راولپنڈی: جنوبی افریقہ پاکستان کے خلاف دوسرے ٹیسٹ کی پہلی اننگز میں 201 رنز پر آؤٹ ہوگئی

راولپنڈی میں کھیلے جارہے دوسرے ٹیسٹ کی پہلی اننگز میں پاکستان 272 رنزبنانے کے بعد آؤٹ ہوئی جس کے جواب میں مہمان ٹیم 201 رنز پر آؤٹ ہوگئی اور یوں پاکستان کو 71 رنز کی برتری حاصل ہوگئی ہے۔

تیسرے روز کھیل کا آغاز ہوا تو کپتان کوئنٹن ڈی کاک 29 رنز کی جارحانہ اننگز کھیل کر آؤٹ ہوئے، ویان ملڈر 33، جورج لنڈے 21 رنز بناکر آؤٹ ہوئے۔ ڈین ایلگر 15، وان ڈیر ڈاسن کو کھاتہ کھولے بغیر بولڈ ہوگئے۔ فاف ڈپلسی 17 رنز بنانے کے بعد فہیم اشرف کا شکار بنے، ایڈن مارکرم 32 رنز بناکر آؤٹ ہوئے۔ ٹمبا باوما 44 رنز کے ساتھ ناٹ آؤٹ رہے۔

قومی ٹیم کی جانب سے حسن علی نے 5،، فہیم اشرف، شاہین آفریدی اور نعمان علی نے ایک ایک وکٹ حاصل کی۔

اس سے قبل قومی ٹیم پہلی اننگز میں ٹاپ آرڈر کی ناکامی کے بعد کپتان بابراعظم ،فہیم اشرف اور فواد عالم کی ذمہ دارنہ بیٹنگ کی بدولت 272 رنز بنانے میں کامیاب رہی۔ بابراعظم 77 اور فواد عالم 45 رنز بناکر آؤٹ ہوئے جب کہ فہیم اشرف 78 رنز پر ناٹ آؤٹ رہے۔

عمران بٹ 15، عابد علی 6، اظہر علی 0، محمد رضوان 18 رنز کے مہمان ثابت ہوئے۔ حسن علی، یاسر شاہ اور نعمان علی نے 8،8 رنز اسکور کیے۔ جنوبی افریقا کی جانب سے انرج نورجی نے 5 اور کیشومہاراج نے 3 وکٹیں حاصل کیں۔

واضح رہے کہ کراچی میں ہونے ٹیسٹ میں پاکستان نے جنوبی افریقا کو شکست دی تھی، جس کے پاکستان کوسیریز میں برتری حاصل ہے۔

اسلام آباد: وفاقی وزیر تعلیم شفقت محمود نے اسٹیئرنگ کمیٹی کےنئےچیئرمین مقرر کرنے کی منظوری دے دی۔

تفصیلات کے مطابق اسٹیئرنگ کمیٹی کے چیئرمین کےلئے آغا خان یونیورسٹی تعلیمی بورڈ کے ڈائریکٹر اور آئی بی سی سی فورم کے سابق چیئرمین ڈاکٹر شہزاد جیواکومقرر کرنے کی وفاقی وزیر تعلیم اور پیشہ وارانہ تربیت شفقت محمود نے منظوری دی۔

ڈاکٹر جیوا گزشتہ برس آئی بی سی سی فورم کے چیئرمین رہ چکے ہیں جن کی مدت 31 دسمبر 2020 کو ختم ہوئی ہے ۔

اسٹیئرنگ کمیٹی ایک سفارشاتی ادارہ کا درجہ رکھتی ہے، جو میٹرک اور انٹر امتحانات، سرٹیفکیٹس کی تصدیق، مساوات، اور دیگر معاملات پر ملک میں موجود تمام بورڈوں کے ساتھ ملکر تجاویز اور سفارشات مرتب کرتی ہے۔

ویب ڈیسک: سنگاپور میں جاری "ون چیمپیئن شپ مکسڈ مارشل آرٹس" کے مقابلے میں پاکستانی ایتھیلٹ احمد مجتبیٰ نے بھارتی کھلاڑی راہول راجوکو چاروں خانے چت کردیا۔

تفصیلات کے مطابق پاک بھارت ایم ایم اے فائٹ میں پاکستانی کھلاڑی احمد مجتبیٰ نے بھارتی کھلاڑی راہول راجوکو صرف 56 سیکنڈز میں ہی ناک آؤٹ کردیا۔

