کراچی: جناح سندھ میڈیکل یونیورسٹی کے وفد نے وائس چانسلر پروفیسر شاہد رسول کی قیادت میں گورنر سندھ عمران اسماعیل سے ملاقات کی۔

ملاقات میں وفد نے جے ایس ایم یو کی وفاقی ہائر ایجوکیشن کمیشن سے مالی امداد اور نجی میڈیکل و ڈینٹل کالجز و جامعات میں داخلوں کے عمل سے گورنر سندھ کو آگاہ کیا۔

اس موقع پر گورنراور یونیورسٹی کے چانسلرعمران اسماعیل نےجے ایس ایم یو کو سالانہ جلسہ تقسیم اسناد کی اجازت بھی دی۔

وفد میں یونیورسٹی کے سینئر اساتذہ پروفیسر غلام سرور قریشی، پروفیسر لبنیٰ انصاری بیگ، پروفیسر سعدیہ اکرم، رجسٹرار ڈاکٹر اعظم خان اور ڈائریکٹر فنانس عادل رشید شامل تھے۔

نیروبی:کینیا میں غربت کےباعث تعلیم حاصل نہ کر پانےوالی ایک 99 سالہ دادی پریسیلاسیٹینی نےپرائمری اسکول میں داخلہ لےلیا۔

شوق کا کوئی مول نہیں اور تعلیم کے لیے عمر کی کوئی قید نہیں۔ بس بات ہے تو لگن کی اس بات کو سچ ثابت کر دکھایا کینیا کی ایک 99سالہ خاتون نے جنہیں بچپن میں اسکول کی عدم موجودگی کے باعث تعلیم سے محروم رہنا پڑا

جس وقت دادی ایک چھوٹی سی لڑکی ہوا کرتی تھیں ان کے قصبے میں کوئی اسکول نہ تھا۔

کینیا کی حکومت نے اسکولوں کی کمی اور خواہش کے باوجود تعلیم حاصل نہ کرنے والے ضعیف افراد کے لیے 2003 میں سبسڈی دینے کا فیصلہ کیا تھا جس کے بعد کئی قصبوں اور دیہاتوں میں اسکول کھل گئے۔

اپنے قصبے میں اسکول کھلنے پر دادی کی تعلیم حاصل کرنے کی خواہش بھر انگڑائی لینے لگی اور ایک ڈرامائی صورت حال نے ان کی خواہش پوری کرنے کا موقع دیدیا۔

تو ہوا کچھ یوں کہ ان کی ایک پوتی نے حاملہ ہونے کی وجہ سے اسکول جانا چھوڑ دیا جس پر پریسیلا سیٹینی نے پوچھا کہ اسکول میں فیس کی مد میں ان کا بیلنس موجود ہے ؟ ہاں میں جواب ملنے پر دادی مسکرائیں اور پوتی کی جگہ اسکول میں داخلہ لے لیا۔

کوئٹہ گلیڈی ایٹرز کی نمائندگی کرنے والے اسٹار آل راؤنڈر شاہد آفریدی کے ٹورنامنٹ سےدستبردار ہونے پر شاہین آفریدی مایوسی کاشکار ہوگئے۔

مائیکرو بلاگنگ ٹوئیٹر پراظہارکرتے ہوئے ٹوئٹ میں لکھا کہ لالہ پی ایس ایل میں آپ کی موجودگی کو یاد کریں گے، آپ پاکستان کا فخر ہیں ، جلدی سے ٹھیک ہوجائیں

شاہین آفریدی نےٹوئٹر پرشاہد آفریدی کی ٹوئٹ کو ری ٹوئٹ کرتے ہوئے ان کے جلد ٹھیک ہونے کی خواہش کا اظہار کیا۔

واضح رہے کہ کوئٹہ گلیڈی ایٹرز کے آل راؤنڈر شاہد آفریدی پاکستان سپر لیگ سیزن 7 سے دستبردار ہو گئے ہیں۔

شاہد آفریدی کےمطابق وہ کوشش کررہے تھے پی ایس ایل اچھے نوٹ پر ختم کرتے لیکن پرانی انجری کی وجہ سے بہت مشکل ہوگئی

لاہور: پاکستان سپر لیگ کے سیزن7 کے 19ویں میچ میں پشاور زلمی نےکراچی کنگز کو 55 رنز سےمات دیدی۔

لاہور کے قذافی اسٹیڈیم میں کھیلےگئے میچ میں کراچی کنگز نے بالنگ کاانتخاب کیا، پشاور زلمی نے پہلے کھیلتے ہوئے مقررہ 20 اوورز میں 6 وکٹوں کے نقصان پر 193 رنز بنائے۔194 رنز کے ہدف کے جواب میں کراچی کنگز 6 وکٹوں کے نقصان پر 138رنز ہی بناسکی۔

