہ علی امین گنڈا پور کی گاڑی سے برآمد ہونے والے اسلحے میں 2 ایس ایم جی رائفلز سمیت درجنوں گولیاں اور آنسو گیس کے شیل شامل ہیں۔

ایمزٹی وی (تعلیم/لاہور)پنجاب یونیورسٹی شعبہ امتحانات نے بی کام پارٹ ون اور ٹو سیکنڈ اینول 2016کے ا متحانات کی ڈیٹ شیٹس جاری کر دی ہیں ۔

پنجاب یونیورسٹی شعبہ امتحانات نے بی کام پارٹ ون اور ٹو سیکنڈ اینول 2016کے امتحانات کی ڈیٹ شیٹس جاری کر دی ہیں ۔ تفصیل پنجاب یونیورسٹی کی ویب سائٹ www.pu.edu.pk پر بھی دیکھی جا سکتی ہے ۔

ایمزٹی وی(کراچی/تعلیم)جامعہ کراچی کے 10طلبہ نوین حسین اسکالر شپ کیلئے منتخب ہوگئے، شیخ الجامعہ کراچی پروفیسرڈاکٹرمحمد قیصر نے وائس چانسلر سیکریٹریٹ میں منعقدہ تقریب سے خطاب میں کہا کہ جامعہ کراچی میں 35 ہزارسے زائد طلباوطالبات زیر تعلیم ہیں جن کومختلف اسکالرزشپ فراہم کی جاتی ہیں لیکن تعداد کے لحاظ سے اسکالر شپس کی تعداد بہت کم ہیں۔

کراچی پروفیسرڈاکٹرمحمد قیصر نے وائس چانسلر سیکریٹریٹ میں منعقدہ تقریب سے خطاب میں کہا کہ جامعہ کراچی میں 35 ہزارسے زائد طلباوطالبات زیر تعلیم ہیں جن کومختلف اسکالرزشپ فراہم کی جاتی ہیں لیکن تعداد کے لحاظ سے اسکالر شپس کی تعداد بہت کم ہیں۔ المنائی جامعہ کراچی کو مزید اسکالرشپس دلوانے کیلئے اپنا مثبت کردار اداکریں۔ ڈاکٹر رفعت حسین، ڈاکٹر جی اے جے حسین اورنوین حسین اسکالر شپ کی جانب سے جامعہ کراچی کے مختلف شعبہ جات سے 10 طلبہ کامیرٹ کی بنیاد پر انتخاب کیا گیا ہے ۔

ایمزٹی وی(آزاد کشمیر)پی ٹی آئی کشمیر کے صدر بیرسٹر سلطان محمود چوہدری نے کہا ہے کہ پی ٹی آئی کشمیر کے تمام کارکن 2نومبر کوعمران خان کی کال پر اسلام آباد پہنچ کر ہر اول دستہ ثابت ہوں اور ہر ممکن غیر قانونی گرفتاریوں سے بچیں۔

ان خیالات کا اظہار انھوں نے پریس کانفرنس سے خطاب کرتے ہوئے کیا۔ انہوں نے کہا کہ مسئلہ کشمیرکوعالمی سطح پر اجاگر کیا اب عمران خان کے شانہ بشانہ کھڑے ہوکر کرپشن کے خلاف لڑیں گے ۔