ایمزٹی وی(تعلیم)ایمپلائزویلفیئرایسوسی ایشن جامعہ کراچی کے زیراہتمام گزشتہ روزناظم مالیات کے نامناسب رویے اورملازم دشمن فیصلوں کے خلاف ریلی نکالی گئی ،ریلی میں افسران اور ملازمین کی کثیر تعداد نے شرکت کی۔

ایمپلائز ویلفیئر ایسوسی ایشن کے جنرل سیکریٹری ضیاء الحق نے ریلی سے خطاب کرتے ہوئے انتظامیہ سے مطالبہ کیا کہ اگرناظم مالیات کو جوائننگ کی اجازت دی گئی تو ملازمین جامعہ کراچی اس وقت تک قلم چھوڑ ہڑتال پر رہیں گے جب تک ناظم مالیات کو برطرف نہیں کیا جائے گا۔

انہوں نے مزید کہا کہ اگر31اگست تک افسران کولیوانکیشمنٹ کااجرااور گریڈ ایک تاسولہ کے ملازمین کو اسکالرشپ کی مدمیں دی جانے والی رقم ادانہ کی گئی تو31 اگست کوفیڈریشن آف آل پاکستان یونیورسٹیز اکیڈمک اسٹاف ایسو سی ایشن (فپواسا) سندھ کی جانب سے دی جانے والی ہڑتال کی کال میں جامعہ کراچی کے تمام افسران اور ملازمین بھی ان کابھرپور ساتھ دیں گے۔