ایمز ٹی وی (فارن ڈیسک)
امریکہ اور چین نے گرین ہاؤس گیس اخراج کو کم کرنے کے لیے نئے اہداف کا اعلان کیا ہے۔
دونوں ممالک کے صدر براک اوباما اور چین کے صدر شی جن پنگ بات چیت کے لیے چین کے دارالحکومت بیجنگ میں موجود ہیں۔
چین نے کسی مخصوص ہدف کی نشاندہی نہیں کی ہے تاہم کہا ہے کہ گرین ہاؤس گیس کا اخراج سنہ 2030 تک بہت حد تک کم ہو جائے گا۔
یہ پہلا موقع ہے جب دنیا میں سب سے زیادہ آلودگی پھیلانے والے ملک چین نے گرین ہاؤس گیس کے اخراج میں کمی لانے کے لیے کسی تاریخ کا اعلان کیا ہے۔
یہ اعلان امریکی صدر اوباما کے بیجنگ دورے میں سامنے آيا ہے جہاں ایشائی ممالک کا اہم اجلاس ہو رہا ہے۔
واضح رہے کہ امریکہ اور چین مل کر مجموعی طور پر دنیا میں 45 فیصد کاربن ڈائی آکسائڈ کے اخراج کے ذمہ دار ہیں۔
جبکہ ستمبر میں چین نے ماحولیات پر عالمی ادارے اقوام متحدہ کی کانفرنس سے کہا تھا کہ کہ وہ جلد ہی گرین ہاؤس گیس کے اخراج میں سب سے زیادہ کمی کا اعلان کرے گا۔ اس نے سنہ 2020 تک اپنی معیشت کو بہت حد تک کاربن اخراج سے پاک بنانے کی بات کی تھی۔
صدر اوباما نے بدھ کے معاہدے کو ’تاریخی‘ قرار دیا اور کہا کہ ’امریکہ چین کے ساتھ مل کر گرین ہاؤس گیس کے اخراج میں کمی کرے گا۔‘
ایمز ٹی وی (لاہور) پولیس نے سابق گورنر پنجاب غلام مصطفیٰ کھر کے بیٹے حسین کھر کی گرفتاری ظاہر کردی جسے اہل خانہ کی جانب سے اغوا قرار دیا جارہا تھا۔ سابق گورنر پنجاب غلام مصطفیٰ کھر کے صاحبزادے حسین کھر گزشتہ روز رات گئے اپنے گھر کے قریب سے لاپتہ ہوگئے تھے جب کہ اس حوالے سے اہلخانہ کی جانب سے اغوا کا شبہہ ظاہر کیا جارہا تھا تاہم لاہور پولیس نے حسین کھر کی گرفتاری ظاہر کردی۔ ڈی آئی جی حیدر اشرف کے مطابق سی آئی اے پولیس نے ڈکیتی کےالزام میں حسین کھرکو لاہورسے گرفتار کیا تھا اور اس حوالے سے تفتیش شروع کردی گئی ہے۔ غلام مصطفیٰ کھرکے بیٹے حسین کھر پر3 ساتھیوں سمیت ایک گھرمیں ڈکیتی کاالزام ہے جس کا مقدمہ تھانہ ڈیفنس میں درج ہے جس پر کارروائی کرتے ہوئے پولیس نے انہیں حراست میں لیا۔
ایمز ٹی وی (اسلام آباد) وزیر اعظم نواز شریف نے کہا ہے کہ وفاقی دارلحکومت اسلام آباد میں جاری دھرنے سے حکومت، جمہوریت یا معیشت کو کوئی خطرہ لاحق نہیں ہے اور پارلیمنٹ ایک ایسا ادارہ ہے جہاں ملکی مسائل کے حل کے لئے بحث کی جائے نہ کہ دھرنوں پر باتیں کر کے قوم کا وقت ضائع کیا جائے،ئےپاکستان سےپہلےنیاخیبرپختونخوابنایاجائے،عوام نےنیاخیبرپختونخوابنانےکےلیےووٹ دیا،اگرنیاخیبرپختونخوانہیں بناتونیاپاکستان کیسےبنےگا۔ ہماری پوری توجہ ملکی مسائل پر مرکوز اور ان کے حل کے لئے کوشاں ہیں،ان کا کہنا تھاکہ پاکستانی قوم افواج پاکستان کی قربانیوں کو کبھی فراموش نہیں کر سکتی اور ہماری حکومت نے بھی آپریشن ضرب عضب کا اعلان کر کے ملک سے دہشت گردی کی جڑیں ختم کرنا کا فیصلہ کر لیا ہے۔انھوں نے کہا کہ ہماری نظراگلے20یا30سال پرنہیں 50سال پر ہے،پورےخلوص سےملک وقوم کی خدمت کررہےہیں،ملک بڑےبڑےمسائل میں جکڑاہےجودنوں میں حل نہیں ہوسکتے،انھوں نے کہا کہ چین سے اربوں ڈالر کے معاہدےکیےہیں،بڑےمنصوبے2018سےپہلےمکمل ہوں گے،پاکستان کوترقی کی راہ سےاترنےنہیں دینگے،ملک کوترقی کی بلدیوں کی طرف لےکرجائیں گے۔
