لاہور: پنجاب یونیورسٹی نے 6 دسمبر کو جامعہ بند کرنے کااعلان کردیا۔

تفصیلات کے مطابق جامعہ پنجاب کی جانب سے اعلامیہ جاری کیا گیاہے کہ محکمہ ڈیزاسٹر مینجمنٹ اتھارٹی پنجاب کی ہدایت کے مطابق صوبے بھرمین شدید دھند جاری ہے جس کے باعث لاہورمیں قائد اعظم نیو کیمپس، علامہ اقبال (اولڈ کیپمس) ، پنجاب یونیورسٹی میں 6دسمبر کوبند رہے گی۔

تمام طلبہ کو ہدایت کی جاتی ہے کہ6 دسمبر بروز پیر کو تمام تعلیمی سرگرمیاں آن لائن منعقد کی جائےگی

کوئٹہ: حکومت بلوچستان نے 15 دسمبر سےاسکولز بند کرنے کا اعلان کردیا۔

 صوبائی وزارت تعلیم بولچستان نےاس حوالے سےنوٹیفکیشن بھی جاری کردیا ہے. صوبائی وزارت تعلیم کی جانب سے جاری کردہ نوٹیفکیشن کے مطابق صوبہ بھر میں سرد مقامات پر واقع اسکولوں کو 15 دسمبر سے 28 فروری 2022ء تک بند رکھا جائے گا اور یکم مارچ 2022ء کو دوبارہ کھولا جائے گا۔

دوسری جانب بلوچستان کے موسم کے حوالے سے بتایا گیا ہے کہ کوئٹہ سمیت بلوچستان کے مختلف علاقوں میں موسم سرما کی پہلی بارش و برفباری کا امکان ہے، 2 دسمبر کی رات سے یہ سلسلہ بلوچستان میں مغرب سے داخل ہوگا جس کے نتیجے میں کوئٹہ، پشین، چمن ،قلعہ عبداللہ، مستونگ، چمن نوشکی، تربت سوراب، قلات اور ملحقہ علاقوں میں موسم سرما کی پہلی بارش ہوگی۔ ،

اس کے ساتھ ہی سرد ہوائیں مغرب سے داخل ہونگی جس سے بلوچستان کے شمالی علاقوں میں درجہ حرارت میں 8 ڈگری تک کمی متوقع ہے۔ اسی دوران بلوچستان کے شمالی علاقوں بلخصوص کوئٹہ اور زیارت کے پہاڑوں پر برفباری کا بھی امکان ہے ۔

واضح رہے کہ بلوچستان کے تعلیمی اداروں میں موسم سرما کی تعطیلات کے اعلان سے قبل پنجاب حکومت نے سموگ کے باعث تعلیمی ادارے ہفتے میں 3 روز کے لیے بند رکھنے کا فیصلہ کیا تھا۔

کراچی: رواں سال کا آخری سورج گرہن آج دیکھاجارہاہے لیکن یہ پاکستان میں نہیں دکھائی دے گا۔

محکمہ موسمیات کے مطابق سال 2021 کے آخری سورج گرہن کا آغاز پاکستانی وقت کے مطابق صبح 10 بجکر 29 منٹ ہوا اورسورج کو مکمل گرہن 12 بجے لگا۔ سورج گرہن کا اختتام دوپہر دو بج کر 37 منٹ پر ہوگا۔

محکمہ موسمیات کےمطابق جنوبی افریقہ،آسٹریلیا ،جنوبی امریکہ جبکہ بحیرہ اوقیانوس،بحرالکال ،اںٹارکٹیکا بحر ہند کے علاقوں میں دیکھا جاسکے گا۔

سورج گرہن اس وقت رونما ہوتا ہے جب زمین اور سورج کے درمیان چاند آجاتا ہے اور اس کا سایہ زمین پر پڑتا ہے۔ یہ سورج گرہن اگرچہ پاکستان میں نظر نہیں آئے گا لیکن جنوبی نصف کرے (سدرن ہیمسفیئر) کے کئی ممالک میں نمایاں ہوگا۔ واضح رہے کہ مکمل سورج گرہن صرف انٹارکٹیکا میں ہی دیکھا جاسکے گا

