ایمزٹی وی(کراچی)پی پی کے سابق ایم این اے مرتضیٰ ستی نے پی ٹی آئی میں شامل ہونے کا فیصلہ کرلیا ہے۔
ذرائع کے مطابق پاکستان تحریک انصاف نے پاکستان پیپلز پارٹی کی ایک اور وکٹ گرادی ہے اور سابق رکن قومی اسمبلی مرتضیٰ ستی نے پی ٹی آئی میں شمولیت کا فیصلہ کرلیا ہے۔
ذرائع کے مطابق مرتضیٰ ستی عمران خان سے ملاقات کے بعد شمولیت کا اعلان کریں گے جبکہ وہ این اے 50 راولپنڈی سے رکن اسمبلی منتخب ہوئے تھے۔قبل ازیں سابق گورنر پنجاب اور ذوالفقار بھٹو کے قریبی ساتھی غلام مصطفی کھر نے پی ٹی آئی میں شمولیت کا اعلان کیا تھا۔