ایمز ٹی وی (تعلیم /لاہور) سائنس کالج وحدت روڈ کے طلبہ کو سینکڑوں روپے جرمانہ کر دیا گیا جس پر والدین اور طلبہ سراپا احتجاج بن گئے۔ بتایا گیا ہے کہ وحدت روڈ پر لڑکوں کے سرکاری کالج کے طلبہ کو غیر حاضری کے الزام میں ہزاروں روپے جرمانہ کر دیا گیا جبکہ کالج انتظامیہ نے بعض طلبہ کے جرمانے معمولی رعایت کے ساتھ معاف کر دیئے۔ طلبہ کا کہنا ہے کہ انتظامیہ ہر سال مختلف بہانوں سے سینکڑوں روپے جرمانہ عائد کرتی ہے۔ اس بارے میں کالج کے پرنسپل اعزاز احمد خاں نےکہا کہ طلبہ کو جرمانہ غیر حاضری کی بنیا د پر کیا گیا ہے ، جب یہ طلبہ اکیڈمیز کی ہزاروں روپے فیسیں ادا کر سکتے ہیں تو جرمانہ دینے کی بھی سکت رکھتے ہیں ۔ جبکہ مجبور طلبہ کے جرمانے کالج کے وائس پرنسپل معاف کر رہے ہیں