ایمز ٹی وی(بزنس)کراچی اسٹاک مارکیٹ سے جمعرات کومندی کے بادل چھٹ گئے اورکے ایس ای 100انڈیکس ایک بار پھر 33ہزارپوائنٹس کی نفسیاتی حد عبور کرگیا،تیزی کے سبب سرمائے کے حجم میں 6ارب سے زائد روپے کااضافہ ریکارڈ کیاگیا جبکہ کاروباری حجم بھی بدھ کی نسبت 5کروڑحصص زیادہ رہا۔کراچی اسٹاک مارکیٹ میں بدھ کوکاروبار کے آغاز سے ہی تیزی کارجحان دیکھاگیا۔

سرمایہ کاروں کی پٹرولیم،آٹوموبائل،توانائی اوربینکنگ سیکٹرمیں دلچسپی اورمارکیٹ میں نئے سرمائے کی آمد کے سبب ٹریڈنگ کے دوران کے ایس ای 100 انڈیکس 33100,33000اور33200پوائنٹس کی 3بالائی حدیں عبور کرتا ہوا33227.43پوائنٹس پرجاپہنچا، تاہم مقامی بروکریج ہاؤسز کی جانب سے ٹریڈنگ کے دوران بعض مواقع پر پرافٹ ٹیکنگ کی خاطر حصص کے فروخت پر دباؤ کے سبب انڈیکس کاروبار کے اختتام تک نئی سطح کوبرقرارنہ رکھ سکا لیکن 2بالائی حدوں کے اضافے سے 33100پوائنٹس کی سطح پربند ہوا۔ اسٹاک ماہرین کے مطابق مارکیٹ بنیادی حساب سے مستحکم رہی ہے۔

تاہم امن و امان کی خراب صورتحال اور یوم سوگ کے باعث مارکیٹ میں گراوٹ دیکھی گئی۔ ماہرین کا کہنا تھا کہ آنیوالے مانیٹری پالیسی میں شرح سود میں مزید کم ہونے کی امید مارکیٹ کا سنبھالا دے سکتی ہے، تاہم نتائج سیزن کا اختتام مارکیٹ کو قلیل مدت میں مشکلات سے دوچار بھی کر سکتا ہے۔ بدھ کوکاروبار کے اختتام پر کے ایس ای 100انڈیکس میں 188.29پوائنٹس کااضافہ ریکارڈ کیاگیا جس سے کے ایس ای 100انڈیکس 32915.44پوائنٹس سے بڑکر33103.73پوائنٹس پربندہوا۔

اسی طرح کے ایس ای 30انڈیکس 22.40 پوائنٹس اضافے سے 21167.94پوائنٹس اورکے ایس ای آل شیئرز انڈیکس 87پوائنٹس اضافے سے 23248.05پوائنٹس سے بڑھ کر  23335.76 پوائنٹس پر جا پہنچا ۔تیزی کے سبب مارکیٹ کے سرمائے میں 6ارب 89کروڑ 80لاکھ 86ہزار 593روپے کااضافہ ریکارڈ کیاگیا جس سے مارکیٹ کامجموعی سرمایہ 72 کھرب 2ارب 52کروڑ88لاکھ 84ہزار806 روپے سے بڑھ کر 72کھرب 9ارب 42کروڑ 69لاکھ 71 ہزار 399 روپے ہوگیا۔اسٹاک مارکیٹ میں بدھ کو 21 کروڑ 33لاکھ 98ہزارحصص کاکاروبار ہوا اورٹریڈنگ ویلیو 9ارب روپے ریکارڈ کیاگیا جبکہ بدھ کو 15 کروڑ 46لاکھ 26ہزار حصص کے سودے ہوئے اور ٹریڈنگ ویلیو 8ارب روپے تک محدود دیکھاگیا تھا۔ کراچی اسٹاک مارکیٹ میں بدھ کو مجموعی طورپر 344کمپنیوں کاکاروبار ہوا جس میں سے 216 کمپنیوں کے حصص کے بھاؤمیں اضافہ، 102میں کمی دیکھی گئی