کراچی: موسم گرما کےحوالے سے چلنے والی خبربےبنیاد ہے۔ محکمہ تعلیم کے ترجمان سعید میمن نے گرمیوں کی چھٹیاں بڑھائے جانے کے حوالے سے سوشل میڈیا پر آنے والی خبروں تردید کرتے ہوئے کہا ہے کہ تمام اسکولز میں گرمیوں کی چھٹیاں یکم مئی سے 30 جون تک ہیں اور نئے تعلیمی سال کا آغاز یکم جولائی سے ہوگا۔ اس میں کسی قسم کی توسیع نہیں کی گئی۔

 

انہوں نے کہا کہ محکمہ تعلیم کی طرف سے 2 جنوری 2019 کو منعقد کیے گئے اسٹیئرنگ کمیٹی کے اجلاس میں ہی پورے سال کے تعلیمی شیڈیول کا فیصلہ کیا گیا تھا جس کے مطابق تمام اسکولوں میں گرمیوں کی چھٹیاں یکم مئی سے 30 جون تک ہونگی اور نئے تعلیمی سال کا آغاز یکم جولائی سے ہوگا۔

 

لہٰذہ اس حوالے سے کل سے سوشل میڈیا پر کچھ عناصر کی جانب سے پچھلے سال کے کسی چئنل پر نشر ہوئی خبر کے اسکرین شاٹس جاری کرکے عوام کو پریشان کیا جا رہا ہے جن کو خاطر میں نہ لایا جائے۔ گرمیوں کی چھٹیاں طئے شدہ شیڈیول (یکم مئی سے 30 جون تک) کے مطابق برقرار ہے۔ اور اسکولز میں یکم جولائی سے نئے تعلیمی سال کا آغاز ہوجائے گا.