ایمز ٹی وی( فارن ڈیسک)
روس اور ایران دونوں ممالک کے درمیان طے پانے والے معاہدے کے تحت روس کی جوہری توانائی کی سرکاری کمپنی روساٹم یہ جوہری ری ایکٹرز تعمیر کرے گی۔
آٹھ میں سے چار جوہری ری ایکٹرز ایران میں روس کی پہلے سے تعمیر کردہ جوہری تنصبات ہیں جبکہ چار نئے مقامات پر تعمیر کیے جائیں گے۔
اس میں دو ری ایکٹرز بوشہر میں واقع جوہری مرکز میں تعمیر کیے جائیں گے۔
روس اور ایران کے درمیان جوہری معاہدہ ایک ایسے وقت کیا گیا ہے جب چند روز بعد آسٹریا کے دارالحکومت ویانا میں ایران اور چھ عالمی طاقتوں کے درمیان جوہری پروگرام پر حتمی معاہدے کے درمیان حائل رکاوٹیں دور کرنے کے لیے مذاکرات کا آخری دور منعقد ہونا ہے۔
ایران اور عالمی دنیا کے مابین طے پانے والے عبوری معاہدہ 24 نومبر کوختم ہو رہا ہے۔ ان مذاکرت میں یورینیم کی افزودگی اور پابندیوں میں نرمی پر اختلاف ختم کرنے کے لیے راہ ہموار کی جا رہی ہے۔
ایران کے عالمی طاقت کے مابین ہونے والے مذاکرات میں سب سے بڑی رکاوٹ یہ ہے کہ ایران کس حد تک یورینیم افزودہ کر سکتا ہے اور کب تک بین الااقوامی پابندیاں ختم ہوں گی۔ ایران کا اصرار ہے کہ اُس کا جوہری پروگرام پر امن مقاصد کے لیے ہے۔
ایمز ٹی وی (لاہور) پاکستان تحریک انصاف کے آج ننکانہ صاحب میں ہونے والے جلسے کی تیاریاں مکمل ہو گئی ہیں ، جبکہ پرجوش کارکنوں نے ننکانہ صاحب کا رخ کرلیاہے ،گورونانک ہائی سکول گراؤنڈ میں پنڈال سج چکا ہے ، جلسہ گاہ میں 15 ہزار سے زائد کرسیاں لگائی گئی ہیں ، چیئرمین عمران خان سمیت دیگر مرکزی قیادت کی تقاریر کیلئے 80 فٹ لمبا اور 20 فٹ اونچا اسٹیج تیار کیا گیا ہے ، جلسہ گاہ کے اطرف میں عمران خان اور مقامی قیادت کی تصویروں والے قد آدم فلیکس آویزاں ہیں ، جلسہ گاہ میں داخلے کے لئے 5 گیٹ بنائے گئے ہیں ، سیکورٹی کے لیے ایک ہزار سے زائد پولیس اہلکار تعینات کیے جائیں گے جبکہ پی ٹی آئی کے رضا کار بھی فرائض انجام دیں گے ، پنڈال کے باہر تحریک انصاف کے پرچم کے رنگوں کی مناسبت سے سرخ سبز ٹوپیاں ، پٹکے عمران خان کی تصویروں والے بیجز ، رسٹ بینڈ ، ہیڈ بینڈ کے سٹال سجے ہوئے ہیں ، جلسہ سہ پہر تین بجے شروع ہوگا۔
ایمز ٹی وی فارن ڈیسک
لیبیا کے مشرقی شہر درنہ میں تین کارکنوں کے سر قلم کر دیے گئے ہیں جو سماجی رابطوں کی ویب سائٹس پر شدت پسندوں کے زیر قبضہ شہر کے حالات کے بارے میں لکھتے تھے۔
ان تینوں کارکنوں کو گذشتہ ماہ کے شروع میں اغوا کیا گیا تھا
لیبیا کے کئی شدت پسند گروپ مشرقی شہر درنہ پر کنٹرول حاصل کرنے کی کوششیں کر رہے ہیں اور ان میں سے بعض نے حال ہی میں شدت پسند تنظیم دولتِ اسلامیہ سے اتحاد قائم کرنے کا اعلان کیا ہے۔
