کراچی:  حکومت ِسندھ نے وفاقی حکومت کی جانب سے تیار کردہ “ایک قوم ایک نصاب” (سنگل نیشنل کریکولم) کی مخالفت کرتے ہوئے پرائمری کی سطح پر صوبائی کریکولم کا حصہ نہ بنانے کا فیصلہ کیا ہے۔

ذرائع کے مطابق سندھ حکومت نے و فاقی حکومت کی جانب سے تیار کردہ “ایک قوم ایک نصاب” کے مندرجات سے اختلاف کرتے ہوئے نئے تعلیمی سیشن 2021/22 سے پرائمری سطح پر صوبائی کریکولم کا حصہ نہ بنانے کا فیصلہ کیا ہے۔

سندھ میں وفاقی حکومت کے سنگل نیشنل کریکولم سے متعلق کسی قسم کی کوئی تیاری نہیں کی جارہی بلکہ اس کے برعکس سیکنڈری اور ہائر سیکنڈری کی سطح نئے نصاب کی تیاری کی جارہی ہے۔

سندھ ٹیکسٹ بک بورڈ سیکنڈری کلاسز کی سطح پر نویں جماعت کی سائنس کے مضامین کی تبدیل شدہ نئی درسی کتب کی اشاعت کی تیاری کررہا ہے جس کے مطابق رواںسال اگست سے نویں کے طلبہ کےلئےکیمسٹری، فزکس اور ریاضی کی تبدیل شدہ نئی درسی کتب شائع کی جانی ہیں جبکہ بیورو آف کریکولم میں انٹر کی سطح پر نئے نصاب کی تیاری شروع کردی گئی ہے۔

گل قومی نصاب (SNC) پہلی سے لے کر گریڈ 5 تک تیار 

دوسری جانب ذرائع سےیہ بھی معلوم ہوا ہے کہ سندھ میں انٹر کی سطح پر نئے نصاب کی تیاری کاآغاز کردیا گیا ہے تاہم نئے نصاب کے مطابق درسی کتب آنے والے تعلیمی سیشن 2021/22 کے بجائے آئندہ تعلیمی سیشن 2022/23 میں دستیاب ہوں گی۔

بیورو آف کریکولم کے تحت تیار کیے جانے والے کریکولم میں کئی دہائیوں کے بعد انٹر سال اول و دوئم کی سطح پربوٹنی اورزولوجی کے مضامین کی علیحدہ حیثیت کو ختم کرکے انھیں میٹرک کی طرز پر بیالوجی کے مضمون کے طور پر یکجا کیا جارہا ہےجس کے بعد سندھ میں انٹر کی سطح پر پڑی میڈیکل پڑھنے والے طلبہ کے لیے تعلیمی سیشن 2022/23 سے زولوجی اور بوٹنی کے بجائے ایک ہی کتاب بیالوجی کی شکل میں دستیاب ہوگی۔

سندھ ٹیکسٹ بک بورڈ کے ایک افسر نے بتایا کہ “ سندھ اوروفاق اورکےدرمیان سنگل نیشنل کریکولم میں بنیادی اختلاف اسلامیات کے مضامین پر ہے متعلقہ افسر کا کہنا تھا کہ وفاق نے سنگل نیشنل کریکولم میں اسلامیات کے مضمون کو پہلی جماعت سے ہی علیحدہ حیثیت دے دی ہے جبکہ سندھ میں اسلامیات کی تعلیم چوتھی جماعت سے شروع ہوتی ہے، سندھ اسلامیات کے مضمون کو گریڈ ون سے شروع کرنے کے وفاقی حکومت کے فیصلے کے برعکس اسے گریڈ 4 سے ہی شروع کرنےکے فیصلےپر قائم ہے،اسلامیات کے نصاب میں پرائمری کی سطح پر وفاق نے احادیث کی تعداد سندھ کے اپنے کریکولم کے مقابلے میں بہت زیادہ رکھی ہیں جس پر سندھ کو اختلاف ہے۔