سنگاپور میں رہنے والے انڈین فائٹر کی پاکستانی فائٹر کے سامنے ایک نہ چلی ،وہ ایک مکا کھاکر نیچےگر پڑےجس کے بعد ریفری نے فائٹ روکنے کا اعلان کیا اور یوں ایک منٹ سے بھی کم وقت میں احمد مجبتیٰ نے فائٹ اپنے نام کرلی۔

واضح رہےسنگا پور میں ’ون چیمپیئن شپ مکسڈ مارشل آرٹس کے مقابلے جاری ہیں جس میں پاکستانی ایتھلیٹ شروع ہی سے چھائے رہے۔

اسلام آباد: پی ایس ایل 6کے گروپ میچز کے دوران تماشائیوں کو اسٹیڈیم میں جا کر میچز دیکھنے کی اجازت مل گئی

20 فیصد تماشائیوں کو اسٹیڈیم میں جا کر میچز دیکھنے کی اجازت مل گئی۔

آج صبح این سی او سی کا اجلاس ہوا جس میں محکمہ صحت اور پاکستان کرکٹ بورڈ کے حکام بھی شریک ہوئے

اجلاس میں پی ایس ایل کے میچز کے دوران تماشائیوں کو داخلے کی اجازت کے امور پر تبادلہ خیال کیا گیا۔

اجلاس میں محکمہ صحت کے حکام کی گائیڈ لائنز کے مطابق 20 فیصد تماشائیوں کو پی ایس ایل کے گروپ میچز کے دوران اسٹیڈیم جا کر میچز دیکھنے کی اجازت دینے کا فیصلہ کیا گیا

جبکہ ٹورنامنٹ کے پلے آف میچز میں تماشائیوں کی اجازت کا فیصلہ کورونا مریضوں کی شرح کو دیکھنے کے بعد کیا جائے گا۔

کراچی: ایم اے پرائیوٹ کے امیدواروں کو مزید مہلت مل گئی۔

وفاقی اردو یونیورسٹی کے ناظم امتحانات غیاث الدین احمدکے مطابق ایم اے پرائیویٹ رجسٹریشن برائے سال 2019 کے فارم جمع کرانے کی تاریخ میں 1 ہزار روپے لیٹ فیس کے ساتھ9فروری 2021تک تو سیع کر دی گئی ہے۔

رجسٹریشن فارم جامعہ اردو کی ویب سائٹ www.fuuast.edu.pk سے آن لائن پُر کرکے ڈاؤن لوڈ کریں اور
رجسٹریشن فیس 6000/-روپے کا پے آرڈر بنام ناظم ا متحانات وفاقی اردو یونیورسٹی بنواکر مکمل دستاویزات کے ساتھ رجسٹریشن فارم کے ساتھ منسلک کریں اوربالمشافہ یا بذریعہ ڈاک ناظم امتحانات کے پتے پر ارسال کریں۔

کراچی: جامعہ اردو نے داخلہ2021(صبح)بیچلرکی داخلہ فیس جمع کرانے کی تاریخ میں مزید توسیع کردی۔

وفاقی اردو یونیورسٹی کے ڈائریکٹر ایڈمیشن ڈاکٹرسیداخلاق حسین کے مطابق داخلہ2021(صبح)بیچلر کی داخلہ فیس جمع کرانے کی تاریخ میں 9فروری2021تک توسیع کردی گئی ہے۔

طلباء و طالبات فیس واؤچر متعلقہ شعبے سے حاصل کرلیں۔

کلیم فارم جامعہ اردو کی ویب سائٹ www.fuuast.edu.pk  سے 4فروری 2021سے حاصل کرسکتے ہیں۔ مزید معلومات کیلئے جامعہ ویب وزٹ کریں۔

کراچی: جامعہ کراچی نےبی ایس سی (پاس) سال اول،دوئم/باہم اورایم ایڈ(مارننگ وایوننگ) کے امتحانی فارم جمع کرانے کااعلان کردیا۔

ناظم امتحانات جامعہ کراچی ڈاکٹر سید ظفرحسین کے مطابق بی ایس سی (پاس) سال اول،دوئم اور باہم سالانہ امتحانات برائے 2020 ء کے امتحانی فارم 19 فروری 2021 ء تک جبکہ ایم ایڈ(مارننگ وایوننگ) کے امتحانی فارم12 فروری2021 ء تک جمع کرائے جاسکتے ہیں۔

تفصیلات کے مطابق بی ایس سی سال اول ودوئم کے امتحانی فارم 6725 روپے فیس کے ساتھ جبکہ بی ایس سی سال اول ودوئم باہم کے امتحانی فارم 11850 روپے فیس کے ساتھ جمع کرائے جاسکتے ہیں۔

