آواز انسٹیٹیوٹ آف میڈیا اینڈمینجمنٹ سائنسز کے شعبہ بزنس ایڈمنسٹریشن کے زیرِ اہتمام اکائونٹنگ کے عالمی دن کے موقع پر اکائونٹنگ بطور کیریئر چوائس کے موضوع پرپینل ڈسکیشن کا اہتمام کیا گیاہے۔

پینل ڈسکشن میں بینظر بھٹو شہید یونیورسٹی لیا ری کے ایسو سیٹ پروفیسر ڈاکٹر سلمان ثروت اور ACCA-UK سے سرٹیفائیڈ چارٹرڈ اکاؤنٹنٹ اورنووونارڈسک فارماکی فنانس مینجر سارہ مزمل شریک تھے۔

پینل ڈسکشن کے دوران ڈاکٹر سلمان کا کہناتھا کہ طلبا اپنی فیلڈ کا انتخاب اپنے رجحانات کو مدِ نظر رکھتے ہوئے انتخاب کریں تا کہ انہیں معلوم ہو کہ انہیں مستقبل میں کس راہ پر جانا ہے،کسی کو دیکھتے ہوئے یاکسی کے کہنے پرآپ کبھی اپنی منزل تک نہیں پہنچ سکتے۔کیریئر کے انتخاب کرنے کے لئے ضروری ہے کہ اگرآپ میں جستجواو ر لگن ہو۔ انسان کی زندگی میں سب سے اہم بات یہ ہے کہ آپ خود کو سمجھیں تاکہ انفرادی خوبی اور خامیوں کو جاننے میں مدد ملے گی اور اپنی اسکلز کےمطابق آپ کیرئیر کاانتخاب کرسکیں گے۔

اس موقع پر سارہ مز مل کا کہنا تھا کہاکہ اپنی تعلیم کے ساتھ ساتھ شارٹ کورسز لازمی کریں تاکہ آپ کی اسکلزبہتر ہوسکے ۔
پروگرام کے اختتام پر آواز انسٹیٹیوٹ کے ریکٹر ڈاکٹر سلیم شہزاد نے دونوں مہمانوں کوشیلڈ دی ۔اس موقع پر اکیڈمک مینجر رضا علی سعید ، شعبہ بزنس ایڈمنسٹریشن کی کوآرڈینٹرمس نادیہ ناز سمیت طلبا و طالبات بھی موجود شریک تھے

شعبہ کمپیوٹر سائنس جامعہ کراچی کے زیر اہتمام کیرئیر فیسٹ2022 ء کاانعقادکیاگیا۔

کیرئیر فیسٹ میں ملک کی نامور کمپنیز کے 30 سے زائد اسٹالز لگائے گئے تھے جوطلباوطالبات ودیگر کی توجہ کامرکز بنے رہے۔

کیرئیر فیسٹ کا دورہ کرتے ہوئےوفاقی وزیرآئی ٹی وٹیلی کمیونیکیشن سید امین الحق نے کہا کہ پاکستان میں اسمارٹ فونز کی مینوفیکچرنگ شروع ہوچکی ہے اورجولائی 2023 ء تک پاکستان میں 5G لاؤنچ کردیاجائے گا۔آئی ٹی انڈسٹریز اور جامعات کے باہمی اشتراک سے مستقبل کی ضروریات کو پوراکیاجاسکتاہے۔ہماری کوشش ہے کہ ملک کے ہرحصے میں موجود افراد کی ٹیکنالوجی تک رسائی کو ممکن بنایاجائے۔مجھے یہاں طلبااور بالخصوص طالبات کی کثیر تعداد دیکھ کرخوشی ہورہے کیونکہ خواتین کو بااختیار بناکر ہی معاشرے ترقی کرسکتے ہیںوفاقی وزیر امین الحق نے مزید کہا کہ وزارت آئی ٹی وٹیلی کمیونیکیشن میں کرپشن کا نام ونشان نہیں اور جو کرپشن میں ملوث پایاجائے گا وہ منسٹری میں نہیں رہے گا۔انہوں نے شعبہ جامعہ کراچی اور بالخصوص شعبہ کمپیوٹر سائنس کو مبارکباد پیش کی اور اس طرح پروگرامز کے تواترسے انعقاد پر زور دیا۔

