ایمزٹی وی (تعلیم) کراچی کے مختلف انسٹیٹیوٹس کے درمیان اسکل ڈیویلپمنٹ مقابلوں کی تقریب سے خطاب کرتے ہوئے نیشنل ووکیشنل ٹیکنیکل ٹریننگ کمیشن (نیو ٹیک) کے ایگزیکٹو ڈائریکٹر ذوالفقار احمد چیمہ کا کہنا تھا کہ وزیراعظم میاں محمدنواز شریف نے روشن پاکستان کے نام سے پورے ملک میں اسکل ڈیویلپمنٹ پروگرامز کا آغاز کیا ہے.جس میں 18سے 35سال تک کے مرد اور خواتین کو تکنیکی اصولوں کے مطابق ٹریننگ دی جاتی ہے۔ ذوالفقار چیمہ نے بتایا کہ نیوٹیک کے تحت کورسز نہ صرف بلامعاوضہ ہیں، بلکہ طالب علموں کو ماہانہ2000روپے وظیفہ بھی دیا جاتا ہے۔ مستقبل میں اسکل ڈویلپمنٹ یونیورسٹی کاقیام بھی عمل میں لایا جائے گا۔مزیداس پروگرام کو ملنے والی پزیرائی کی روشنی میں جلد ہی اس کے فیزIII کا بھی آغاز ہوجائے گا جس سے 50,000 بے روزگار نوجوان مستفید ہوکرملک کی ترقی میں اپنا حصہ ڈال سکیں گے۔ چیئرمین میمن انسٹیٹیوٹ ایچ ایم شہزاد نے بتایا کہ انسٹیٹیوٹ سے ہزاروں طالب علم مستفید ہورہے ہیں۔آخر میں مقابلے میں کامیاب ہونے والے انسٹیٹیوٹس کو اعزازی سرٹیفکیٹ اور نقد انعامات دیئے گئے۔ پہلی پوزیشن حاصل کرنے والے طالب علم کو 20000 ، دوسرے کو 15000اور تیسرے کو 10000روپے نقد انعام دیا گیا۔