پشاور زلمی کی اننگز میں حضرت اللہ زازئی 52 رنزبناکر نمایاں رہے، ان کے علاوہ محمد حارث نے 49، شعیب ملک نے 31 اور بین کٹنگ نے26 رنزبنائے۔کراچی کنگز کی جانب سےکرس جارڈن نےتین وکٹیں حاصل کیں، محمد نبی،قاسم اکرم اور عمید آصف نےایک، ایک کھلاڑی کو آؤٹ کیا۔

کراچی کنگز کی جانب سےکپتان بابراعظم 59 رنز بناکر نمایاں رہے، جوکلارک 26، محمد نبی 15، شرجیل خان اور کک بین 14 ،14 رنز بناسکے، عامریامین 6 رنز بناکر آؤٹ ہوئے۔
زلمی کی جانب سے وہاب ریاض اور سلمان ارشاد نے 2،2 جب کہ محمد عمر اور لیام لیونگسٹن نے ایک، ایک وکٹ حاصل کی۔

خیال رہےکہ کراچی کنگز کی رواں پی ایس ایل میں یہ مسلسل چھٹی شکست ہے،کراچی کی ٹیم 6 میچز کھیل چکی ہے جس میں سے ایک میں بھی کامیابی حاصل نہیں کرسکی۔

لاہور:پی ایس ایل کے 20ویں میچ میں کوئٹہ گلیڈی ایٹرزکولاہورقلندرزکےہاتھوں 8 وکٹوں سےشکست سےدوچارہے۔

لاہور کے قذافی اسٹیڈیم میں کوئٹہ گلیڈی ایٹراور لاہور قلندرزکے درمیان کھیلے گئےمیچ میں قلندرز نے ٹاس جیت کر گلیڈی ایٹرزکو پہلے بیٹنگ کی دعوت دی۔

کوئٹہ گلیڈی ایٹرز کی اننگز کا آغاز اچھا نہ رہا کیونکہ لاہور قلندرز کے کپتان شاہین شاہ آفریدی نے جیمز وینس اورجیسن رائے کو پہلے ہی اوور میں پویلین لوٹنے پر مجبور کیا، بعد ازاں کپتان سرفراز اور احسان علی نے وکٹ پر آکر کھیلنے کی کوشش کی تو 20 کے مجموعی اسکور پر سرفراز احمد رن آؤٹ ہوگئے، جس کے بعد احسان علی بھی 25 پر پویلین لوٹ گئے۔

افتخار احمداور عمر اکمل نے بیٹنگ لائن کو سنبھالنے کی کوشش کی تو 25 کے انفرادی اور 54 کے مجموعی اسکور پر اکمل بھی آؤٹ ہوگئے، پھر افتخار احمد نے ذمہ دارانہ بیٹنگ کرتے ہوئے کھیل کو آگے بڑھایا جبکہ حسان خان نے اس دوران اُن کا خوب ساتھ دیا، پھر حسان خان 17 رنز بنا کر 106 کے مجموعی اسکور پر آؤٹ ہوئے۔

اس کے بعد افتخار احمد 39 گیندوں پر 3 چھکوں اور دو چووکوں کی مدد سے شاندار بیٹنگ کر کے 52 رنز بنا کر 124 کے مجموعی اسکور پر آؤٹ ہوئے۔

142 رنز کے ہدف کے تعاقب میں لاہور قلندرز کا آغاز اچھا رہا ، اوپنر عبداللہ شفیق اور فخر زمان کے درمیان 41 رنز کی شراکت داری قائم ہوئی تاہم عبداللہ 19 رنز بناکر آؤٹ ہوگئے۔

ایک وکٹ گرنے کے بعد فخر نے ایک بار پھر شاندار بیٹنگ کا مظاہرہ کیا اور نصف سنچری اسکور کی لیکن وہ 53 رنز پر پویلین لوٹ گئے ۔

تاہم دوسری جانب کامران غلام نے بھی بہترین بیٹنگ کی اور ٹیم کو کامیابی دلوادی، وہ 39 گیندوں پر 55 رنز بناکر نمایاں رہے۔

پوائنٹس ٹیبل کی بات کی جائے تو ملتان سلطانز 7 میچز میں 12 پوائنٹس کے ساتھ سر فہرست ہے جبکہ لاہور قلندرز10 پوائنٹس کے ساتھ دوسرے اور اسلام آباد یونائیٹڈ تیسرے نمبر پر موجود ہے۔

چیئرمین پیپلزپارٹی بلاول بھٹو زرداری نے کہا ہے کہ سندھ اسمبلی نے طلبہ یونین بحالی کا بل منظور کر کے تاریخ رقم کی ہے۔

بلاول بھٹو نے سندھ میں طلبہ یونین کی بحالی پر مبارک باد دیتے ہوئے کہا کہ طلبہ سے یونین سازی اور اپنے نمائندے کے چناؤ کا حق چھین کر نوجوانوں کی آواز کو دبانے کی کوشش کی گئی تھی۔

