کراچی : میٹرک جنرل گروپ ریگولروپرائیویٹ سالانہ امتحانات 2020 کے امتحانی نتائج قبل از وقت جاری کرنے پر چیئرمین بورڈ ڈاکٹر سعید الدین صاحب اور تمام بورڈ ملازمین کو مبارکباد دی۔
ایپکا میٹرک بورڈ کراچی یونٹ کے منتخب نمائندوں عبدالوہاب لاکھو صدر سلمان احمد خان سنئیر نائب صدر ارشاد احمد خان جمالی جونیئر نائب صدر شکیل لقمان جنرل سیکریٹری زیڈ ایچ بھٹی ڈپٹی جنرل سیکریٹری بلال حسین فنانس سیکرٹری شعیب سلیم چیمپیئن پریس سیکریٹری اور امیر بخش آفس سیکریٹری نے چیئرمین بورڈ پروفیسر ڈاکٹر سعید الدین صاحب ناظم امتحانات عبدالزاق ڈیپر سیکریٹری سید محمد علی شائق اور تمام بورڈ ملازمین کو میٹرک جنرل گروپ سالانہ امتحانات برائے 2020اور قوت سماعت سے محروم اسپیشل بچوں کے سب سے پہلے امتحانی نتائج جاری کرنے پر مبارکباد پیش کی
ڈاکٹر سعید الدین صاحب کی خصوصی ہدایت کی روشنی میں کہ میٹرک کے طلباء وطالبات کا قیمتی سال ضائع نہ ہو تمام متعلقہ افسران و ملازمین نے کرونا وائرس سے بچاؤ کے لئے حکومت سندھ کی فراہم کردہ تمام احتیاطی تدابیر اختیار کر کے ان امتحانی نتائج کے قبل از وقت اجراء کو یقینی بنایا جس کے لئے چئیرمن بورڈ و تمام بورڈ ملازمین مبارکباد کے مستحق ہیں پروفیسر ڈاکٹر سعید الدین صاحب کی خصوصی ہدایت کی روشنی میں بورڈ ملازمین شب و روز محنت کرکے میٹرک سائنس گروپ کے امتحانی نتائج کے قبل از وقت اجراء کو بھی یقینی بنائیں گے۔
وزیر تعلیم سندھ سعید غنی کی زیر صدارت نجی تعلیمی اداروں کی مختلف ایسوسی ایشنز کا اجلاس منعقدہوا۔ اجلاس میں وزیر تعلیم و محنت سندھ سعید غنی نے کہا ہے کہ تمام سرکاری اور نجی تعلیمی ادارے مقرر کردہ شیڈول کے مطابق کھولیں جائیں گے اور اس حوالے سے جہاں حکومت اور انتظامیہ بھرپور تیاریاں کررہی ہیں وہاں نجی تعلیمی اداروں پر بھی بھاری ذمہ داری عائد ہوتی ہے کہ وہ جاری کردہ ایس او پیز پر مکمل عمل درآمد کو یقینی بنائیں۔
اسکول وین میں آنے والے بچوں کے حوالے سے والدین جاری کردہ ایس او پیز پر عمل درآمد کو یقینی بنائیں اورکوشش کریں کہ اگر ممکن ہو تو وہ بچوں کو خود اسکول چھوڑنے اور لینے کا انتظام کریں۔ جو نجی تعلیمی ادارے کرونا کے باعث اپنی رجسٹریشن کی تجدید نہیں کراسکیں ہیں ان کی آئندہ تعلیمی سال کی ازخود تجدید کردی جائے گی تاہم انہیں اس حوالے سے جو قواعد و ضوابط اور کاغذی کارروائیاں ہیں وہ پورا کرنا ہوں گی۔
۔صوبائی وزیر سعید غنی نے کہا کہ تعلیمی اداروں کے کھولنے کے حوالے سے ایک نیشنل پالیسی مرتب دی گئی ہے اور ملک بھر کے تعلیمی ادارے کھولنے کے لئے تمام مشاورت کے بعد فیصلہ کیا گیا ہے کہ انہیں تین مختلف فیز میں کھولا جائے۔ انہوں نے کہا کہ کلاس نہم تا جامعات تک 15 ستمبر کو جبکہ کلاس 6 تا 8 تک 21 ستمبر جبکہ پری پرائمری اور پرائمری کلاسز 28 ستمبر کو کھولی جارہی ہیں۔ ا
انہوں نے نجی اسکولز کی ایسوسی ایشنز پر واضح کیا کہ تمام نجی اسکولز اس بات کو یقینی بنائیں کہ ان تاریخوں پر مکمل طور پر عمل درآمد کریں۔ اس موقع پر انہوں نے اس بات پر بھی زور دیا کہ نجی تعلیمی ادارے فراہم کردہ ایس او پیز مکمل عمل درآمد کو یقینی بنانے میں اپنا کردار ادا کریں۔ اس موقع پر مختلف نجی تعلیمی اداروں کی تنظیموں کے عہدیداران نے وزیر تعلیم سندھ سعید غنی کو یقین دہانی کرائی کہ وہ اس حوالے سے اپنی بھرپور تیاریوں کا سلسلہ شروع کرچکیں ہیں اور ہماری کوشش ہے کہ تعلیمی اداروں کے باعث بچوں میں کرونا وائرس کا پھیلاؤ نہ ہو۔ ان عہدیداران نے صوبائی وزیر سے استدعا کی کہ چونکہ جو بچے مختلف اسکول وین یا ٹرانسپورٹ کے ذریعے اسکول آتے ہیں اس حوالے سے بھی کوئی حکمت عملی مرتب کی جائے۔
