لاہور: پنجاب حکومت نے پانچویں جماعت تک ذریعہ تعلیم اردو میں کرنے کا اعلان کردیا،میڈیا رپورٹس کے مطابق وزیراعلیٰ پنجاب عثمان بزدار نے سماجی رابطے کی ویب سائٹ ٹوئٹر پر اپنے ٹوئٹ میں کہا ہے کہ پرائمری سطح پر ذریعہ تعلیم انگلش ہونے کی وجہ سے اساتذہ اور بچوں کا سارا وقت مضمون کو سمجھنے کی بجائے ترجمہ کرنے میں صرف ہو جاتا ہے اور بچے کچھ نیا سیکھ نہیں پاتے۔

 

وزیراعلیٰ پنجاب نے کہا کہ محکمہ ایجوکیشن کے سروے میں 85فیصد رائے اردو کے حق میں آئی ،اب انگلش صرف ایک زبان کے طور پر پڑھائی جائے گی ،وزیراعلیٰ پنجاب نے کہا کہ اگلے تعلیمی سال (مارچ 2020) سے پنجاب کے پرائمری اسکولوں میں ذریعہ تعلیم اردو کر دیا جائے گا۔