بلاول بھٹو کا کہنا تھا کہ اب درس گاہوں میں طلبہ سے متعلق فیصلہ لینے والی انتظامیہ میں طلبہ کا اپنا نمائندہ ہوگا، ہمارا مطالبہ ہے کہ ملک بھر میں طلبہ تنظیمیں بحال ہوں۔

واضح رہے کہ گزشتہ روز سندھ اسمبلی نے 38 سال سے عائد طلبہ یونینز پر پابندی ختم کرنے کا بل متفقہ طور پر منظور کرلیا تھا۔

ایوان میں طلبہ یونین سے متعلق مجوزہ بل قائمہ کمیٹی برائے قانون سے منظوری کے بعد پیر مجیب الحق نے پیش کیا تھا۔

واشنگٹن: امریکا نےبھارت کے تعلیمی اداروں میں حجاب پرپابندی کومذہبی آزادی کی خلاف ورزی قراردے دیا۔

امریکا کے مذہبی آزادی سے متعلق ادارے کے اعلی عہدیدار راشد حسین نےبیان میں کہا کہ بھارتی ریاست کرناٹک میں تعلیمی اداروں میں حجاب پہننے پرپابندی مذہبی آزادی کی خلاف ورزی ہے۔

راشد حسین نے ٹویٹ میں مزید کہا کہ مذہبی آزادی میں لباس کے انتخاب کی آزادی بھی شامل ہے۔ بھارتی ریاست کرناٹک میں طالبات پرحجاب پہننے پرپابندی عائد کرنا مذہبی آزادی کی خلاف ورزی ہے۔

انہوں نے مزید کہا کہ حجاب پرپابندی مذہبی آزادی پرکلنگ اورخواتین اورلڑکیوں کوزبردستی لباس کے انتخاب پرمجبورکرنے اورانہیں پیچھے دھکیلنے کے مترادف ہے۔

کرناٹک کے تعلیمی اداروں میں باحجاب طالبات کے داخل ہونے پرپابندی کے بعد بھارت کے مختلف علاقوں میں مظاہرے کئے جارہے ہیں۔

اسلام آباد: فیڈرل بورڈ آف انٹرمیڈیٹ اینڈ سیکنڈر ی ایجوکیشن نے گیارہویں اور بارہویں جماعت کے سالانہ امتحانات 2022 جمع کرانے کاشیڈول جاری کردیا ہے۔

فیڈرل بورڈ کے تحت گیارہویں اور بارہویں جماعت کے ریگولرو پرائیوٹ گروپس، پرائیوٹ فریش امیدوار، آئی بی سی سی ایڈشنل سبجیکٹ/رجسٹرڈامیدوار،آئی بی سی سی غیر رجسٹرڈامیدوار، امپروومنٹ کے امیدوار سالانہ امتحانات میں شریک ہونے کے لئے اپنے فارم مذکورہ فیس کے ساتھ 11 فروری سے 17 مارچ تک سنگل فیس کےساتھ فارم جمع کرائے جاسکیں گے۔

جبکہ 18 مارچ سے 7 اپریل تک دوگنی فیس کے ساتھ ،8 اپریل سے 20اپریل تک تین گنا فیس کے ساتھ فارم آن لائن وصول ہونگے

لاہور: بورڈ آف انٹرمیڈیٹ اینڈسکینڈری ایجوکیشن پنجاب نےامتحانی فارم 2022 جمع کرانےکا شیڈول جاری کردیاہے۔

پنجاب ایجوکیشن بورڈکے تحت نویںاور دسویں جماعت پرائیوٹ اور ریگولرکے سالانہ امتحانی فارم برائے 2022 یکم فروری سے جمع کروانے کاعمل شروع ہوچکا ہےجو سنگل فیس کے ساتھ 28 فروری تک جمع کراجاسکیں گے۔

جبکہ طلبا یکم مارچ سے 14 مارچ تک دوگنی فیس اور 15 مارچ سے 22 مارچ تک تین گناہ فیس کے ساتھ فارم جمع کراسکیں گے۔

بورڈ نے ہدایت کی ہے کہ 22 مارچ کے بعد کوئی فارم وصول نہیں کیاجائےگا۔

یادرہے پنجاب بورڈ کے تحت صوبے بھرمیں 10مئی2022سے نویں اور دسویں جماعت کے سالانہ امتحانات کاآغازہوجائےگا۔

پاکستان سمیت مختلف ممالک میں مائیکرو بلاگنگ سائٹ ٹوئٹرکی سروسزمتاثرہوگئیں۔

رپورٹس کے مطابق لاکھوں صارفین کے ٹوئٹر اکاؤنٹ خود بخود لوگ آؤٹ ہوگئےجس کےباعث صارفین کا مشکلات کاسامناکرناپڑ رہاہے۔

ٹوئٹر سپورٹ حکام نے کہا کہ صارفین کو پیش آنے والی مشکلات کیلئےمعذرت خواہ ہیں۔

تاہم کمپنی نے جلد ہی ٹوئٹ کرتے ہوئے صارفین کو یقین دہانی کروائی کہ اس مسئلے کو حل کردیا گیا ہے۔