اس موقع پر سعید غنی نے نجی اسکولز کی ایسوسی ایشن کو صوبائی اور ضلعی سطح پر بنائی جانے والی مانیٹرنگ کمیٹیوں، ڈی سی کی سطح پربنائی گئی مانیٹرنگ کمیٹی میں محکمہ صحت کے افسران کو شامل کرنے کے اسباب سمیت دیگر پر تفصیلی بریفنگ دی۔ سعید غنی نے اس بات پر زور دیا کہ نجی اسکولز اپنے تعلیمی اداروں میں اسپرے، سینیٹائزر، ماسک کا استعمال اور ہاتھ دھونے سمیت دیگر ایس او پیز پر سختی سے عمل درآمد کو یقینی بنائیں جبکہ اسکول کے اندر موجود کینٹین پر کسی قسم کے کھانے پینے کی اشیاء کی فروخت پر مکمل پابندی رکھیں اور اسکولز کے باہر بھی اشیاء کی فروخت پر متعلقہ ڈپٹی کمشنرز یا متعلقہ پولیس اسٹیشن سے رابطہ کرکے اس کا سدباب کو یقینی بنائیں۔ انہوں نے کہا کہ اس سلسلے میں تمام اضلاع کے ڈپٹی کمشنرز کی سربراہی میں بننے والی کمیٹیوں کو بھی ہدایات اور ایس او پیز پر عمل درآمد کو یقینی بنانے کی ہدایات جاری کردی گئی ہیں تاہم اس کے باوجود اگر اسکول کی انتظامیہ اس ایس او پیز کے برخلاف کوئی بات سمجھتی ہے تو بھی اس میں اپنا کردار ادا کرے۔
اس موقع پر سیکرٹری تعلیم سندھ احمد بخش ناریجو، ڈائریکٹر پرائیویٹ اسکولز منصوب احمد صدیقی، ماہر تعلیم شہناز وزیر علی اور دیگر بھی موجود تھے
جامعہ کراچی نے یونیورسٹی کھولنے سے قبل طلباو طالبات کیلئے کورونا سے بچاؤ کی ایڈوائزری جاری کردی ہے ۔
کوویڈ 19 ایڈوائزری محکمہ صحت سندھ کے تحت ایس او پیز کی روشنی میں بنائی گئی ہے۔
جامعہ کراچی کی جاری کردہ ایڈوائزری کے مطابق جو غیر ملکی طلبا و طالبات 15 روز قبل کراچی آئے ہیں وہ اپنا کوویڈ ٹیسٹ کراکر رپورٹ جامعہ کراچی میں جمع کرائیں، اگر کورونا وائرس کی کسی طلبا کو علامات ہیں تو انہیں آنے کی اجازت نہیں ہوگی۔
ایڈوائزری کے مطابق جن طلباکو سینے کا انفیکشن ہے وہ جامعہ نہ آئیں، جامعہ کراچی میں مجمع لگانے یا ہجوم والی جگہوں پر جانے سے گریز کیا جائے ، کورونا وائرس کے حوالے سے صورتحال واضح ہونے تک سیمینارز اور امتحانات نہیں ہوں گے جبکہ لائبریری میں طلباو طالبات کو بیٹھنے کی اجازت نہیں ہوگی، لائبریری سے جاری کتابوں کی مدت پانچ روز کردی گئی ہے ۔
ایڈوائزری میں مزید کہا گیا کہ جامعہ کراچی میں طلباو طالبات سمیت عملے کو بھی کہا گیا ہے کہ ہاتھ ملانے سے گریز کرتے ہوئے وقتاً فوقتاً سینی ٹائزر کا استعمال کیا جائے جبکہ امتحانات اور کلاسز کے دوران سماجی فاصلہ برقرار رکھا جائے گا ۔
طلباو طالبات سمیت تدریسی و غیر تدریسی عملہ ماسک کا استعمال لازمی کرے گا۔ ایڈوائزری کے مطابق کسی بھی ہنگامی صورتحال کے باعث جامعہ کراچی کلینک سے رابطہ کیا جاسکتا ہے۔
کراچی : جامعہ اردو نے امتحانی فارم جمع جاری کردیئے ۔
اردو یونیورسٹی کے ناظم امتحانات غیاث الدین کے مطابق کلیہ تعلیمات، فنون، معارف اسلامی ایم اے اور بی ایس مارننگ پروگرام کے امتحانی فارم14ستمبر تک جامعہ کی ویب سائٹ سے آن لائن پُرکرکےجمع کرائےجاسکتے ہیں.
