ایمزٹی وی(تجارت) آئل اینڈگیس ریگولیٹری اتھارٹی نے گیس کی قیمتوں میں ریکارڈ 185 فیصد تک اضافے کی سفارش کر دی ہے اور اپنی سفارشات منظوری کے لیے وفاقی حکومت کو بھجوادی ہیں۔
گیس کی قیتموں میں اضافے کی سفارشات کی منظوری کی صورت میں گھریلو صارفین کیلیے گیس سب سے زیادہ مہنگی ہو جائے گی ماہانہ 100مکعب میٹر تک گیس استعمال کرنے والے گھریلو صارفین کیلیے قیمت 110 روپے ایم ایم بی ٹی یو سے بڑھا کر 314.67 روپے فی ایم ایم بی ٹٰی یو مقرر کرنے کی سفارش کی گئی ہے۔
ماہانہ200 مکعب میٹر تک گیس استعمال کرنے والے صارفین کیلئے قیمت 220 روپے سے بڑھا کر 629.33 روپے فی ایم ایم بی ٹٰی یو جبکہ ماہانہ 300 مکعب میٹرسے زائد گیس استعمال کرنے والے گھریلو صارفین کیلیے قیمت 600 روپے سے بڑھا کر 780.43 روپے فی ایم ایم بی ٹٰی یو مقررکرنے کی سفاش کی گئی ہے۔