کراچی: وزیر تعلیم و محنت سندھ سعید غنی کی زیر محکمہ تعلیم کی اسٹیرنگ کمیٹی کا اجلاس جاری ہے.

 

اجلاس میں تعلیمی اداروں کو کھولنے، اس کے لئے جاری کردہ ایس او پیز پر تبادلہ خیال جاری ہے.

 

صوبائی وزیر تعلیم سعیدغنی کااجلاس کے دوران کہنا تھا کہ اس وقت ملک میں کووڈ 19 کی صورت حال الحمد اللہ بہت حد تک بہتر ہے.اس حوالے سے اسٹیرنگ کمیٹی کی بنائی گئی کمیٹی نے نہ صرف ایس او پیز کو فائنل کیا ہے اور کچھ سفارشات بھی دی ہیں. وفاقی وزیر تعلیم کی زیر صدارت بنائ گئ تمام صوبائی وزراء تعلیم کا اجلاس 7 ستمبر کو ہوگا، جس میں تعلیمی اداروں کو کھولنے کے حوالے سے فیصلہ کیا جائے گا.

 

انہوں نےمزیدکہاکہ سب کمیٹی کی سفارشات کے مطابق 15 ستمبر کو تمام تعلیمی ایک ساتھ کھولنے کی بجائے اس کو مختلف اسٹیج میں کھولا جائے. کمیٹی کی سفارشات کے مطابق 15 ستمبر سے کلاس نہم سے اوپر کی کلاسز، کلاس 6 سے 8 تک 21 ستمبر اور پری پرائمری سے 5 تک 28 ستمبر کو کھولا جائے.

ہم صوبے کی جانب سے وفاق کی کمیٹی کو ہم سفارش کریں گے.اگر کوئی اسکول مذکورہ تاریخ سے قبل کھولتا ہے تو وہ خلاف قانون قرار پائے گا.اگر کوئی اسکول اپنی اسکول میں ایس او پیز کے لیے کچھ وقت مانگتا ہے تو اسے دیا جاسکتا ہے.

 

انہوں نےمزیدکہاکہ ہماری آج کی اسٹیرنگ کمیٹی کے ہونے والے فیصلے فائنل نہیں ہیں. ہم 7 ستمبر کو این سی او سی کے اجلاس کے بعد کوئی حتمی اعلان کریں گے.