اس موقع پر جامعہ کراچی کے وائس چانسلر پروفیسر ڈاکٹر خالد محمودعراقی نے کہا کہ جامعات عام طور پر تخلیقی سوچ کو پروان چڑھانے، ایجاد واختراع اورنئی تحقیق کا مرکز ہوتی ہیں۔ ہمارے نوجوانوں میں ذہانت اور تخلیقی سوچ کی کمی نہیں ضرورت اس امر کی ہے کہ ان کی تخلیقی سوچ اور تخلیقات کو عملی جامہ پہنانے کے لئے ان کی معاونت اور انہیں سہولیات فراہم کی جائیں

اس موقع پر چیئر مین شعبہ کمپیوٹر سائنس ڈاکٹر ندیم محمود نے کیرئیر فیسٹ کے انعقاد اور اس کے اغراض ومقاصد پر تفصیلی روشنی ڈالی اور تمام مہمانوں کا شکریہ اداکیا۔

کراچی: ٹوئنٹی 20 ورلڈ کپ میں بھارت کی شرمناک ناکامی پرسابق پاکستانی کپتان وسیم اکرم نےآئی پی ایل پر سوال اٹھا دیے۔

سابق کپتان وسیم اکرم کا کہنا ہے کہ جب سے آئی پی ایل شروع ہوئی بلو شرٹس نے کوئی ٹی ٹوئنٹی ورلڈکپ نہیں جیتا، بولنگ کی پریشانی کا سبب آئی پی ایل ہی ہے،اگر بولرز زیادہ رفتار سے بولنگ کرتے تو انگلش بیٹرز کو مشکل میں ڈال سکتے تھے لیکن ٹیم کے پاس حقیقی پیسرز نہیں ہیں۔

انھوں نے کہا کہ اگرچہ اویس خان اور عمران ملک تواترسے 145 کلومیٹر فی گھنٹے سے بولنگ کرتے ہیں لیکن فاسٹ بولرز آئی پی ایل کا ایک سیزن کھیلنے کے بعد اپنا ردھم کھوبیٹھتے ہیں۔

میلبرن: پاکستان کرکٹ ٹیم کے کپتان بابر اعظم کا کہنا ہے کہ انگلینڈ کیخلاف فائنل میں سو فیصد کارکردگی دکھائیں گے۔

قومی ٹیم کے کپتان بابر اعظم نے میلبرن میں پریس کانفرنس سے خطاب میں کہا کہ میچ کا پریشر ہوتا ہے لیکن کوشش کریں گے کہ دباؤ نہ لیں۔ اس ورلڈ کپ کو 1992 کے ورلڈ کپ سے تشبیہہ دی جارہی ہے، ہم نروس نہیں ہیں۔

بابر اعظم کا مزید کہنا تھا کہ انگلینڈ کے خلاف فائنل کے لیے جو پلان بنایا ہے اس پر عمل کرنا ہے۔ سارے کھلاڑی فائنل کھیلنے کے لیے پرجوش ہیں۔ انگلینڈ بہترین ٹیم ہے ہماری ان سے ہوم سیریز ہوچکی ہے۔ فائنل میں اپنا سو فیصد دیں گے۔

بابر اعظم کا کہنا تھا کہ ابتدائی 6 اوور بہت اہم ہیں۔ ہمارا کام محنت کرنا ہے نتیجہ اللہ کے ہاتھ میں ہے۔ ورلڈ کپ کے فائنل میچ میں ٹاس کی اہمیت زیادہ نہیں ہے۔ موسم ہمارے ہاتھ میں نہیں لیکن دعا ہے کہ میچ بارش سے متاثر نہ ہو اور مکمل ہو۔

میلبورن: چھت والے اسٹیڈیم میں ٹی ٹوئنٹی ورلڈکپ کا فائنل منتقل کرنے کی تجویز مسترد کردی گئی۔

میلبورن میں ہی چھت والے دوسرے اسٹیڈیم میں ڈراپ ان پچ نہ ہونے کی وجہ سے وینیو تبدیل کرنے کا فیصلہ ممکن نہیں رہا۔

ٹی ٹوئنٹی ورلڈکپ کا فائنل ایم سی جی میں کھیلا جانا ہے، مارول اسٹیڈیم میں چھت تو موجود ہے مگر وہاں گذشتہ دنوں موٹر کراس ہوئی تھی، فی الحال ڈراپ ان پچ ہی موجود نہیں۔

لاجسٹک مسائل کی وجہ سے بھی نشریات اور ٹکٹوں کی تبدیلی سمیت بہت کچھ کم وقت میں کرنا ممکن نہیں ہوگا۔

لاہور: ورلڈکپ پلیئر آف دی ٹورنامنٹ ایوارڈ کیلیے شاداب اور شاہین بھی شارٹ لسٹ کرلیے گئے۔

آئی سی سی ٹوئنٹی ورلڈکپ پلیئر آف دی ٹورنامنٹ ایوارڈ کیلیے شارٹ لسٹ کرکٹرز کی فہرست میں پاکستانی شاداب خان اور شاہین شاہ آفریدی کو بھی شامل کرلیا گیا،مجموعی طور پر انگلینڈ کے 3،پاکستان اور بھارت کے2،2، زمبابوے اور انگلینڈ کے ایک، ایک کھلاڑی کو شامل کیا گیا ہے.

