کراچی: علما یونیورسٹی کی فیکلٹی آف کمپیوٹر سائنس کے شائع ہونے والے جرنل آف انفارمیشن اینڈ کمیونیکیشن ٹیکنالوجی (JICT) کو "Y" کیٹیگری کے ساتھ ایچ ای سی کے تسلیم شدہ جرنلز کے نظام ایچ جے آر ایس (hjrs) میں شامل کر لیا گیا ہے , جو علما یونیورسٹی کی ایک شاندار کامیابی ہے ۔

 

علما یونیورسٹی ہمیشہ سے اہم شعبوں میں ابھرتے ہوئے رجحانات کی مستند ، گہری اور قابل اعتماد تحقیق کو شائع کرنے کے لئے معیاری پیرامیٹرز کا نفاذ کرتی ہے , جس نے اس کے ممتاز جرائد کا شمار ایچ ای سی کے بہترین زمروں میں کر دیا ہے۔

 

علما یونیورسٹی بین الاقوامی معیار کے حصول اور عالمی سطح پر زیادہ موثر طور پر اثر انداز ہونے کے لئیے مستقل اپنی فیکلٹیز میں بہتری لاتی رہتی ہے اور یہی وجہ ہے کہ جرنل آف انفارمیشن اینڈ کمیونیکیشن ٹیکنالوجی (JICT) کی ایچ ای سی کی Y کیٹیگری میں شمولیت نے اسے اپنے ہم عصروں میں زیادہ پر اثر اور نمایاں مقام و حیثیت کا حامل کر دیا ہے ۔