ایمزٹی وی(اسپورٹس) لاس اینجلس میں جاری اسپیشل ایتھلیٹس کھلاڑیوں نے شاندار پرفارمنس کامظاہرہ کیا۔ پاکستانی ایتھلیٹس آصم زر اور اقصٰی احمد فری اسٹائل سوئمنگ میں گولڈ اور سلورمیڈلزجیت لیا۔تفصیلات کےمطابق آصم زر نے100میٹر فری اسٹائل سوئمنگ میں گولڈ جبکہ اقصٰی احمد نے 50 میٹر فری اسٹائل سوئمنگ میں سلور میڈل حاصل کیا۔عاصم زرنے 100 میٹرکافاصلہ صرف 29 سیکنڈ میں طے کیا۔یاد رہےاسپیشل ایتھلیٹس میں یہ پاکستان کا پہلاگولڈ میڈل ہے۔

ایمزٹی وی(انٹرنیشنل )ورجن گلیکٹک نامی خلائی راکٹ کی تباہی کی تحقیقات کرنے والوں نے اس حادثے کی وجہ معاون پائلٹ کی جانب سے بریک کے نظام کو وقت سے پہلے ’ان لاک‘ کرنا قرار دی ہے۔ امریکہ کے نیشنل ٹرانسپورٹیشن سیفٹی بورڈ نے کہا ہے کہ بریکوں کا نظام چالو ہونے کے بعد ایرو ڈائنیمک قوت کی وجہ سے خودبخود بریک لگی اور اس کے نتیجے میں انتہائی تیز رفتاری سے سفر کرتا ہوا جہاز ٹکڑے ٹکڑے ہوگیا۔ ورجن گلیکٹک سپیس شپ دوم نامی خلائی جہاز گذشتہ برس اکتوبر میں امریکی ریاست کیلیفورنیا کے صحرائے موہاوی میں تجرباتی پرواز کے دوران گر کر تباہ ہو گیا تھا۔ اس حادثے میں پائلٹ شدید زخمی اور معاون پائلٹ ہلاک ہوگیا تھا۔ این ٹی ایس بی کے سربراہ کرسٹوفر ہارٹ نے کہا کہ انھیں امید ہے کہ اس حادثے کی تحقیقات کے نتیجے میں مستقبل میں ایسے حادثات سے بچا جا سکے گا۔ حادثے کے بعد ورجن گروپ کے سربراہ سر رچرڈ برینسن نے کہا تھا کہ وہ یقینی طور پر اس حادثے کے بارے میں یہ جاننا چاہتے ہیں کہ ’کیا غلط ہوا۔ان کا کہنا تھا کہ یہ ہمارے تجرباتی پائلٹس کا حق ہے کہ ہم جانیں کہ کیا غلط ہوا اور جب ہمیں پتا چلے گا اگر ہم اس خامی کو دور کر سکے۔ خیال رہے کہ ورجن نے امید ظاہر کی تھی کہ وہ تجارتی سطح پر خلائی سفر کا آغاز 2015 تک کر سکے گی اور اس نے اس سلسلے میں 700 کے قریب مسافروں کی بکنگ بھی کی ہوئی تھی جو اس سفر پر جانا چاہتے ہیں۔ ان میں خود سر رچرڈ برینسن بھی شامل ہیں جنھوں نے وعدہ کیا ہے کہ وہ پہلے سفر میں خود شریک ہوں گے۔ ورجن کے اس تجارتی خلائی سفر کے لیے ہر مسافر نے ڈھائی لاکھ امریکی ڈالر ادا کرنے ہیں۔

ایمز ٹی وی (ایٓنٹرنیشنل )لیبیا میں ایک عدالت نے سابق صدر معمر قذافی کے بیٹے سمیت 9 افراد کو سزائے موت کا حکم سنادیا ہے ۔سیف الاسلام قذافی اور دیگر ملزموں پر قذافی حکومت کے خلاف 2011 کی عوامی تحریک کے دوران قتل اور دیگر جرائم کا الزام تھا ۔ ملزمان کے خلاف مقدمے کی سماعت دارالحکومت طرابلس کی عدالت میں گذشتہ سال اپریل میں شروع ہوئی تھی ۔ عدالت نے آج فیصلہ سناتے ہوئے 9 ملزموں کو سزائے موت سنادی جن میں سیف الاسلام قذافی ، سابق انٹیلی جینس چیف عبداللہ سِنوسی اور قذافی دور کے آخری وزیراعظم البغدادی المحمودی بھی شامل ہیں ۔ انسانی حقوق کی تنظیموں نے مقدمے کے شفاف ہونے پر شکوک و شبہات کا اظہار کرتے ہوئے عدالتی کارروائی پر کڑی نکتہ چینی بھی کی ہے ۔