علاوہ ازیں ایم ایڈ (مارننگ وایوننگ) کے امتحانی فارم 10600 روپے فیس کے ساتھ جمع کرائے جاسکتے ہیں
۔طلبہ اپنی امتحانی فیس ایچ بی ایل،یوبی ایل،نیشنل بینک آف پاکستان،ایم سی بی،بینک الفلاح اور سندھ بینک کی کسی بھی برانچ میں جمع کراسکتے ہیں۔امتحانی فارم اور بینک واؤچر جامعہ کراچی کی ویب سائٹ سے حاصل کئے جاسکتے ہیں۔

واضح رہے کہ بی ایس سی کے ایسے طلبہ جو 2014 ء یا اس سے قبل کی انرولمنٹ کے حامل ہیں انہیں امتحانی فیس کے علاوہ 3000 روپے اضافی چارجز بھی جمع کرانے ہوں گےجبکہ ایم ایڈ (مارننگ وایوننگ) کے ایسے طلبہ جو 2014 ء یا اس سے قبل کی انرولمنٹ کے حامل ہیں انہیں امتحانی فیس کے علاوہ 5000 روپے اضافی چارجز جمع کرانے ہوں گے۔

طلبہ اپنے امتحانی فارم متعلقہ دستاویزات اور فیس واؤچرکے ساتھ متعلقہ کالجز میں جمع کراسکتے ہیں۔

کراچی:سندھ کی جامعات و بورڈز کے مشیر نثار احمد کھوڑو نےصوبے میں دو سالہ تمام ڈگری پروگرامز کو جاری رکھنے کا اعلان کردیا ۔

سندھ کی جامعات و بورڈز کے مشیر نثار احمد کھوڑو نے وفاقی ہیک کی جانب سے دو سالہ گریجوئیشن ڈگری پروگرام کو ختم کرکے چار سال کرنے کی پالیسی کو مسترد کرتے ہوئے ہیک کے اس عمل کو صوبائی خودمختاری پر حملہ قرار دے کر صوبے میں دو سالہ تمام ڈگری پروگرامز کو جاری رکھنے کا اعلان کردیا ہے۔

جامعات و بورڈزسندھ کے مشیر نثار احمد کھوڑو نےگزشتہ روزسندھ اسمبلی کی کمیٹی روم میں پریس کانفرنس کرتے ہوئےکہا کے ہم وفاقی ہیک کی ان تمام پالیسیوں کو مسترد کرتے ہیںاور سندھ کی تمام جامعات صوبے کے یونیورسٹی ایکٹ کے تحت صوبائی خودمختاری کو استعمال کرکے تمام دو سالہ ڈگری پروگرامز جاری رکھینگے۔اس حوالےسے تفصیلات بتاتےہوئےانکاکہناتھاکہ صوبائی خودمختاری کو یقینی بنانے کے لیے آئین میں تاریخ ساز 18ویں ترمیم روز اول سے مرکزیت پسند عناصر کو کَھل رہی ہےاس لئے صوبائی ہیک کے باجود وفاقی ھایر ایجوکیشن کمیشن کا قیام بھی صوبائی خودمختاری کے خلاف ہے۔

اس خبر کوبھی پڑھیں: ہائر ایجوکیشن کمیشن نے 2 سالہ ڈگری پروگرام ختم کرنے کا اعلان

انہوں نے کہا کے وفاقی ہیک کی طرف سے ناقص پالیسیوں کے اجرا سے ایک طرف صوبائی خود مختاری پامال ہو رہی ہے دوسری طرف جامعات کی خود مختاری بھی متاثر ہو رہی ہے۔ نثار کھوڑو نے کہا کے 18ویں ترمیم کے ذریعے کنکرنٹ لسٹ کے خاتمے کے بعد وفاق کے پاس صرف چار محکمے ہونے چاہئیں باقی وہ محکمے صوبوں کو منتقل تو نہیں کئے گئے مگر وفاق اپنی اجاراداری برقرار رکھنے کے لئے صوبوں کی تعلیم میں بھی بے جا مداخلت کر رہا ہے اور وفاقی ہیک قائم کرکے صوبوں کی جامعات کو کنٹرول کرنے کی سازش ہے کبھی پی ایم سی نام پر طلبہ و طالبات کے حقوق پر ڈاکہ ڈالہ جا رہا ہے تو کبھی ہیک کی سخت پالیسیاں بنا کر صوبائی خودمختاری پر ڈاکہ ڈالنے کی کوشش کی جا رہی ہے۔

