اسلام آباد :وفاقی تعلیمی بورڈنےدسویں اورانٹرکےسالانہ امتحانات 2021کاحتمی شیڈول جاری کردیاہے.
شیڈول کےمطابق دسویں جماعت کےسالانہ امتحانات 23جون سے شروع ہونگے جوکہ 16جولائی تک جاری رہیں گے
جبکہ بارہویں جماعت کےسالانہ امتحانات 24جون سےہونگے جوکہ جولائی تک جاری رہیں گے.
ڈیٹ شیٹ فیڈرل بورڈ کی آفیشل ویب سائٹ سےاپلوڈکرسکتےہیں.
کراچی : وزیر تعلیم و محنت سندھ سعید غنی کی زیر صدارت محکمہ تعلیم سندھ کا اہم اجلاس ہوا۔
اجلاس میں محکمہ کی جاری ترقیاتی اسکیموں اور مستقبل کی سالانہ ترقیاتی پروگرام کی اسکیموں کے حوالے سے تفصیلی غور و خوض کیاگیا۔
وزیر تعلیم سندھ سعید غنی نے افسران کو ہدایات جاری کی کہ تمام اسکیموں کو مقرر وقت پر مکمل کیا جائے اور مستقبل کی اسکیموں کا جامع سروے کرکے سالانہ ترقیاتی پروگرام میں شامل کیا جائے تاکہ تعلمیی شعبے میں اسکے بروقت اور مثبت نتائج آئیں۔
اجلاس میںوزیر تعلیم سندھ سعید غنی کاکہنا تھاکہ تمام جاری اسکیموں کی مکمل آپ ڈیٹ فراہم کی جائے تاکہ جہاں جہاں ان اسکیموں میں کوئی رکاوٹ ہو تو اس کو دور کیا جاسکے۔جاری اسکیموں میں کسی قسم کہ رکاوٹ کو برداشت نہیں کیا جائے گا اور اس میں جو افسران بھی ملوث ہوا اس کے خلاف سخت کارروائی عمل میں لائی جائے گی۔
اجلاس میں سیکریٹری اسکول ایجوکیشن احمد بخش ناریجو، سیکریٹری کالجز خالد حیدر شاہ ، اسپیشل سیکریٹری آصف میمن و دیگر افسران شریک تھے۔
پشاور: وزیرتعلیم خیبرپختونخواہ شاہرام ترکزئی نے اساتذہ کواولین ترجیحی بنیادپر کووڈویکسن لگوانے کی ہدایت جاری کردی
10 اور 12 کے امتحانات میں حصہ لینےوالےاساتذہ کو اولین ترجیحی بنیاد پرکووڈ ویکسین لگائی جائےگی
ایلیمنٹر ی اور سیکنڈری ایجوکیشن خیبرپختونخواہ کے تمام عملے کو ہدایت کی جاتی ہے کہ 30سال سے زائد عمرکےممبران1166 پر ویکسین کی رجسٹریشن کراسکتے ہیں اور ساتھ ہی خیبرپختونخواہ کے تمام انٹرمیڈیٹ اور سیکنڈری ایجوکیشن بورڈز کےچیئرمینزکوہدایت کی جاتی ہے کہ وہ کسی بھی ایسے شخص کو بطورایگزمینرامتحانی مراکز میں شریک نہ ہونے دیں جنہوں نے کووڈ کی ویکسین نہ لگوائی ہے
کراچی:جامعہ اردو میں وائس چانسلر کے انتخاب کے سلسلے میں قائم ’’تلاش کمیٹی ‘‘ نےشارٹ لسٹ تیارکرلی۔
اردو یونیورسٹی کے وائس چانسلر کے عہدے کے لیے تلاش کمیٹی کو ملک و بیرون ملک سے مجموعی طور پر 98 درخواستیں موصول ہوئی تھیں جس میں سے 62 امیدواروں کے نام اسکروٹنی کے بعد انٹرویو کے لیے شارٹ لسٹ کیے گئے 48 امیدوار 2 روز تک جاری رہنے والے انٹرویوز میں شریک ہوئے 2 روز تک جاری رہنے والے انٹرویوز کے بعد تلاش کمیٹی نے 7 امیدواروں کو شارٹ لسٹ کیا اور منگل کی شام ان امیدواروں کے ایک بار پھر انٹرویوز کیے گئے۔