ڈھاکا: دوسرے ٹیسٹ میں پاکستان کی بنگلا دیش کےخلاف بیٹنگ جاری ہے۔

ڈھاکا کے شیربنگلا کرکٹ اسٹیڈیم میں کھیلے جانے والے سیریز کےآخری ٹیسٹ میں پاکستانی کپتان بابراعظم نے ٹاس جیت کرپہلے بیٹنگ کا فیصلہ کیا۔

پاکستان کی پہلی وکٹ 59رنز پر گری جب عبداللہ شفیق 25رنز بنا کر تیج السلام کی گیند پر بولڈ ہو گئے۔ گرین شرٹس کی دوسری وکٹ 70رنز پر گری۔ عابد علی 39رنز بنا کر تیج السلام کی گیند پر بولڈ ہوئے۔

پہلے ٹیسٹ میں 8 وکٹیں لینے والے تیج السلام نے دونوں اوپنرز آؤٹ کر دیے۔ ڈھاکا ٹیسٹ میں پہلے دن کھانے کے وقفہ پر پاکستان نے دو وکٹ پر 78رنز بنالیے۔

بابر اعظم کا کہنا تھا کہ وکٹ بیٹنگ کے لیے سازگار نظرآ رہی ہے۔ دوسرے ٹیسٹ کے لئے پاکستان ٹیم میں کوئی تبدیلی نہیں کی گئی ہے اورپہلے ٹیسٹ کی ٹیم کو ہی برقرار رکھا گیا ہے کوشش ہو گی کہ اسکور بورڈ پر اچھا ٹوٹل کیا جائے۔

بنگلا دیش کی ٹیم میں آل راؤنڈر شکیب الحسن کی واپسی ہوئی ہے۔بنگلادیشی کپتان کا کہنا تھا کہ دوسرا ٹیسٹ جیت کر سیریز برابر کرنے کی کوشش کریں گے۔

واضح رہے کہ پاکستان سیریز کا پہلا ٹیسٹ جیت چکا ہے۔

کراچی: پاکستان کرکٹ ٹیم کے سابق ہیڈ کوچ اور سابق ٹیسٹ کوچ معین خان نےسرفراز احمدکی جگہ اعظم خان کے انتخاب کی خواہش ظاہر کردی ۔

صحافیوں سے گفتگو کرتے ہوئے سابق چیف سلیکٹر نے کہا کہ کوئٹہ گلیڈی ایٹر کے لیے سرفراز احمد ہمیشہ سے بیسٹ آپشن رہے ہیں۔ اچھی کارکردگی کے لیےسرفراز احمد کو اپنا بیٹنگ نمبر تبدیل کرنا پڑے گا۔ انہیں کئی بار اوپر نمبر پر بیٹنگ کرنے کا کہا۔
معین خان نے یہ بھی کہا کہ میری خواہش ہے پی ایس ایل میں اعظم خان وکٹ کیپنگ کریں۔ پی سی بی سرفراز احمد کو ٹی ٹوئنٹی کرکٹ میں زیر غور نہیں لارہا جبکہ اعظم خان ٹی ٹوئنٹی کرکٹ میں پی سی بی کے پلانز کا حصہ ہیں۔ سرفراز احمد اگر چاہیں گے تو اعظم خان پی ایس ایل میں وکٹ کیپنگ کر سکتے ہیں۔

تفصیلات کے مطابق معین خان نے قومی کرکٹ ٹیم کا کوچ کسی غیر ملکی کو مقرر کرنے کی پالیسی کی شدید مخالفت کی

جبکہ اگلے ماہ شروع ہونے والے پی ایس ایل میں وکٹ کیپنگ کیلئے سرفراز احمد کی جگہ اپنے بیٹے اعظم خان کے انتخاب کی خواہش ظاہر کی ہے۔

ایک سوال کے جواب میں معین خان نے کہا کہ پاکستان کرکٹ ٹیم اب اچھا پرفارم کررہی ہے، ماضی کے برعکس اب اسٹریٹجیز بدل گئی ہیں۔ ٹی ٹوینٹی میں سرفراز کو اپنی پوزیشن تبدیل کرکے کھیلنے کی ضرورت ہے۔

معین خان نے بات کو جاری رکھتے ہوئے کہا کہ پرفارمنس دیے بغیر کوئی بھی کم بیک نہیں کرسکتا،اب ہر کھلاڑی کو یہ بات سمجھ لینی چاہیے۔ سسٹم کو نیچھے سے ٹھیک کرنے کی ضرورت ہے. پاکستان کوچز کو آگے بڑھانے کی ضرورت ہے. اگر ایسے اقدامات جاری رہیں تو باہر سے کوچز لانے کی ضرورت نہیں ہوگی۔’