جبکہ اس کے علاوہ کچھ دیگر اختلافی نکات سندھی ، اردو، اور معاشرہ علوم کے مضامین پر بھی ہیں جبکہ سائنس کے مضامین میں پانچویں جماعت کے بعض عنوانات کو چوتھی جماعت میں ہی شامل کرکے طلبہ پر غیر ضروری لوڈ ڈال دیا گیا ہے اور ایک لیول کو مدنظر نہیں رکھا گیا۔

علاوہ ازیں سنگل نیشنل کریکولم کو پرائمری کی سطح پر اختیار نہ کرنے کے معاملے پر جب ذرائع نے وزیر تعلیم سندھ سعید غنی کے ترجمان زبیر میمن سے رابطہ کیا تو انھوں نے اس کی تصدیق کرتے ہوئے بتایا کہ وزیر تعلیم سندھ کا کہنا ہے کہ ہم وفاقی وزارت تعلیم شفقت محمود کے کہنے یا اعلان پر اگست سے سنگل نیشنل کریکولم کو نہیں اختیار کریں گے ان کا کہنا تھا کہ سندھ تحریری طور پر وفاق کو آگاہ کرچکا ہے کہ اسے اسلامیات، اردو ، سندھ اور سوشل اسٹڈیز میں کئی عنوانات پر اختلاف ہے۔

اسلام آباد: قراقرم انٹرنیشنل یونیورسٹی شعبہ امتحانات نے سالانہ امتحانی فارم جمع کرانے کے شیڈول میں توسیع کردیا۔

قراقرم انٹرنیشنل یونیورسٹی نے انٹرمیڈیٹ پارٹ ون اور ٹو2021کے طلبا اپنےسالانہ امتحانی فارم 15فروری 2021تک جمع کراسکتے ہیں۔

19فروری 2021تک ڈبل جبکہ 26فروری 2021تک ٹرپل فیس کے ساتھ امتحانی فارم جمع کروائے جا سکیں گے۔
اس کے بعد داخلہ فارم وصول نہیں کیاجائے گا۔

طلبا مزید معلومات کے لیے کے آئی یو کی آفیشل ویب سائٹ یا پھر شعبہ امتحانات سے رجوع کرسکتے ہیں۔

اسلام آباد: فیڈرل بورڈآف سیکنڈری اینڈانٹرمیڈیٹ ایجوکیشن نے ایس ایس سی اور ایچ ایس ایس سی کےامتحانات کےحوالےسے شیڈول جاری کردیایے. 

فیڈرل ایجوکیشن بورڈنےجاری کردہ اعلامیہ میں کہاہے کہ رواں سال ایس ایس سی کے امتحانات 20مئی2021سےہونگے

جبکہ ایچ ایس ایس سی کےامتحانات 10جون سےہونگے. اعلامیہ میں یہ بھی کہاگیاہےکہ رواں سال پریکٹیکل امتحانات نہیں لئےجائیں گےبلکہ پریکٹیکل کےمارکس پروموشن پالیسی2020 میں حاصل کردہ مارکس کےمطابق دیئےجائیں گے.

کراچی : جامعہ اردو نےبیچلرزوماسٹرزپروگرام (صبح وشام) سال 2020کےجاری جفت سیمسٹرکےلئےبغیرلیٹ فیس کےسیمسٹرفیس جمع کرانےکی نئی تاریخ مقررکردی ہے.

جامعہ اردوکی جانب سےاعلامیہ جاری کیاگیاہےکہ کووڈ 19میں لاک ڈاؤن کی وجہ سےطلباوطالبات کی سہولت کےلئےبیچلروماسٹرز(صبح وشام)ریگولرجفت سیمسٹر کی فیس بغیر کسی لیٹ فیس کے12فروری تک جمع کراسکتےہیں. 

طلبا اپنےفیس واؤچرآن لائن بھی پُرکرسکتےہیں بقیہ تفصیلات کے لئے جامعہ اردوکی ویب سائٹ پر وزٹ کریں. 

