ایمز ٹی وی (تجارت) تھرمیں کام کرنے والی کمپنیوں کو چار سال کے لئے سیلز ٹیکس سے استثنیٰ قرار دے دیا گیا ۔ سندھ حکومت نے تھرمیں کام کرنے والی کمپنیوں کے لئے خدمات پر سیلز ٹیکس میں چھوٹ دے دی ہے ۔ سندھ ریوینو بورڈ کے جاری اعلامیہ کےمطابق تھرمیں کوئلے کی دریافت اور اسی کوئلے سے بجلی پیدا کرنے والی کمپنیوں کو سیلز ٹیکس ادائیگی سے استثنیٰ ہو گا ۔ سندھ حکومت کی جانب سے تھر میں خدمات پر ٹیکس کی چھوٹ صرف تعمیری مرحلے کے چار سال تک کے لئے دی گئی ہے ۔ 2020 کے بعد تمام تمام کمپنیوں سے سیلز ٹیکس ایک بار پھر وصول کیا جانا شروع کردیا جائے گا ۔ ماہرین کے مطابق حکومت کے اس اقدام سے تھر میں جاری ترقیاتی کاموں میں تیزی آنے کا امکان ہے کیونکہ کمپنیاں ٹیکس کی اس چھوٹ کا زیادہ سے زیادہ فائدہ اٹھانےکی کوشیش کریں گی ۔