کراچی: اقرا یونیورسٹی کی جانب سے مکمل فنڈڈ پی ایچ ڈی پروگرام کا آغاز کردیا گیا ہے ۔مذکورہ پروگرام کے تحت بزنس ایڈمنسٹریشن ،کمپیوٹر سائنس ،ٹیلی کمیونیکیشن اور تعلیم کے شعبوں میں اعلیٰ تعلیمی و تحقیقی کارگردگی کے حامل پی ایچ ڈی اسکالرز کوانٹری ٹیسٹ میں کامیابی کے بعد اقرا یونیورسٹی کی جانب سے ماہانہ 60،000 روپے تک مشاہرہ دیا جائے گا ۔

 

وائس چانسلر پروفیسر ڈاکٹر وسیم قاضی نے تفصیلات سے آگاہ کرتے ہوئے کہا کہ اقرا یونیورسٹی ملک کی پہلی نجی جامعہ ہےجو پی ایچ ڈی پروگرام میں مکمل اسکالرشپ دی رہی ہے ، اس قدم کا مقصد اعلیٰ تعلیم اور ریسرچ کلچر کا فروغ ہے ۔ضرورت اس امر کی ہے کہ ملک میں اعلیٰ تعلیم و تحقیق پر توجہ دی جائے اور حکومتی فنڈنگ پر انحصار کرنے کے بجائے نجی شعبے کو آگے آنا چاہئے ۔

 

اقرا یونیورسٹی کی جانب سے اعلیٰ تعلیمی تعلیم و تحقیق کے فروغ و ترویج کیلئےقابلِ قدر اقدامات اٹھائے گئے ہیں جس کو قومی اور بین الاقوامی تعلیمی حلقوں میں پزیرائی مل رہی ہے۔پاکستان میں ریسرچ کلچر میں بتدریج بہتری آرہی ہے،ہماری کارکردگی اگرچہ حوصلہ افزاء تو نہیں لیکن ماضی سے بہتر ضرور ہے۔بحیثیت پاکستان کی بہترین نجی جامعہ، ہماری اولین ترجیح ملک میں ریسرچ کلچر کا فروع اور اس کے ذریعے سماجی و معاشی ترقی کے اہداف کا حصول ہے۔