ایمزٹی وی (اسپورٹس)بھارتی بلے باز کالی آندھی کے سامنے ڈھیر ہوگئے۔ چوتھے ون ڈے میں ویسٹ انڈیز کے189رنز کے جواب میں بھارتی سورما صرف 178رن بناکر چلتے بنے۔ پانچ میچز کی ون ڈے سیریز کے چوتھے میچ میں ویسٹ انڈیز نے پہلے بیٹنگ کرتے ہوئے 9 وکٹوں کے نقصان پر 189 رنز بنائے۔ ویسٹ انڈیزکی جانب سے لیوئس اور کائل ہوپ نے35،35 رن کی اننگزکھیلی ۔ بھارت کے یمیش یادھو نے 36 رنز دے کر تین کھلاڑیوں کو آؤٹ کیا۔ جس کےجواب میں بھارت کی ٹیم 178 رنز بنا کرآوٹ ہوگئی۔ بھارت کے اجنکیا راہانے91 گیندوں پر 60 رنز اور ایم ایس دھونی نے54 رنز بنائے۔ ویسٹ انڈیز کی جانب سے جیسن ہولڈر پانچ وکٹیں حاصل کرکے میچ کے بہترین کھلاڑی قرار پائے۔ پانچ میچوں کی سیریز میں بھارت کو دو ایک کی برتری حاصل ہے۔ سیریز کا آخری ون ڈے جمعرات کو کنگسٹن میں کھیلا جائے گا۔