دوسرے مرحلے کے انٹرویوز میں دو امیدوار ڈاکٹر ضابطہ خان شنواری اور ڈاکٹر احمد قادری وائس چانسلر کے عہدے کی دوڑ سے باہر نکل گئے اور تلاش کمیٹی نے آئی بی اے کراچی کے سینٹر فار انٹرپینیورشپ کے ڈائریکٹر ڈاکٹر شاہد قریشی، کینیڈین یونیورسٹی کے پروفیسر اظہر عطا، ظفر اللہ قریشی، جامعہ کراچی کے انسٹیٹیوٹ آف ہیلوفائیٹ کی ڈائریکٹر ڈاکٹر بلقیس گل جبکہ جامعہ کراچی ایچ ای جے کے پروفیسر ڈاکٹر ظہیر قاسمی کے ناموں کو وائس چانسلر کے عہدے کے لیے موزوں سمجھتے ہوئے ان کا انتخاب کیا ہے۔
مذکورہ پانچوں نام اب اردو یونیورسٹی کی سینیٹ میں پیش کیے جائیں گے اور ان ناموں پر غور اور بحث کے بعد ان میں سے 3 امیدواروں کا انتخاب کرکے یہ نام صدر پاکستان اور یونیورسٹی کے چانسلر ڈاکٹر عارف علوی کو بھجوائے گی جبکہ صدر پاکستان کسی ایک موزوں امیدوار کو بطور وائس چانسلر انتخاب کریں گے۔
اہم بات یہ ہے کہ منتخب کیے گئے موزوں امیدواروں میں یونیورسٹی کی موجودہ قائم مقام وائس چانسلر ڈاکٹر روبینہ مشتاق، سابق قائم مقام وائس چانسلر ڈاکٹر عارف زبیر جبکہ اور اردو یونیورسٹی کے ہی پروفیسر ڈاکٹر زاہد اپنی جگہ نہیں بنا سکے۔
یاد رہے کہ تلاش کمیٹی میں زوہیر عشیر کی کنوینر شپ میں قائم کی گئی تھی جس میں واجد جواد، ڈاکٹر سروش لودھی، جنید زیدی، صادقہ صلاح الدین ،اصغر دشتی اور افتخار طاہری شامل تھے۔
جامعہ این ای ڈی یونیورسٹی آف انجینیئرنگ اینڈ ٹیکنالوجی نے بیچلر پروگرام 2021 کےداخلہ پالیسی تیارکرلی۔
پالیسی کے مطابق جولائی میں انٹر میڈیٹ کے امتحانات نہ ہونے کی صورت میں بیچلر پروگرام 2021 کے داخلے میٹرک کے نتائج کی بنیاد پر دینے کا اصولی فیصلہ کیا گیا ہے۔
این ای ڈی یونیورسٹی کے منعقدہ اکیڈمک کونسل کے اجلاس کے بعد میڈیاسے بات چیت کرتے ہوئے این ای ڈی یونیورسٹی کے وائس چانسلر پروفیسر ڈاکٹر سروش حشمت لودھی نے بتایا کہ” اکیڈمک کونسل کے اجلاس میں داخلوں کے سلسلے میں تین مختلف ماڈلز کی منظوری دی گئی ہے ان ماڈلز کا اطلاق تین مختلف انداز کی صورتحال میں ہو گا۔