 لاہور: پاکستان سپرلیگ کےشائقین کےلئےخوشخبری, پی ایس ایل ایڈیشن 6کےلئےٹکٹس آن لائن فروخت کی جائیں گی 

ذرائع کےمطابق پی سی بی نےپی ایس ایل ایڈیشن 6 کےٹکٹس کےفروخت کےلئےایک ویب سائٹ سےمعاہدہ کیاہے.

پی ایس ایل کےشائقین کواسٹیڈیم میں میچ دیکھنےکی اجازت 

کراچی نیشنل اسٹیڈیم میں 20فروری 2021سےشروع ہونےوالے سپرلیگ میچزمیں صرف7500شائقین کرکٹ کومیچ دیکھنے کہ اجازت ہوگی جبکہ دوسرےمرحلےقذافی اسٹیڈیم میں5500سپرلیگ کےمتوالے شریک ہوسکیں گے. 

یادرہےکوروناوائرس کےپیش نظراین سی اوسی نےصرف20 فیصدتماشائیوں کو اسٹیڈیم میں میچ دیکھنےکی اجازت دی ہے. 

کراچی: وزیرتعلیم سندھ سعیدغنی کاکہناہےکہ تعلیمی معیاراور تعلیمی اداروں میں جاری ترقیاتی کاموں میں کوئی سمجھوتانہیں کیاجائےگا

تفصیلات کےمطابق وزیرتعلیم سندھ سعیدغنی نےآج ملیرسے منتخب ہونےوالےسندھ اسمبلی کےرکن محمودعالم جاموٹ سےملاقات کی.ملاقات کے دوران محمودعالم جاموٹ نےصوبائی وزیرکواپنےعلاقےکےاسکولزکےحوالےسےآگاہ کیا. 

اس موقع پروزیرتعلیم سندھ سعید غنی کاکہناتھاکہ کوروناوباکی وجہ سےجو تعلیمی نقصان ہواہے ہم غیرمعمولی اقدامات کرکےجلدہی چیزوں کومعمول پرلایاجائےگا.

انہوں نےمزیدبتایا کہ تعلیم کےمعیاراورتعلیمی اداروں میں جاری ترقیاتی کاموں کےمعیارپرسمجھوتہ نہیں کیاجائےگامیں خوداسکول ایجوکیشن ورکس اورکالجزکادورہ کرونگا میرےمحکمہ کےکوئی بھی افسرکسی بھی افسرکی وجہ سےرکاوٹ بناتواسکےخلاف کارروائی ہوگی. 

اس موقع پرسیکرٹری اسکول ایجوکیشن احمدبخش ناریجو سیکریٹرکالجزخالدحیدرشاہ ودیگرموجودتھے.

کراچی : جناح سندھ میڈیکل یونیورسٹی کےزیراہتمام داخلہ ٹیسٹ 12فروری کومنعقدکیاجائے گا. 

جناح سندھ میڈیکل یونیورسٹی میں ڈی فارمیسی کاداخلہ ٹیسٹ 12فروری اور بیچلر آف بزنس ایڈمنسٹریشن میں داخلےکےلئے ٹیسٹ 15فروری کومنعقدہوگا.

جامعہ کےوائس چانسلرپروفیسرسیدمحمدطارق رفیع نےبتایا کہ ٹیسٹ کےدوران کوروناکےتمام ایس اوپیزپرعمل درآمدکیاجائےگا اورانٹرویوبھی نہیں لیئےجائیں گے.

کراچی : داؤدیونیورسٹی آف انجینئرنگ اینڈٹیکنالوجی کےزیراہتمام بیچلر آف آرکیٹیکچراور بیچلر آف انجینئرنگ کےمڈسیمسٹرکےفزیکل امتحانات کےپہلے مرحلےکاآغازآج سےہوگیاہے.

