آواز انسٹییٹوٹ آف میڈیااینڈ مینجمنٹ سائنسز میں ڈاکٹر ناصر انصار کی زیرصدارت تعارفی تقریب منعقد کی گئی تقریب کے مپما نِ خصوصی نجی نیوز اینکرز شاہ زیب خان اورعلی انیق مدعو تھے
تقریب سے خطاب کرتے ہوئے نجی نیوز چینل کے نیوز اینکر شاہ زیب احمد کا اس موقع پر کہنا تھا کہ آوازانسٹیٹیوٹ میں داخلہ لینا بڑی خوش نصیبی کی بات ہے یہ وہ واحد ادارہ ہے جہاں تدریس کے دوران ہی طلبا و طالبات کو عملی طور پر تیار کیا جاتا ہے
جبکہ نیوز اینکر علی انیق نے طلبا و طالبات سے خطاب کرتے ہوئے کہا کہ زندگی میں کبھی اپنی ناکامی کا الزام کسی بھی ادارے یا استاد کو نہ دیں۔اپنے روشن مستقبل کے لئے خود پر اعتماد کرتے ہوئے جستجو اور لگن کے ساتھ علم حاصل کریں۔
اس موقع پر آواز انسٹیٹیوٹ کے پرنسپل ڈاکٹر ناصر انصار نے نئے آنے والے طلبا و طالبا ت کوخوش آمدید کرتے ہوئے کہا کہ آواز انسٹیٹیوٹ ایک نان کمرشل ادارہ ہے جہاں تعلیمی سرگرمیوں کے لئے باصلاحیت اور قابل اساتذہ موجود ہیں جو یہاں کے بچوں کے لئے معاون ثابت ہونگے۔اپنے خطاب کے دوران انہوں نے قابل طلبا و طالبات کے لئے اسکالر شپ دینے کا اعلان بھی کیا ۔
تعلیمی سال 2019 کو بہتر بنانے کے لئے انسٹیٹیوٹ کی جانب سے 3قسم کی سوسائٹیز کے قیام کا اعلان کرتے ہوئے مس ثنا شاہد نے کہا کہ یہ سوسائٹیز طلبا و طالبا ت کے اسکلز کو پروان چڑھانے میں اہم کردار ادا کرے گی اس سوسائٹیز کا مقصد طلبا و طالبات کو عملی طو ر پر ترغیب دینا ہے تاکہ تعلیم مکمل ہونے کے بعد انہیں کسی قسم کی مشکل پیش نہ آئے اور مختلف شعبہ جات میں اپنی کارکردگی کو بہتر طریقے سے انجام دیں سکے۔
اس پر وقار تقریب میں فیکلٹی ممبرز سمیت طلبا و طالبا ت کی کثیر تعداد موجود تھی۔تقریب میں فیکلٹی ممبرز نے بھی اپنے خیالات کااظہارکیا جبکہ طلبا و طالبات اپنے نئے تعلیمی سال کے آغاز پر خوش نظرآئے اور طلبا وطالبات نےفوٹو بوتھ ر تصیریں بھی بنوائیں۔