کامسیٹس یونیورسٹی اسلام آباد میں شجرکاری مہم کا آغاز ہوگیا۔
کر شجرکاری مہم 2020کا افتتاح کامسیٹس یونیورسٹی اسلام آباد کے ریکٹر پروفیسر ڈاکٹر محمد تبسم افضل نے کچنار پارک میں پودا لگا کرکیا۔
اس موقع پر اسلام آباد میٹروپولیٹن کارپوریشن،سی ڈی اے اور کامسیٹس یونیورسٹی اسلام آباد کے سینئر عہدیداران بھی موجود تھے ۔
اس موقع پر میئراسلام آبادشیخ انصر عزیزمہمان خصوصی تھے جنہوں نےشجرکاری مہم کی کامیابی کے لئے طلبہ و طالبات کے کردار کو سراہااس حوالےسےانکاکہناتھاکہ میٹرو پولیٹن کارپوریشن اسلام آباد نے دارالحکومت میں ایسی کئی شجر کار ی مہمات میں متعد د پارٹنر ایسوسی ایشنز کے ساتھ اشتراک کیا ۔
شیخ انصر عزیز نے کہا کہ ہم ایسی کوششوں اور عزم کے ساتھ ایک بار پھر اسلام آباد کو دنیا کے سبزترین دارالحکومتوں میں شامل کر سکتے ہیں۔
لاہور: تعلیمی ادارے کھلنے میں تین دن رہ گئے مگر مارکیٹ میں پنجاب ٹیکسٹ بک بورڈ کی مبینہ غفلت سے مارکیٹ میںنویں، گیارہویں اور بارہویں کی بعض کتابیں غائب ہوگئیں۔ جس کی وجہ سے طلبا مشکلات کاسامناہے ۔
میڈیا رپورٹ کے مطابق نویں جماعت کی مطالعہ پاکستان مارکیٹ میں موجود نہیں ،اسی طرح گیارہویں جماعت کی ایجوکیشن،سوکس،اسٹیٹ جبکہ بارہویں جماعت کی فارسی,ایجوکیشن،سوکس،نفسیات، جغرافیہ،شماریات اور انگلش لٹریچر کی کتابیں عدم دستیاب ہے۔
ٹیکسٹ بک پبلشرز کا کہنا ہے پی سی ٹی بی کی جانب سے کتابوں کی ایلوکیشن تاخیر سے کی گئی ۔ ذرائع کے مطابق ان کتابوں کی فراہمی میں ایک سے ڈیڑھ ماہ لگ سکتا ہے ۔ ایسوسی ایشن کے سربراہ فواز نیاز کاکہنا ہے چھوٹی جماعتوں کی کتابیں تاحال نہیں بکیں اس لیے پبلشرز گیارہویں اور بارہویں جماعت کی کتابوں کو پرنٹ نہیں کرسکے ۔ پی سی ٹی بی حکام کاکہنا ہے بہت ساری کتابیں مارکیٹ میں ریلیز کردی گئی ہیں جو کم ہیں وہ ایک ہفتے میں پوری کردی جائینگی ۔
طلبا کاکہنا ہے تعلیمی ادارے کھلنے جارہے ہیں مگر مارکیٹ سے کتابیں غائب ہیں، ٹیکسٹ بک بورڈ کو بروقت انتظامات کرتے ہوئے مارکیٹ میں کتابوں کی فراہمی یقینی بنانی چاہیے تھی،دو ماہ سے تعلیمی ادارے کھولنے کی باتیں ہورہی ہیں مگر تاحال اس حوالے سے کوئی پالیسی موجود نہیں ۔
کراچی : وزیر تعلیم و محنت سندھ سعید غنی کی زیر صدارت پرائیوٹ اسکولز کی ایسوسی ایشنز کے رہنماؤں کا اجلاس ہوا۔
اجلاس میں سیکرٹری تعلیم سندھ احمد بخش ناریجو، ڈی جی پرائیویٹ اسکولز منصوب صدیقی ، ماہر تعلیم شہناز وزیر علی، مختلف نجی اسکولوں کی ایسوسی ایشن کے عہدیداران و دیگر شریک ہیں
اجلاس میں تعلیمی اداروں کے کھلنے اور اس کے لیے جاری کردہ ایس او پیز پر عملدرآمد سمیت دیگر امور پر تبادلہ خیال کیا جارہا ہے وزیر تعلیم کاکہنا تھا کہ تمام نجی اسکول تعلیمی اداروں کے کھلنے سے قبل ایس او پیز کے تحت تمام تیاریاں مکمل کرلیں.