نامزد کردہ 9کرکٹرز میں شاداب خان،شاہین شاہ آفریدی،سیم کرن،جوز بٹلر، الیکس ہیلز، ویراٹ کوہلی،سوریا کمار یادو، سکندر رضا اور وانندو ہسارنگا کو فہرست میں جگہ ملی۔شائقین کے ووٹس سے ٹورنامنٹ کے بہترین کھلاڑی کا انتخاب کیا جائے گا۔

سڈنی:قومی کرکٹ ٹیم کا دستہ آئی سی سی ٹی20 ورلڈکپ کا فائنل کھیلنے کے لیے میلبرن پہنچ گئی۔

ترجمان کے مطابق قومی ٹیم کل صبح سے اپنی ٹریننگ کا اغاز کرے گی، ٹورنامنٹ کا فیصلہ کن معرکہ 13 نومبر کو شیڈول ہے۔

انگلینڈ اور بھارت کے درمیان سیمی فائنل کی فاتح ٹیم پاکستانی ٹیم کے ساتھ فائنل کھیلے گی، دونوں ٹیمیں آج ایڈیلیڈ میں مدمقابل آئیں گی۔

دوسری جانب جمعرات کی صبح پاکستانی ٹیم جب میلبرن روانگی کے لیے سڈنی کے ہوٹل سے نکلی تو وہاں فینز بھی بڑی تعداد میں پہنچے گئے، جنہوں نے کرکٹرز کو پھول پیش کیے، تصاویر اور سلیفیاں بنوائیں جبکہ فائنل تک رسائی کے جشن کا کیک بھی کاٹا۔

نئی دہلی: بھارتی میڈیا نے دعویٰ کیا ہے کہ بھارتی ٹینس اسٹار ثانیہ مرزا اورپاکستانی کرکٹر شعیب ملک نے طلاق لینے کا فیصلہ کیا ہے۔

بھارتی میڈیا نے شعیب ملک کے قریبی ذرائع کے حوالے سے دعویٰ کیا ہے کہ شعیب ملک اور ثانیہ مرزا نے طلاق کا فیصلہ کرلیا ہے اور اس سلسلے میں کاغذی کارروائی مکمل ہونا باقی ہے۔

شعیب ملک کے ٹیم ممبر کی جانب سے بھی یہ کہا گیا ہے کہ دونوں میں علیحدگی ہوچکی ہے تاہم اس کی تصدیق شعیب ملک اور ثانیہ مرزا خود کریں گے۔

رپورٹس کے مطابق ثانیہ مرزا اِن دنوں دبئی میں ہیں جبکہ شعیب ملک پاکستان میں ایک نجی ٹی وی چینل پر اسپورٹس پروگرام کررہے ہیں۔ پچھلے کچھ عرصے سے سوشل میڈیا پر شعیب ملک اور ثانیہ مرزا کے درمیان علیحدگی کی افواہیں گردش کررہی تھیں۔

ایڈیلیڈ: ٹی20 ورلڈکپ کے دوسرے سیمی فائنل میں انگلینڈ نےبھارت کے خلاف ٹاس جیت کر پہلے فیلڈنگ کرنے کا فیصلہ کرلیا۔

ایڈیلیڈ میں کھیلے جارہے میچ میں انگلش کپتان جوز بٹلر نے کہا کہ کوشش ہوگی بھارت کو 150 رنز تک محدود رکھ کرکے میچ جیتنے کی کوشش کریں، انہوں نے کہا کہ ٹیم میں دو تبدیلیا کی گئی ہیں فل سالٹ اور کرس جارڈن کو پلئینگ الیون کا حصہ بنایا گیا ہے۔

اس موقع پر روہت شرما نے کہا کہ کوشش ہوگی انگلش ٹیم کی کمزوریوں کا فائدہ اٹھا کر ایونٹ کے فائنل کیلئے کوالیفائی کریں