ایمز ٹی وی (تعلیم) بزم گل کراچی کی جانب سے زون بن قاسم میں مکتبہ اسلامیہ میں، زون شمالی میں مسجد قباء میں اور زون غربی میں مکتبہ عثمان میں ممبرز کے لئے جنت کے پھول کیمپ کا انعقاد کیا گیا۔ نگران بزم گل کراچی، اریبہ احمد نے ورکشاپ کرواتے ہوئے کہا کہ بزم گل کی ممبرز اقبال کے شاہین بننے کی صلاحیت رکھتی ہیں، انہوں نے ممبرز کو رہنمائی دیتے ہوئے کہا کہ اپنے اندر شاہین کی خصوصیات کو پروان چڑھائیں اور مثالی ممبرز ہونے کا ثبوت دیتے ہوئے نیک بنو، نیکی پھیلاﺅ کے سلوگن کو زیادہ سے زیادہ طالبات تک پہنچائیں۔ کیمپ میں ممبرز کے مابین کوئز بہ مو ضوع " آﺅ قرآن یاد کریں" مختلف گیمز اور اسپیکرز فورم بھی منعقد کروایا گیا ۔ جس میں ممبرز نے بڑھ چڑھ کرحصہ لیا، نیز جیتنے والی طالبات میں زونل نگراں بزم گل نے تحائف بھی تقسیم کئے۔