سعید غنی نے اسکولوں میں اسپرے، کلاس رومز میں بچوں کو بٹھانے کے لئے فاصلے سمیت دیگر تیاریاں مکمل کرنے کی ہدایت جاری کردی
جبکہ . نجی اسکولز ایسوسی ایشن عہدیداران نےحکومت فوری طور پر ماسک، اسپرے گن، تھرمامیٹر گن سمیت دیگر کی اچانک قیمتوں میں اضافے کا نوٹس لینے کامطالبہ کیا
اوپو نے رینو 4 سیریز کے 2 فونز پاکستان میں بھی متعارف کرادیئے ہیں۔
اوپو رینو 4 اور رینو 4 پرو رواں سال جون میں پہلے میں پیش کیے گئے تھے اور 3 ماہ بعد انہیں پاکستان میں متعارف کرایا گیا ہے۔
اوپو رینو 4 میں 6.43 انچ جبکہ رینو 4 پرو 6.55 انچ کا لگ بھگ بیزل لیس ڈسپلے دیا گیا ہے تاہم رینو 4 میں فلیٹ جبکہ پرو ماڈل میں کرو ڈسپلے موجود ہے جبکہ ایچ ڈی آر 10 پلس سپورٹ اور 90 ہرٹز ریفریش ریٹ بھی اسی ماڈل میں دیا گیا ہے۔
دونوں فونز میں کوالکوم اسنیپ ڈراگون 765 جی پراسیسر کے ساتھ 8 جی بی ریم گئی ہے تاہم رینو 4 میں 128 جی بی اور رینو 4 پرو میں 256 جی بی اسٹوریج دی گئی ہے۔
دلچسپ بات یہ ہے کہ رینو 3 سیریز میں بھی یہی پراسیسر دیا گیا تھا، مگر نئے فونز میں فنگر پرنٹ اسکینر ڈسپلے کے اندر موجود ہے۔
اوپو رینو 4 میں 4020 ایم اے ایچ جبکہ 4 پرو میں 4000 ایم اے ایچ بیٹری دی گئی ہے ، تاہم رینو 4 میں 30 واٹ وی او او سی فلیش چارج 4.0 سپورٹ دی گئی ہے جبکہ 4 پرو میں 65 واٹ سپر وی او او سی 2.0 واٹ فاسٹ چارجنگ سپورٹ دی گئی ہے، جس کے بارے میں کمپنی کا دعویٰ ہے کہ صرف 36 منٹ میں بیٹری مکمل چارج ہوسکتی ہے۔
درحقیقت کمپنی کا تو یہ بھی دعویٰ ہے کہ یہ پاکستان میں سب سے تیزی سے چارج ہونے والے فون ہے۔
اوپو رینو 4 سیریز کے دونوں فونز کے بیک پر 4 کیمروں کا سیٹ اپ دیا گیا ہے۔
رینو 4 میں مین کیمرا 48 میگا پکسل کا ہے جبکہ 8 میگا پکسل الٹرا وائیڈ اینگل، 2 میگا پکسل مونو اور 2 میگا پکسل میکرو کیمرے بھی ڈیوائس کا حصہ ہیں۔
رینو 4 پرو میں بھی مین کیمرا 48 میگا پکسل کا ہے جس کے ساتھ 8 میگا پکسل وائیڈ اینگل، 2 میگا پکسل میکرو اور 2 میگا پکسل مونو کیمرا دیا گیا ہے۔رینو 4 کے فرنٹ پر ڈوئل کیمرا سیٹ اپ پنچ ہول ڈیزائن میں دیا گیا ہے جس میں 32 میگا پکسل اور 2 میگا پکسل ڈیپتھ کیمرا شامل ہے۔
اس کے مقابلے میں رینو 4 پرو میں حیرت انگیز طور پر صرف ایک سیلفی کیمرا دیا گیا ہے جو 32 میگا پکسل کا ہے۔
یہ فون 11 ستمبر سے پاکستان میں پری آرڈر میں دستیاب ہوں گے جبکہ ان کی فرسٹ سیل 17 ستمبر کو ہوگی۔
اوپو رینو 4 کی قیمت 59 ہزار 999 روپے جبکہ اوپو رینو 4 پرو کی قیمت 84 ہزار 999 روپے رکھی گئی ہے۔