لیبیا میں مسلح گروپوں کے درمیان تصادم کے واقعات میں سینکڑوں شہری ہلاک ہو چکے ہیں
قذافی کے اقتدار کے خاتمے کی تحریک کے فوری بعد بہت سارے باغی جنگجو شامی صدر بشار الاسد کے خلاف جنگ کے لیے کئی شدت پسند گروپوں میں شامل ہو گئے اور اب ان میں سے کئی جنگجو واپس آ گئے ہیں اور اس وقت ان کے بارے میں خیال ہے کہ وہ ملک کے مشرقی علاقوں میں موجود ہیں۔
ایمز ٹی وی (لاہور) سابق گونر پنجاب غلام مصطفیٰ کھر کے بیٹے حسین کھر کو اغوا کر لیا گیا،جس کا مقدمہ ابھی تک درج نہیں کیا گیا ہے ۔تفصیلات کے مطابق حسین کھر رات ساڑھے دس بجے کے قریب اپنی گاڑی میں گھر واپس آ رہے تھےجب انہیں لاہور کے علاقے جوہر ٹاﺅن سے اغوا کر لیا گیا ۔ پولیس ذرائع کے مطابق اغواکاروں کی جانب سے ابھی تک کسی قسم کے تاوان کا مطالبہ نہیں کیا گیا ہے ،تھانہ جوہر ٹاﺅن نے ابتدائی تفتیش کا آغاز کر دیا ہے۔
ایمز ٹی وی (اسلام آباد) آرمی چیف جنرل راحیل شریف کی زیرصدارت کور کمانڈرز کانفرنس جاری ہے۔ کانفرنس میں ملک کی مجموعی سکیورٹی صورتحال اور خیبر ایجنسی وشمالی وزیرستان میں دہشت گردوں کیخلاف جاری آ پریشن ضرب عضب میں پیشرفت کا جائزہ لیا جائیگا۔جبکہ سربراہ پاک فوج کے آئندہ دورہ امریکہ سے متعلق بھی بات چیت کریں گے۔
ایمز ٹی وی (خیبرایجنسی) عسکری ذرائع کے مطابق آپریشن “خیبر ون” کامیابی کے ساتھ جاری ہے جس میں اب تک 135 دہشت گرد مارے جاچکے ہیں جن میں اہم کمانڈر بھی شامل ہیں، آپریشن کے نتیجے میں 250 دہشت گرد اور اہم کمانڈر ہتھیار بھی ڈال چکے ہیں۔
یاد رہے کہ خیبرایجنسی اور فاٹا میں دہشت گردوں کے مکمل خاتمے کے لئے پاک فوج کی جانب سے آپریشن ضرب عضب اور آپریشن خیبر ون اور ٹو بھرپور کامیابی سے جاری ہے جس کے دوران سیکڑوں دہشت گرد ہلاک ہوچکے ہیں جب کہ شمالی وزیرستان کا 80 فیصد سے زائد علاقہ دہشت گردوں سے پاک کرالیا گیا ہے۔
ایمز ٹی وی (فارن ڈیسک) غیر ملکی خبر رساں ادارے کے مطابق ایران اور امریکا سمیت 6 عالمی طاقتوں کے درمیان تہران کے جوہری پروگرام کے مستقل حل کے لئے اومان کے دارالحکومت مسقط میں کئے جانے والے مذاکرات بے نتیجہ ختم ہو گئے ہیں۔ مذاکرات کے حوالے سے امريکی محکمہ خارجہ کی ترجمان جينيفر ساکی کا کہنا تھا کہ امریکی وزیر خارجہ اور یورپی مذاکرات نے ایران کے مذاکراتی اہلکار کے ساتھ 2 طويل ملاقاتيں کیں اور حکام اب بھی کوشش ميں ہيں کہ 24 نومبر سے قبل مسئلے کا کوئی دیر پا حل نکال لیا جائے۔
خیال رہے کہ ویٹو طاقت کے حامل 5 ممالک اور جرمنی پر مشتمل’پی فائيو پلس ون‘ کہلانے والے گروپ اور ايران کے درميان مذاکرات کا مقصد ايران کے جوہری پروگرام کا کوئی دیر پا حل تلاش کرنا ہے اور اس سلسلے ميں فریقین کے درمیان گزشتہ برس نومبر ميں ايک عارضی 6 ماہ کی ڈيل طے پائی تھی جس کی مدت ميں بعد ازاں مزيد 6 ماہ کا اضافہ کر دیاگیا تھا جو رواں ماہ کی 24 تاریخ کو ختم ہو رہی ہے۔