ایمز ٹی وی ( تعلیم/مانسہرہ) ڈسٹرکٹ ایجوکیشن آفیسر ریحانہ یاسمین نے کہاہے کہ ضلع بھر میں اسکولوں کی چیکنگ کا عمل جاری ہے ۔ اساتذہ کو حاضریاں مکمل کرنے کی ہدا یت کی گئی ہے ۔ سرکاری اسکولوں میں تعلیمی معیار پہلے سے بہتر ہوتا جارہا ہے ۔ ہم اپنی طرف سے بھر پور کوشش کرتے ہیں کہ سرکاری اسکولوں میں تعلیمی معیا ر بہتر سے بہتر ہو۔ مگر کچھ مسائل بھی ہیں جن کا سامنا اساتذہ کو کرنا پڑ تاہے ۔ دور دراز علاقوں میں خواتین اساتذہ کے لئے ہاسٹل کی سہولت نہ ہونے کی وجہ سے تعلیمی سرگرمیاں متاثر ہوتی ہیں حکومت کو چا ہئے کہ اسکولوں کی تعمیر کے ساتھ ساتھ ہاسٹلوں کی تعمیر کا مسئلہ بھی حل کر ے ۔ انہوں نے وفد سے گفتگو کرتے ہوئے کہا کہ طالبات کو نصابی سر گرمیوں کے ساتھ کھیلوں کی طرف بھی راغب کیا جارہا ہے اور پندرہ سال بعدضلع مانسہرہ میں پہلی بار ہم نے کھیلوں کے مقابلے منعقد کرائے جن میں طالبات نے بڑھ چڑھ کر حصہ لیا ۔