کراچی: محکمہ صحت نے کابینہ میں پبلک اورپرائیوٹ اداروں میں ایم بی بی ایس اور بی ڈی ایس 22-2021 سیشن کے داخلہ مسائل اٹھادیئے۔

کابینہ کو بتایاگیا کہ پی ایم سی 2020 کا سیکشن 16 (ایف) کے امتحانات لینے کا اختیار ہے۔ سیکشن 18 (3) کے تحت میڈیکل اور ڈینٹل پروگرام کیلئے داخلہ کو صوبائی حکومت ریگیولیٹ کرتی ہے۔

پی ایم سی ایکٹ 2020 میں داخلہ کیلئے پاس یا فیل پرسنٹیج کا کوئی ذکر نہیں اس طرح 65 فیصد پاسنگ اسکورکابھی کوئی ایکٹ میں ذکر نہیں

پی ایم سی نے کمپیوٹر بیسڈ ایم ڈی سی اے ٹی 2021 امتحان اکتوبر 2021 میں وفاقی سرکیولم کی بنیاد پر مختلف تاریخوں پر لیاوفاقی سرکیولم کی بنیاد پر لینے کی وجہ سے سندھ کے اسٹوڈنٹس متاثر ہوئے۔

گزشتہ سال ایم ڈی سی اے ٹی ٹیسٹ کی پاسنگ پرسنٹیج 60 فیصد رکھی گئی تھی اس سال یہ پاسنگ پرسنٹیج یکطرفہ طور پر 65 فیصد کی گئی ہے۔

گزشتہ سال 8287 یعنی 32.8 فیصد اسٹوڈنٹس پاس ہوئے اور اس سال 7797 یعنی 22.4 فیصد اسٹوڈنٹس پاس ہوئے
سندھ میں میڈیکل کی کل سیٹس 5490 ہیں۔

گزشتہ سال 60 فیصد ہونے کی وجہ سے 8287 اسٹوڈنٹس پاس ہوئے جن میں 2900 بچوں نے حکومتی تعلیمی اداروں میں داخلہ لیا باقی 5387 اسٹوڈنٹس میں سے 800 اسٹوڈنٹس نے پرائیوٹ داخلہ حاصل کیا باقی بچے ہوئے 4587 اسٹوڈنٹس کہیں بھی ایڈمیشن نہیں لے سکے

اسطرح 1800 سیٹس خالی رہ گئی اور پرائیوٹ اداروں نے 1300 امیدواروں دیگر صوبوں سے داخل کیئےجب کہ 492 سیٹس ابھی تک خالی رہیں* اگر یہ ٹرینڈ رہا تو اگلے 5 سالوں میں دس ہزار ڈاکٹروں کی کمی ہوگی

وزیر صحت، وی سیز پی اے ایم ڈی آئیز نے درخواست کی ہے کہ ایم ڈی سی اے ٹی 2021 کی پاسنگ پرسنٹیج 65 فیصد سے کم کر کے 50 فیصد کی جائے۔
یہ درخواست صدر پی ایم سی کو بھیجی ہے لیکن کوئی جواب نہیںآیا۔ محکمہ صحت نے کابینہ کو درخواست کی کہ پاسنگ پرسنٹیج 65سےکم کر کے 50 فیصد کی جائے سندھ کابینہ نے پرسنٹیج 65 فیصد سے کم کر کے 50 فیصد کرنے کی منظوری دیدی

کراچی: جناح سندھ میڈیکل یونیورسٹی میں پاکستان ایئرفورس کی جانب سے ایئرفورس میں میڈیکل کے طلباو طالبات کی شمولیت کے حوالے سے آگاہی سیشن کا انعقاد کیا گیا۔

،ونگ کمانڈراحمد فراز کاکہناہےکہ فارغ التحصیل طلباءجی ڈی ایم اوزا ور اسپیشلسٹ کی پوزیشنز کیلئے درخواستیںدیکر بہتر مستقبل کا حصہ بنیں،ادھر جےایس ایم یو کے وائس چانسلر پروفیسر شاہد رسول نے کہاہےکہ میڈیکل کے طلبا وطالبات ایئرفورس سمیت مسلح افواج میں شمولیت اختیار کرکے ملک و قوم کی خدمت کریں۔