انہوں نے کہا سندھ صوبائی خودمختاری پر کسی قسم کی مصلحت نہیں کرے گی اور وفاق کی ایسی کسی ڈکٹیشن کو بھی قبول نہیں کرینگے۔ نثار کھوڑو نے کہا کے تعلیم کا شعبہ 18ویں ترمیم کے بعد اب صوبائی اختیار میں آتا ہے جسکی بنیاد پہ سندھ ہائیر ایجوکیشن کمیشن کا قیام عمل میں آیا اور سندھ اسمبلی نے سندھ یونیورسٹیز ایکٹ پاس کیا۔ جس نے جامعات کو خود مختاری دی۔

انہوں نے کہا کے وفاقی ہیک کے حالیہ اقدامات سے جن میں ہیک کی ایسوسی ایٹ ڈگری پروگرام اور Ph.D پالیسی سے بہت بڑے پیمانے پر مڈل اور لوئر مڈل کلاس کو اعلیٰ تعلیم سے محروم ہوجائینگے اور ہیک کی اس پالیسی سے بے اے،بی کام اور دو سالہ گریجوئیشن اور ماسٹرز پروگرام اور پرائیوٹ گریجوئشن کے دروازے طالب علموں کے لئے بند ہو جائیں گے۔

انہوں نے کہا کے وفاقی ہیک کو اس بات کی ہر گز اجازت نہیں دیں گےکہ وہ سندھ کے تعلیمی اداروں کی جاری کردہ اسنادکی تصدیق کریں کیوں کےتصدیق صرف وہی ادارہ کرسکتا ہے جو ڈگری جاری کرتا ہے۔

انہوں نے کہاکے سندھ حکومت اس مسئلہ کو مشترکہ مفادات کی کونسل (CCI) میں بھی اٹھائے گی اور ہم یہ واضع کر دینا چاہتے ہیں کہ سندھ 18ویں ترمیم پر کوئی سمجھوتہ نہیں کرے گی۔

انہوں نے کہا کے وفاق ون یونٹ طرز پر عمل کرکےصوبے کی خودمختاری کو صلب کرنا چاھتا ہے مگر کسی کو صوبائی خودمختاری پر حملہ آور نہیں ہونے دینگے۔ ایک سوال کے جواب میں انہوں نے کہا کے وزیر اعظم نے نیشنل کریکیولیم لانے کی بات ہوا میں کی ہے جس کا گراؤنڈ پر کچھ نہیں ہے۔

راولپنڈی : وزیر داخلہ شیخ رشید احمدنےوقارالنسا کالج کو یونیورسٹی بنانے کااعلان کردیا۔

راولپنڈی میں کی میڈیاسے گفتگو کرتے ہوئے شیخ رشید احمد کا کہناتھاکہ وقار النساء خواتین کالج کو یونیورسٹی کادرجہ دینے کااعلان کرتا ہوں اور اسے  اسی سال مکمل کیاجائے گا

انہوںنے مزید کہا کہ پورے ملک میں تعلیم کے لحاظ سے آج راولپنڈی پہلے نمبر پر ہے، جوقومیں اپنی ذمہ داریوں سے نبردآزما نہیں ہوتیں وہ انتشار کاشکار ہوجاتی ہیںاورغلامی سے آزادی تعلیم دیتی ہے۔

پشاور: کراچی اور اسلام آباد کی طرح پشاور میں بھی کورونا ویکسی نیشن کی تقریب ہوئی ۔

جس کاافتتاح وزیر اعلیٰ خیبرپختونخوا محمود خان نے کیا۔افتتاحی تقریب میں نصیر اللہ بابر ہسپتال کے ڈاکٹر کو کورونا ویکسین لگائی گئی۔

وزیراعلیٰ محمود خان کا کہنا تھا کہ خیبرپختونخوا کو ابتدائی طور پر 16 ہزار ویکسین موصول ہوئی، ویکسین صوبے کے 8 اضلاع میں ہیلتھ ورکرز کو لگائی جائے گی، ہیلتھ ورکرز کا تحفظ ہماری پہلی ترجیح ہےمحمود خان نے کہا کہ ہیلتھ ورکرز بشمول ڈاکٹرز، نرسز، پیرا میڈکس اور دیگر عملے کی خدمات قابل ستائش ہیں۔

ویکسین کی فراہمی پر وفاقی حکومت اور وزیراعظم کے مشکور ہیں، ویکسین فراہمی پر دوست ملک چین کا بھی شکریہ ادا کرتے ہیں کورونا کی دوسری لہر سے نمٹنے کے لیے اقدامات جاری ہیں، ویکسین وباء سے موثر انداز میں نمٹنے کے لیے بہت مددگار ثابت ہوگی۔