کراچی: سجاول اور ٹھٹھہ کے سرکاری گوداموں سے گندم کی 10 ہزار سے زائد بوریاںغائب،سجاول کے گودام سے 6 ہزار 247 اور ضلع ٹھٹھہ میں مکلی کے گودام سے 4 ہزار 485 بوریاں فروخت کرنے کا انکشاف ہوا ہے اور گودام میں موجود گندم کی بوریوں سے گھاس اور بھوسہ برآمد ہوا۔ یہ انکشاف اس وقت ہوا جب ان گوداموں کے انچارچ اور ڈسٹرکٹ فوڈ کنٹرولر کے درمیان تنازع پیدا ہوا۔

ڈسٹرکٹ فوڈ کنٹرولر نزاکت عباسی کا کہنا ہے کہ مکلی کے گودام کے انچارچ یوسف چنہ اور سجاول گودام کے انچارچ یاسین شاہ کو معطل کر کے 3 رکنی تحقیقاتی کمیٹی تشکیل دے دی گئی ہے۔جبکہ ڈسٹرکٹ فوڈ کنٹرولر کا کہنا ہے کہ معاملے کی مزید تحقیقات کے لیے اینٹی کرپشن سندھ کو کہا گیا ہے۔