ایمز ٹی وی(تجارت) حکومت پنجاب نے موبائل ایپ کے ذریعے ٹیکسی سروس فراہم کرنے والی تین کمپنیاں غیر قانونی قرار دے دیں۔
پنجاب پرونشیل ٹرانسپورٹ اتھارٹی کی جانب سے جاری نوٹیفکیشن کے مطابق اُوبر ، کاریم اور اے ون ٹیکسی سروس کمپنیاں موبائل ایپ کے ذریعے پرائیویٹ کاروں کو غیر قانونی طور پر بطور ٹیکسی استعمال کر رہی ہیں۔
گاڑیوں کو فٹنس سرٹیفکیٹ اور روٹ پرمٹ کے بغیر بطورٹیکسی استعمال کیا جاتا ہے جو غیر قانونی ہے۔اس سے پنجاب حکومت کو بھاری مالی نقصان اٹھانا پڑرہا ہے۔
ڈرائیورز کی سیکورٹی کلیئرنس بھی نہیں لی جاتی، اس لیے ان غیر قانونی ٹیکسی سروس فراہم کرنے والی کمپنیوں کے خلاف کارروائی کے احکامات جاری کردیے گئے ہیں۔