فزیکل امتحانات کےپہلےمرحلے میں 13فروری تک بیچ 2019 اور بیچ فال 2019کےامتحانات لئے جائیں گے.جبکہ 15 فروری سےبیچ 2018اوربیچ فال 2020کےمڈ سمسٹر اور ایم ایس /پی ایچ ڈی کےفائنل سمسٹرامتحانات لئےجائیں گے.22فروری سے تمام بیچزکالیبارٹری ورک لیاجائےگا. 

اس موقع پر وائس چانسلرفیض اللہ عباسی, پرو وائس چانسلر ڈاکٹرعبدالوحیدبھٹو, ڈین فیکلٹی آف انجینئرنگ ڈاکٹر ذیشان علی میمن اوررجسٹرار سیدعلی شاہ نےامتحانی مراکزکادورہ کیا اور امتحانی مراکزمیں تمام ایس اوپیزپرپر عمل درآمدبنانےکےلئے انتظامات کاجائزہ لیا. 

اس موقع پروائس چانسلر ڈاکٹرفیض اللہ عباسی کاکہناہے کہ کورونا وائرس نےتعلیمی سلسلےکومفلوج کرکے رکھدیا تھا تاہم فیکلٹی ممبران اورانتظامی عملےکی انتھک محنت اور لگن سےہم اس قابل ہوئےکہ مہلک وائرس کےدوران تمام ایس اوپیزکےتحت امتحانات لےسکیں. 

انہوں نےمزیدکہاکہ ہمیں فزیکل امتحانات دینےوالے پرعزم اورباہمت طلبا کوبھی سراہنا چاہیئے جو تعلیمی سرگرمیوں کےفروغ میں سب سے آگے ہے. 

لاہور:پنجاب بھر میں نویں دسویں اور گیارہویں وبارہویں جماعت کےامتحانات کی تاریخوں کااعلان کردیاہے. 

وزیرتعلیم پنجاب ڈاکٹرمرادراس کاکہناہے کہ رواں سال دسویں جماعت کے امتحانات کا آغاز یکم جون سے18جون 2021 تک ہونگے جبکہ نویں جماعت کےامتحانات 24جون سے 11جولائی تک جاری رہیں گے. 

جبکہ گیارہویں جماعت کے سالانہ امتحانات 15اگست سے شروع ہونگے جو 29اگست تک جاری رہیں گےجبکہ بارہویں جماعت کےامتحان یکم ستمبر سے 21ستمبرتک منعقد کئےجائیں گے.

تمام امتحانات کادورانیہ دوگھنٹےہوگا جبکہ پیپرز میں ایم سی کیوز کاتناسب بڑھادیاگیاہے جبکہ سبجیکٹوو مختصرہوگا. امتحانی مراکز میں ایس او پیز کےتحت پرچے لئےجائیں گے. 

انہوں نےمزیدکہاہےکہ رواں سال موسم گرماکی تعطیلات 11جولائی سے14اگست 2021 تک ہونگی 

انہوں نےمزید بتایا کہ پہلی سےآٹھویں جماعت تک تعلیمی سال 2021کاآغاز یکم اپریل ,نویں اور دسویں کلاسز کاآغاز 15اگست جبکہ انٹرمیڈیٹ کےطلبا 21ستمبرسے نئی کلاسز کاآغازکریں گے. 

اسلام آباد: طلبایونین پر پابندی کےخلاف طلبا کی ریلی نکالی جارہی ہے. 

9فروری  1982کوطلبا تنظیموں پرپابندی عائدکئےجانے پرآج انجمن طلبا اسلام آباد کی جانب سے یوم حقوق ویوم سیاہ منارہی ہے.

اس حوالے سےپوسٹ گریجویٹ کالج ایچ ایٹ گریٹ سےزیرو پوانٹ تک ریلی نکالی جارہی ہے.

 ریلی میں سماجی, سیاسی, مذہبی شخصیات سمیت طلبااور صحافی تنظیمیں شریک ہیں.