ایمز ٹی وی ( اسلام آباد) حکومت کی جانب سے آئندہ مالی سال کا بجٹ بنانے کی تیاریاں شروع ہوگئی ہیں جس میں حکومت کی جانب سے سرکاری ملاذمین کی تنخواہیں بڑھانے کا امکان ہے ۔ حکومت کی جانب سے ملازمین کی تنخواہیں بڑھانے کا فیصلہ افراط زر کو مد نظر رکھتے ہوئے کیا جائے گا ۔رواں مالی سال کے اختتام تک ملک میں افراط زر کی شرح پانچ سے چھ فیٖصد تک رہنے کی امید ہے ۔ ماہرین کا کہنا ہے کہ اس تجویز کے مطابق بجٹ میں ملاذمین کی معمولی تنخواہیں بڑھنے کا امکان ہے جبکہ یہ توقع بھی کی جارہی ہے کہ تنخواہوں کے ساتھ ہی ساتھ ملاذمین کو الاؤنسز اور دیگر ریلیف پیکچز سے بھی نوازہ جائے گا ۔سرکاری ملازمین کے پے اسکیل پر نظر ثانی کا معاملہ التواء کا شکار ہوسکتا ہے اور توقع ہے کہ آئندہ مالی سال کے بجٹ میں اس معاملے پر کمیشن بنائے جانے کا امکان ہے۔