گزشتہ روزجناح سندھ میڈیکل یونیورسٹی میں پاکستان ایئرفورس کی جانب سےمنعقدہ آگاہی سیشن سےپاکستان ایئرفورس کے ونگ کمانڈر احمد فراد نے شرکاء کو بتایا کہ اس وقت ایئر فور س کی میڈیکل برانچ میں جنرل ڈیوٹی میڈیکل آفیسرز (جی ڈی ایم اوز)ا ور اسپیشلسٹ کی بھرتی کا عمل جاری ہے، جی ڈی ایم اوز کیلئے فی الوقت صرف مرد حضرات جبکہ اسپیشلسٹ کیلئے مردو خواتین دونوں ہی درخواستیں دے سکتے ہیں، جی ڈی ایم اوزکیلئے عمر کی حد 28 سال جبکہ اسپیشلسٹ کیلئے 48 سال مقرر کی گئی ہے۔

انہوں نےکہاکہ وہ طلباو طالبات جنہوں نے اپنا ایم بی بی ایس اور ہائوس جاب مکمل کرلی ہےوہ جی ڈی ایم اوز کی پوزیشنز کیلئے ضروردرخواستیں دیںا ور بہتر مستقبل کا حصہ بنیں،انہوں نے سیشن کےشرکاء کو ایئرفورس میںشمولیت کے بعد ملنےوالی سہولتوں پر بھی بریفنگ دی جبکہ سیشن کےآغاز میں ایئرفورس کی جانب سے امن و امان کےقیام کیلئے کی جانیوالی کوششوں اور حاصل کامیابیوں کے حوالےسے مختصر وڈیو بھی چلائی گئی۔

ا س موقع پر جناح سندھ میڈیکل یونیورسٹی کےوائس چانسلرپروفیسر شاہد رسول نےکہاکہ میڈیکل کے طلبا وطالبات کو ایئرفورس سمیت مسلح افواج میں شمولیت اختیار کرکے ملک و قوم کی خدمت کرنا چاہیے،انہوں نے امیدظاہر کی کہ پاکستان ایئرفورس کی جانب سے کیے جانیوالے آگاہی سیشن کے ذریعے طلبا و طالبات کو ایئرفورس میں شمولیت کے حوالے سے ان کے ذہنوں میں موجود سوالات کے جوابات مل گئے ہوںگے۔

نئی دہلی: شدید فضائی آلودگی کے باعث کل سے اسکول تاحکم ثانی بند رہیں گے۔

بھارتی وزیرماحولیات گوپال رائے کے مطابق ائیرکوالٹی بہتر ہونے کی پیش گوئی کے بعد اسکول دوبارہ کھولے گئے تھے لیکن فضائی آلودگی بدستوربرقراررہنے کی وجہ سے کل سے اسکولز تاحکم ثانی بند رہیں گے

ادھربھارتی سپریم کورٹ نے آلودگی میں کمی کے لئے ناکافی اقدامات پر اظہار برہمی کرتے ہوئے مرکزی اوردہلی کی حکومت کو24گھنٹے کا نوٹس دے دیا۔

سپریم کورٹ کا کہنا تھا کہ دہلی اورمرکزکی حکومت گاڑیوں اورفیکٹریوں سے پیدا ہونے والی فضائی آلودگی میں کمی لانے کے لئے 24گھنٹے میں اقدامات کرے۔

بھارتی دارالحکومت میں خطرناک حد تک موجود فضائی آلودگی سے متعلق کیس کی سماعت کے دوران بھارتی سپریم کورٹ نے دہلی کی حکومت کی سرزنش کرتے ہوئے کہا کہ 3 اور4سال کے بچے تواسکول جارہے ہیں لیکن بڑے گھر سے کام کررہے ہیں۔

بھارتی سپریم کورٹ نے نئی دہلی کے وزیراعلی اروند کیجریوال پرطنز کرتے ہوئے کہا کہ آپ کی حکومت چلانے کے لئے بھی ہم کسی اورکو مقرر کردیتے ہیں۔

کراچی: اعلیٰ ثانوی تعلیمی بورڈ کراچی نے انٹرمیڈیٹ کے سالانہ امتحانات برائے2021ء کے دوسرے مرحلہ کےسائنس پری میڈیکل گروپ کےنتائج کااعلان کردیا۔

