ایمز ٹی وی(لاہور) لیڈی ولنگٹن ہسپتال کے قریب فائرنگ سے 3پولیس اہلکار زخمی ہو گئے ۔
نامعلوم کار سوار ملزمان نے لیڈی ولنگٹن ہسپتال کے قریب سادہ لباس میں ملبوس پولیس اہلکاروں پر فائرنگ کر دی اور فرار ہو گئے ، فائرنگ کے نتیجے میں سی آئی اے پولیس کے 2اہلکار اور ایک کار خاص زخمی ہو گیا جنہیں طبی امداد کیلئے میو ہسپتال منتقل کر دیا گیا ہے ۔
پولیس حکام کا کہنا ہے کہ زخمیوں میں سے 2کی حالت تشویشناک ہے ۔ اہلکاروں میں رضوان ، ظفر اور افضل شامل ہیں جو غازی آباد تھانے میں تعینات ہیں ۔
ڈی آئی جی آپریشنز کا کہنا ہے کہ واقعے کے بعد شواہد اکٹھے کیے جا رہے ہیں اور جلد ملزمان کا سراغ لگا لیا جائے گا ۔اہلکاروں نے مشکوک افراد کو روکنے کو کوشش کی تھی جس پر انہوں نے فائرنگ کردی.
ادھر ہسپتال ذرائع کا کہنا ہے کہ زخمی اہلکاروں سے پرائز بانڈبرآمد ہوئے ہیں تاہم وزیرا علیٰ پنجاب نے فائرنگ کے واقعے کا نوٹس لیتے ہوئے رپورٹ طلب کر لی ہے