پہلی صورتحال میں اگر انٹرمیڈیٹ کے امتحانات جولائی میں مکمل ہو گئے تو داخلے انٹرمیڈیٹ کے نتائج کی بنیاد پر ہی دیے جاسکیں گے دوسری صورت میں اگر انٹرمیڈیٹ کے امتحانات جولائی میں نہ ہوسکے تو یقینی طور پر نتائج کے اجرا میں بھی تاخیر ہوگی جس کے سبب داخلہ پالیسی میں دوسرے ماڈل کو اپناتے ہوئے میٹرک کے نتائج کی بنیاد پر ہی طلبہ داخلوں کے لیے درخواست دے سکیں گے۔
تیسری صورت میں پاکستان انجینیئرنگ کونسل اور ایچ ای سی کی اگر کوئی گائیڈ لائن جاری ہوتی ہے تو اس پر بھی غور اور عملدرآمد ہوسکے گا جبکہ یہی پالیسی این ای ڈی سے الحاق شدہ کسی تعلیمی ادارے پر بھی لاگو ہوگی۔
داخلہ پالیسی کی تفصیلات بتاتے ہوئے این ای ڈی یونیورسٹی کے پرووائس چانسلر اور داخلہ کمیٹی کے سربراہ ڈاکٹر محمد طفیل کا کہنا تھا کہ اکیڈمک کونسل نے فیصلہ کیا ہے کہ جولائی میں انٹرمیڈیٹ کے امتحانات کا مرحلہ مکمل نہ ہونے کی صورت میں داخلوں کے لیے امیدواروں سے میٹرک کے نتائج کی بنیاد پر ہی درخواستیں لے لی جائیں گی تاہم ایسی صورت میں ایڈمیشن کی میرٹ کا فارمولا تبدیل ہوجائے گا تاہم ایڈمیشن میرٹ میں اس کے میٹرک کے نتائج کا ووٹیج 30 فیصد اور تحریری ٹیسٹ کا وولٹیج 70 فیصد ہوجائے گا۔
اس فارمولے کے تحت طالب علم کے میٹرک میں حاصل کردہ مارکس کو 30 سے ملٹی پلائی کرتے ہوئے کل 1100 نمبروں سے ڈیوائیڈ کر دیا جائے گا جبکہ ٹیسٹ پاس کرنے والے طالب علم کے حاصل کردہ مارکس کو 70 سے ملٹی پلائی کرتے ہوئے ٹیسٹ کے کل مارکس 100 سے ڈیوائیڈ کر دیا جائے گا۔
ڈاکٹر طفیل نے بتایا کہ اس طرح کے داخلے پرووہزنل ہونگے اور بعد میں جاری ہونے والے انٹر کے نتائج میں اگر طالب علم کے مارکس کم از کم 60 فیصد ہوئے ایسی صورت میں ہی اس کے داخلے کی تصدیق ہوسکے گی۔
علاوہ ازیں ڈاکٹر طفیل کا مزید کہنا تھا کہ اگر جولائی میں انٹر کے امتحانات مکمل ہوجاتے ہیں تو یونیورسٹی انٹرمیڈیٹ کے نتائج کی بنیاد پر ہی داخلے دے گی اور ایسی صورت میں داخلوں کے لیے میرٹ کا پرانا فارمولا ہی قابل عمل ہو گا جس کے تحت انٹر کے نتائج اور ٹیسٹ کے نتائج کا میرٹ مساوی طور پر 50/ 50 فیصد ہی یوگا۔
میٹرک کی بنیاد پر داخلوں کی صورت میں اس کا وویٹج 30 فیصد اور تحریری ٹیسٹ کا وویٹج 70 فیصد اس لیے طے کیا گیا ہے کہ اگر کسی طالب علم کا میٹرک میں نتیجہ کمزور ہوا تو ٹیسٹ میں بہتر کارکردگی کے ذریعے اپنا میرٹ بہتر کر سکتا ہے۔
واضح رہے کہ این ای ڈی کے تحت یہ داخلے 28 شعبوں میں 2700 سے زائد نشستوں پر دیے جائیں گے۔
اسلا م آباد : فیڈرل بورڈ آف سیکنڈری ایحوکیشن کےتحت سالانہ امتحانات کی ڈیٹ شیٹ جعلی نکلی۔