تفصیلات کے مطابقاعلیٰ ثانوی تعلیمی بورڈ کراچی کےتحت انٹر سال دوم پری میڈیکل کےدوسرےمرحلےمیں امپروومنٹ آف ڈویژن،بارہ پرچوں (TP)، ایڈیشنل سبجیکٹ، شارٹ سبجیکٹ، بینیفٹ کیسز،اسپیشل چانس پچھلے سالوں میں سیکنڈ ایئر کے ناکام امیدواروں اور 2020ء کے امتحانی نتائج سے غیرمطمئن طلبہ و طالبات کے امتحانات کے نتائج کا اعلان کیا گیا ہے ۔

نتائج ویب سائٹ پر اپلو ڈ کردی گئی ہے۔

جامعہ این ای ڈی کے تحت بیسویں سالانہ محفل عید میلادالنبیﷺ کا انعقاد کیا گیا،جامعہ کے تحت منعقدہ اس محفل عید میلادالنبیﷺ سےعلامہ سید مظفر حسین شاہ قادری نے مرکزی خطاب کیا

۔اس روح پرور محفل میں معروف نعت خواں ساجد قادری، محمود الحسن اشرفی، ذوہیب اشرفی، غلام مصطفے قادری، شہبازعطاری سمیت سید عبد الرزاق عطاری نے گلہائے عقیدت،نذرِخاتم النبین کیے۔

جامعہ ترجمان کے مطابق اس محفل کا باقاعدہ آغاز میزبان قاری تابش اخترالقادری کی نظامت میں تلاوت کلامِ الہی سے قاری حسیب خان نے کیا۔

اس موقعے پر خطاب کرتے ہوئے علامہ سید مظفر حسین شاہ قادری کا کہنا تھا کہ صدیاں بیت چکی ہیں لیکن آج بھی زمانے کے قلوب و اذہان میں نقش رسول ﷺ زندہ و جاوید ہے۔ مسلم ہو یا کافر، زمانے کے دلوں میں زندہ رہنا اس بات کی دلیل ہے کہ رسول اللہ صلی اللہ علیہ وآلہ وسلم معراج انسانیت کے امین ہیں۔ محفل عید میلادالنبیﷺ سے خطاب کرتے ہوئے ان کا کہنا تھاکہ ذاتِ رسول اللہ ایسی شفیفق چھاؤں ہے جس میں تمام اہلِ حق جمع ہیں۔مزید کہا کہ آخر الزماں نبی رسول اکرمﷺکی ذات محورِ اتحاد ہے اور یہی ذات اتحاد بین المسلمین کی بنیاد بھی ہے۔

جامعہ کے تحت منعقدہ اس محفل عید میلادالنبیﷺ پر خصوصی پیغام دیتے ہوئے شیخ الجامعہ پروفیسر ڈاکٹر سروش حشمت لودھی کا کہنا تھاکہ میرے نبی سا کوئی لاجواب ہو نہ سکا۔ انہوں ذات رسولِ خداﷺ پربات کرتے ہوئے کہا کہ رحمتہ العالمین، خاتم النبین، شافع محشر کا اُسوہ حسنہ قابل ِتقلید ہے۔انہوں نے کہاکہ ان ذات پر لاکھوں درود اور سلام ہے جنھیں طائف کے بازار میں لہولہان کردیا گیا لیکن اُمت کی اصلاح سے پیچھے نہ ہٹے۔مزید کہا کہ آج کے اس نفسا نفسی کے دور میں رسول اللہﷺ کے کردار اور گفتار پر عمل کی ضرورت مزید بڑھ گئی۔

اس موقع پرانہوں نے این ای ڈی ایمپلائز محفل ِ میلاد کمیٹی کو سراہتے ہوئے کہا کہ جامعہ کے تحت منعقدہ میلادکا مقصد اپنے طالب علموں کو دین شناسی کے مواقعے فراہم کرنا ہے۔
اس موقعے پر رجسٹرار سید غضنفر حسین سمیت بڑی تعداد میں طالب علموں سمیت جامعہ کے اساتذہ اور اسٹاف نے محفلِ میلاد میں شرکت کی۔

اس محفل عید میلاد النبی کاباقاعدہ اختتام محمد ایاز عطاری نے بارگاہ رب العزت میں دست سوال دراز کرکے کیا۔