تفصیلات کے مطابق سوشل میڈیا پروفاقی تعلیمی بورڈ کے تحت دسویں جماعت کے امتحانات کی ڈیٹ شیٹ گردش کررہی ہے جس میں کوئی صداقت نہیں ہے۔
اس حوالے سے بورڈ کاکہناہے کہ امتحانات کے حوالے سے تاحال کوئی حتمی فیصلہ نہیں کیا گیا سوشل میڈیا پر گردش ہونے والی ڈیٹ شیٹ جعلی ہے
طالبعلم ایسی خبروں پر کان نہ دھریں
فیصلےکے بعدامتحانات کی ڈیٹ شیٹ آفیشل ویب سائٹ پر جاری کردی جائےگی
پشاور: گورنر خیبرپختونخوا نے ویمن یونیورسٹی صوابی کی وائس چانسلرز کو عہدےسے ہٹادیا۔
ذرائع کاکہناہے کہ ویمن یونیورسٹی صوابی کی وائس چانسلرڈاکٹر شاہانہ کے خلاف شکایات موصول ہوئی تھیں جس پرگورنر خیبرپختونخوا شاہ فرمان نے گورنر انسپکشن ٹیم کو تحقیقات کا حکم دیا تھا۔
ٹیم نے اپنی رپورٹ گورنر کو جمع کرادی جس پر گورنر شاہ فرمان نے وائس چانسلر ڈاکٹر شاہانہ عروج کو عہدے سے ہٹا کر 90 دن کی جبری رخصت پر بھیج دیا۔
اس حوالے سے محکمہ اعلیٰ تعلیم نےاعلامیہ جاری کردیا جس کے مطابق وائس چانسلر ڈاکٹر شاہانہ نے اپنے عہدے کا غلط استعمال کیا، میرٹ کے خلاف بھرتیاں کیں اور مقررہ 6 لاکھ روپے تنخواہ سے زیادہ پیسے وصول کیے۔
ٹنڈو جام: سندھ زرعی یونیورسٹی کے زیر میزبانی آوارہ کتوں کی نسل کشی کیلئے ان میں تولیدی صلاحیت ختم کرنے کیلئے منصوبے کا باظابطہ آغاز کیا گیا ہے، وائس چانسلر نے جاری آپریشن کا جائزہ لیا، اور اطمینان کا اظہار کیا ہے،۔
تفصیلات مطابق سندھ زرعی یونیورسٹی کے زیراہتمام ٹنڈوجام شہر اور اس سے متصل علاقوں میں آوارہ کتوں کی بھتاب کو کم کرنے کیلئے ان میں تولیدی صلاحیت ختم کرنے والے منصوبے پر باظابطہ عملی کام شروع ہو گیاہے، سندھ زرعی یونیورسٹی میں کتوں کے کاٹنے کے بڑھتے ہوئے واقعات کو مدنظر رکھتے ہوئے۔جامعہ کے وائیس چانسلر ڈاکٹر فتح مری کی ذاتی دلچسپی لیتے ہوئے جامعہ کی اینیمل ھسبنڈری اینڈ وٹرینری سائنسز کے سرجری ڈپارٹمینٹ کی جانب سے وٹرینری ماہر ڈاکٹر احمد نواز تنیو کی زیرنگرانی کتوں میں تولیدی صلاحیت کے خاتمے کیلئے آپریشنز شروع کئے گئے ہیں، اور منصوبہ کا باظابطہ افتتاح کیا گیا
اس موقع پر وائس چانسلرڈاکٹر فتح مری نے آپریشن تھیٹر کا دورہ کیا اور جاری کام کا جائزہ لیا اور سرجری ڈپارٹمینٹ کے چیئرمین ڈاکٹر احمد نواز تنیو کی کاوشوں اور بھترین کام پر ان کی تعریف کی ، اس موقع پر فیکلتی کے مختلف کلاسز کے طلباء نے بھی تحقیقی کام میں دلچسپی لی اور آپریشن میں حصہ لینا شروع کردیا ہےاور ماہرین اور طلباء سے خطاب کرتے ہوئے وائس چانسلر ڈاکٹر فتح مری نے کہا کہ اس منصوبہ کے ذریعے کتوں کی تیزی سے بڑھتی ہوئی نسلوں کو کم کیا جاسکے گا اور کتوں کے کاٹنے کے واقعات میں کمی آئے گی، جبکہ کتوں کو مارے بغیر ان کی نسل اور تعداد کو کم کیا جاسکتا ہے۔
انہوں نے کہا اس منصوبے کی کامیابی کے بعد اسے دوسرے علاقوں تک بھی بڑھایا جاسکتا ہے اور اس منصوبے کو بڑے پیمانے پر چلانے کے لئے متعلقہ اداروں کے ساتھ منصوبوں یا معاہدوں میں توسیع کی کوشش کی جائے گی۔ اس موقع پر ڈین ڈاکٹر سید غیاث الدین شاہ راشدی اور ڈاکٹر احمد نواز تنیو نے بتایا کہ وائس چانسلر کی ہدایات پر کتوں کی تولیدی صلاحیت کو ختم کرنے کے لئے چھوٹے پیمانے پر تکنیکی کام شروع کیا گیا ہے ، جس سے ٹنڈوجام اور اس سے منسلک علاقوں کے آوارہ کتوں کا آپریشن کیا جارہا ہے جس سے کتوں کو مارنے کی ضرورت نہیں ہوگی۔
کراچی۔ بین الاقوامی مرکز برائے کیمیائی و حیاتیاتی علوم(آئی سی سی بی ایس) جامعہ کراچی کے تحت 27مئی سے عربی زبان پر آن لائن کورس شروع ہورہا ہے۔
آئی سی سی بی ایس، جامعہ کراچی کے ترجمان کے مطابق اس کورس کا اہتمام سندھ اینوویشن، ریسرچ اینڈ ایجوکیشن نیٹ ورک(PERN)کے باہمی تعاون سے ہورہا ہے، ماہرین وڈیو کانفرنس کے ذریعے لیکچر دینگے۔
یہ کورس چار ماہ پر مشتمل ہوگا، جامعہ کراچی کے شیخ زید اسلامک سینٹرکے ڈاکٹر محمد مہربان باروی وڈیو کانفرنس کے ذریعے لیکچر دینگے، کورس کے آخر میں کامیاب شرکاء میں اسناد تقسیم کی جائیں گی، اس کورس کی تفصیلات آئی سی سی بی ایس، جامعہ کراچی کی ویب سائٹ پر بھی دیکھی جاسکتی ہیں: http://iccs.edu/page-language-courses
کراچی: ثانوی تعلیمی بورڈ کراچی نے میٹرک بورڈ سے الحاق شدہ اسکولوں کی تجدیدسال 2021-22 ء اور نئے اسکولوں کے الحاق کیلئے درخواست فارم جمع کرانے کا شیڈول جاری کر دیا ہے۔
تفصیلات کے مطابق بورڈ کے چیئرمین سید شرف علی شاہ نے اسکولوں کے سربراہان سے کہا ہے کہ وہ فارم بورڈ آفس کے متعلقہ اکاؤنٹس سیکشن سے فارم کی قیمت کی مالیت کے پے آرڈر(بنام سیکریٹری بورڈ)کے ذریعے حاصل کر کے 24مئی سے 31اگست 2021ء تک بغیر لیٹ فیس اپنے نمائندگان کے ہمراہ اتھارٹی لیٹر اورشناختی کارڈ کی فوٹو کاپی بھیج کر جمع کروا سکتے ہیں جبکہ پہلے سے الحاق شدہ اسکول اپنی تجدید شدہ رسید کی فوٹو کاپی کے ساتھ مذکورہ فارم جمع کروائیں گے۔
اس ضمن میں واضح کیا گیا ہے کہ یکم ستمبر 2021 سے شیڈول کے مطابق لیٹ فیس کے ساتھ فارم وصول کئے جائیں گے اور بغیر لیٹ فیس کی وصولی کی تاریخ میں کسی بھی قسم کی توسیع نہیں کی جائے گی۔